HDFC Bank: హెచ్ డీ ఎఫ్ సీ బ్యాంక్ క్రెడిట్ కార్డు ఉందా? ఈ మార్పులు గమనించండి.. లేదంటే బాదుడే..-hdfc banks new credit card rules effective from august 1 check key changes ,బిజినెస్ న్యూస్
తెలుగు న్యూస్  /  బిజినెస్  /  Hdfc Bank: హెచ్ డీ ఎఫ్ సీ బ్యాంక్ క్రెడిట్ కార్డు ఉందా? ఈ మార్పులు గమనించండి.. లేదంటే బాదుడే..

HDFC Bank: హెచ్ డీ ఎఫ్ సీ బ్యాంక్ క్రెడిట్ కార్డు ఉందా? ఈ మార్పులు గమనించండి.. లేదంటే బాదుడే..

HT Telugu Desk HT Telugu
Jun 28, 2024 05:50 PM IST

ఆగస్టు 1, 2024 నుండి హెచ్ డీ ఎఫ్ సీ బ్యాంక్ క్రెడిట్ కార్డు నిబంధనలు మారుతున్నాయి. ఆగస్ట్ 1 నుంచి థర్డ్ పార్టీ పేమెంట్ యాప్ ల ద్వారా జరిపే చెల్లింపులపై చార్జీలు వర్తించనున్నాయి. మీకు వర్తించే నిర్దిష్ట ఛార్జీల గురించి తెలుసుకోవడానికి హెచ్ డీ ఎఫ్ సీ బ్యాంక్ వెబ్ సైట్ ను సందర్శించండి.

హెచ్ డీ ఎఫ్ సీ బ్యాంక్ క్రెడిట్ కార్డు నిబంధనలు మారుతున్నాయి
హెచ్ డీ ఎఫ్ సీ బ్యాంక్ క్రెడిట్ కార్డు నిబంధనలు మారుతున్నాయి

మీ వద్ద హెచ్ డీ ఎఫ్ సీ బ్యాంక్ క్రెడిట్ కార్డు ఉందా? దాన్ని అన్ని చెల్లింపులకు ఉపయోగిస్తున్నారా? ముఖ్యంగా క్రెడ్, పేటీఎం, ఫ్రీ చార్జ్, మొబిక్విక్ వంటి థర్డ్ పార్టీ పేమెంట్ యాప్ ల ద్వారా చెల్లింపులకు ఆ క్రెడిట్ కార్డును వాడుతున్నారా? .. ఆగస్ట్ 1 నుంచి అలా చేస్తే మీపై చార్జీల భారం పడుతుంది. HDFC బ్యాంక్ సవరించిన క్రెడిట్ కార్డ్ నిబంధనలను ఆగస్టు 1, 2024 నుండి అమలు చేయనుంది.

సవరించిన క్రెడిట్ కార్డ్ నిబంధనలు

క్రెడ్, పేటీఎం, చెక్, మొబిక్విక్, ఫ్రీఛార్జ్ తదితర థర్డ్ పార్టీ పేమెంట్ యాప్ ల ద్వారా జరిపే క్రెడిట్ కార్డ్ చెల్లింపులకు హెచ్ డీఎఫ్సీ బ్యాంక్ కొత్త ఫీజు స్ట్రక్చర్ ను ప్రవేశపెట్టనుంది. ఆగస్ట్ 1 వ తేదీ నుంచి లావాదేవీ మొత్తంపై బ్యాంక్ 1% ఛార్జీని బ్యాంక్ వసూలు చేస్తుంది. ప్రతి లావాదేవీకి గరిష్ట రుసుము రూ. 3,000గా నిర్ణయించింది. అయితే, ఇందులో కొన్ని మినహాయింపులు ఉన్నాయి. ఉదాహరణకు, మీ హెచ్ డీ ఎఫ్ సీ బ్యాంక్ క్రెడిట్ కార్డు (HDFC Bank credit card) ను ఉపయోగించి కళాశాల / పాఠశాల వెబ్సైట్లు లేదా వాటి పిఓఎస్ మెషీన్ల ద్వారా నేరుగా చేసే లావాదేవీలకు ఎటువంటి ఛార్జీలు ఉండవు. అదనంగా, అంతర్జాతీయ విద్య కోసం చేసే చెల్లింపులకు కూడా ఈ రుసుము నుండి మినహాయింపు ఉంది.

యుటిలిటీ బిల్లుల చెల్లింపులపై కూడా

యుటిలిటీ బిల్లుల చెల్లింపులకు హెచ్ డీ ఎఫ్ సీ బ్యాంక్ క్రెడిట్ కార్డు (HDFC Bank credit card) ను ఉపయోగిస్తే కూడా కొంత మొత్తంలో రుసుము చెల్లించాల్సి ఉంటుంది. హెచ్ డీ ఎఫ్ సీ బ్యాంక్ క్రెడిట్ కార్డులతో చెల్లించే అన్ని యుటిలిటీ బిల్లులకు (విద్యుత్, నీరు, గ్యాస్ మొదలైనవి) ఇది వర్తిస్తుంది. రూ.50,000 లోపు లావాదేవీలకు ఎలాంటి రుసుము వసూలు చేయరు. అయితే రూ.50,000 దాటిన యుటిలిటీ బిల్లులకు లావాదేవీ మొత్తంలో 1% రుసుము వర్తిస్తుంది. ప్రతి లావాదేవీకి గరిష్ట రుసుము రూ .3,000 గా నిర్ణయించారు.

పెట్రోలు బిల్లుల చెల్లింపులపై కూడా

మీ ఇంధన లావాదేవీ రూ.15,000 కంటే తక్కువగా ఉంటే బ్యాంకు అదనపు రుసుము వసూలు చేయదు. అయితే రూ.15,000 దాటిన లావాదేవీలకు మొత్తం మొత్తంపై 1 శాతం రుసుముగా చెల్లించాల్సి ఉంటుంది. ప్రతి లావాదేవీకి గరిష్ట రుసుము రూ .3,000 గా నిర్ణయించారు. అలాగే, బ్యాంక్ రివార్డుల కోసం రిడంప్షన్ ఛార్జీలను అమలు చేస్తోంది. ఇక నుంచి స్టేట్మెంట్ క్రెడిట్ కోసం రివార్డ్ పాయింట్లను రిడీమ్ చేసుకునే క్రెడిట్ కార్డు హోల్డర్లందరికీ రూ.50 ఫీజు ఉంటుంది. ఈ మార్పు ముఖ్యంగా హెచ్ డీ ఎఫ్ సీ బ్యాంక్ ఎంట్రీ లెవల్ క్రెడిట్ కార్డు వినియోగదారులపై ఎక్కువగా ప్రభావం చూపుతుంది.

లేట్ గా చెల్లించినా బాదుడే..

హెచ్ డీ ఎఫ్ సీ బ్యాంక్ క్రెడిట్ కార్డు బిల్లులను ఆలస్యంగా చెల్లిస్తే, ఇకపై భారీగా ఫైన్ చెల్లించాల్సి వస్తుంది. మీ బకాయి బ్యాలెన్స్ ఆధారంగా రూ.100 నుంచి రూ.1300 వరకు ఫీజు మొత్తం మారుతుంది. ఈ నిబంధన ఆగస్ట్ 1 నుంచి అమల్లోకి వస్తుంది.

WhatsApp channel