Honda Elevate bookings : హోండా ఎలివేట్​ బుకింగ్స్​ షురూ.. లాంచ్​ ఎప్పుడంటే!

Honda Elevate bookings : ఫ్లాగ్​షిప్​ ఎస్​యూవీ ఎలివేట్​కు సంబంధించి బుకింగ్స్​ను తాజాగా ప్రారంభించింది దిగ్గజ ఆటోమొబైల్​ సంస్థ హోండా. దేశవ్యాప్తంగా ఉన్న ఆథరైజ్​డ్​ డీలర్​షిప్​షోరూమ్స్​లో ​సోమవారం నుంచి ఎలివేట్​ను బుక్​ చేసుకోవచ్చని ప్రకటించింది. ఆన్​లైన్​ ప్లాట్​ఫార్మ్​ 'హోండా ఫ్రం హోం'లోనూ ఈ ఎస్​యూవీని బుక్​ చేసుకునే ఆప్షన్​ ఇచ్చింది.

ఇక రానున్న పండుగ సీజన్​లో, అంటే సెప్టెంబర్​లో హోండా ఎలివేట్​ లాంచ్​కానుంది. సెప్టెంబర్​లో ఎలివేట్​ డెలివరీలు మొదలవుతాయని సంస్థ వెల్లడించింది.

ఆ ఎస్​యూవీలకు పోటీగా..ఎలివేట్!

గత నెలలో ఇండియా నుంచి ఎలివేట్​ ఎస్​యూవీని అంతర్జాతీయంగా ఆవిష్కరించింది హోండా సంస్థ. ఇండియాలోనే ఇది మొదటిగా లాంచ్​కానుంది. 2030 వరకు 5 ఎస్​యూవీలను ఇండియాలో లాంచ్​ చేయాలని ప్లాన్​ చేసింది ఈ ఆటోమొబైల్​ సంస్థ. ఈక్రమంలోనే మొదటిగా ఎలివేట్​ను తీసుకొస్తోంది. వాస్తవానికి.. ఇండియాలో ఎస్​యూవీ సెగ్మెంట్​ శక్తివంతంగా ఉన్నప్పటికీ, హోండా పోర్ట్​ఫోలియోలో ఒక్క వెహికిల్​ కూడా లేదు. డబ్ల్యూఆర్​-వీ, బీఆర్​-వీ మోడల్స్​ను నిలిపివేసింది. అందుకే ఎలివేట్​పై భారీ ఆశలు పెట్టుకుంది ఈ సంస్థ. ఎలివేట్​తో సంస్థ ఆదాయం పెంచుకోవాలని భావిస్తోంది.

Honda Elevate SUV : అందుకే హోండా ఎలివేట్​ ఎస్​యూవీపై భారీ అంచనాలు నెలకొన్నాయి. లాంచ్​ తర్వాత ఈ మోడల్​.. హ్యుందాయ్​ క్రేటా, మారుతీ సుజుకీ గ్రాండ్​ విటారా, కియా సెల్టోస్​ వంటి బెస్ట్​ సెల్లింగ్​ ఎస్​యూవీలకు గట్టిపోటీనిస్తుందని మర్కెట్​ వర్గాలు భావిస్తున్నాయి.

ఇదీ చూడండి:- రేపే కియా సెల్టోస్​ ఫేస్​లిఫ్ట్​ లాాంచ్​.. అదిరిపోతుందంతే!

హోండా ఎలివేట్​ హైలైట్స్​ ఇవే..

హోండా ఎలివేట్​ ఎస్​యూవీ పొడవు 4,312ఎంఎం. వెడల్పు 1,790ఎంఎం. ఎత్తు 1,650ఎంఎం. ఈ డైమెన్షన్స్​తో ఎస్​యూవీ కంఫ్టర్​ చాలా మెరుగ్గా ఉంటుందని సంస్థ చెబుతోంది. రోడ్​ ప్రెజెన్స్​ కూడా బలంగా ఉంటుందని అంచనా వేస్తోంది.

ఇక ఫీచర్స్​ విషయానికొస్తే.. ఈ వెహికిల్​లో 10.25 ఇంచ్​ టచ్​స్క్రీన్​ ఇన్ఫోటైన్​మెంట్​ సిస్టెమ్​, 7 ఇంచ్​ హెచ్​డీ కలర్​ టీఎఫ్​టీ ఇన్​స్ట్రుమెంట్​ క్లస్టర్​, వయర్​లెస్​ స్మార్ట్​ఫోన్​ ఇంటిగ్రేషన్​ టెక్నాలజీ, హోండా కనెక్ట్​ వంటివి లభిస్తున్నాయి. జియో ఫెన్సింగ్​, ఎమర్జెన్సీ అసిస్టెన్స్​ వంటివి కూడా వస్తున్నాయి.

Honda Elevate price in India : హోండా ఎలివేట్ ఎస్​యూవీ​లో 1.5 లీటర్​ డీఓహెచ్​సీ ఐ- వీటెక్​ పెట్రోల్​ ఇంజిన్​ ఉంటుంది. ఇది 121 పీఎస్​ పవర్​ను, 145.1 ఎన్​ఎం టార్క్​ను జనరేట్​ చేస్తుంది. 6 స్పీడ్​ మేనయువల్​ గేర్​బాక్స్​తో పాటు అడ్వాన్స్​డ్​ సీవీటీ ట్రాన్స్​మిషన్​ లభిస్తోంది. సెల్ఫ్​ ఛార్జింగ్​, డ్యూయెల్​ మోటార్​ ఈ-సీవీటీ టెక్నాలజీతో కూడిన స్ట్రాంగ్​ హైబ్రీడ్​ వేరియంట్​ కూడా ఈ ఎస్​యూవీకి లభిస్తుందని తెలుస్తోంది. ఇది 126 పీఎస్​ పవర్​ను, 253ఎన్​ఎం టార్క్​ను జనరేట్​ చేస్తుంది.

ఇండియాలో ఈ ఎలివేట్​ ఎస్​యూవీ ధరకు సంబంధించిన వివరాలు లాంచ్​ సమయంలో తెలుస్తాయి. అయితే దీని ఎక్స్​షోరూం ధర రూ. 10.50లక్షలు- రూ. 20లక్షల మధ్యలో ఉంటుందని మార్కెట్​ వర్గాలు భావిస్తున్నాయి.

ఇండియాలో మరో మూడేళ్లల్లో ఒక ఫుల్లీ ఎలక్ట్రిక్​ కారును సైతం లాంచ్​ చేయనున్నట్టు హోండా ప్రకటించింది. ఎలివేట్​ ఎస్​యూవీ ఈవెంట్​లో ఈ విషయాన్ని వెల్లడించింది.