Google Pixel 8: గూగుల్ పిక్సెల్ 8 పై ఇది నెవర్ బిఫోర్ ఆఫర్; ఏకంగా రూ.21 వేల తగ్గింపు

Google Pixel 8 price cut: గూగుల్ పిక్సెల్ 9 సిరీస్ స్మార్ట్ ఫోన్స్ లాంచ్ కు సిద్ధమవుతున్న నేపథ్యంలో, గూగుల్ పిక్సెల్ 8 ఫోన్ ఈ కామర్స్ దిగ్గజం ఫ్లిప్ కార్ట్ లో భారీ డిస్కౌంట్ తో అందుబాటులోకి వచ్చింది. గూగుల్ పిక్సెల్ 9 స్మార్ట్ ఫోన్ (smartphone) ను ఆగస్ట్ 14న లాంచ్ చేస్తున్నారు.

పిక్సెల్ 8 పై భారీ డిస్కౌంట్

గూగుల్ పిక్సెల్ 8 ప్రస్తుతం ఫ్లిప్ కార్ట్ సేల్ లో భారీ డిస్కౌంట్ తో లభిస్తుంది. ఈ ఫోన్స్ ను గూగుల్ గత సంవత్సరం లాంచ్ చేసింది. గూగుల్ ఇప్పుడు పిక్సెల్ 8 ఫోన్లను భారతదేశంలోనే తయారు చేస్తోంది. గూగుల్ పిక్సెల్ 8 సిరీస్ లో భాగంగా గూగుల్ పిక్సెల్ 8 ప్రో కూడా ఉంది. మనదేశంలో గూగుల్ పిక్సెల్ 8 లాంచ్ సమయంలో రూ.75,999 ఉండగా, పిక్సెల్ 9 లాంచ్ కు ముందు గూగుల్ పిక్సెల్ 8ను రూ.54,999కే కొనుగోలు చేయవచ్చు. వీటితో పాటు కొనుగోలుదారులు బ్యాంక్ ఆఫర్లను కూడా పొందవచ్చు.

గూగుల్ పిక్సెల్ 8: బ్యాంక్ ఆఫర్లు, డిస్కౌంట్లు

గూగుల్ పిక్సెల్ 8 ప్రస్తుతం ఫ్లిప్ కార్ట్ లో రూ.17,000 తగ్గింపు తర్వాత రూ.58,999 వద్ద లిస్ట్ అయింది. ఐసీఐసీఐ బ్యాంక్ క్రెడిట్, డెబిట్ కార్డు లావాదేవీలపై రూ.4000 తగ్గింపుతో గూగుల్ పిక్సెల్ 8 ధర రూ.54,999కు తగ్గింది. మీ వద్ద పాత స్మార్ట్ఫోన్ ఉంటే, ఫ్లిప్ కార్ట్ (flipkart) మీ పాత డివైస్ కు రూ .54,150 వరకు ఎక్స్చేంజ్ బోనస్ ను ఆఫర్ చేస్తోంది. ఇది పిక్సెల్ 8 ఫైనల్ ధరను గణనీయంగా తగ్గిస్తుంది.

గూగుల్ పిక్సెల్ 8 స్పెసిఫికేషన్లు

గూగుల్ పిక్సెల్ 8 (google pixel 8) 120 హెర్ట్జ్ రిఫ్రెష్ రేట్ తో 6.2 అంగుళాల ఎఫ్ హెచ్ డీ + ఓఎఈల్డీ డిస్ప్లేను కలిగి ఉంది. 8 జీబీ ర్యామ్ తో కూడిన గూగుల్ ఇన్-హౌస్ టెన్సర్ జీ3 చిప్సెట్తో ఈ స్మార్ట్ఫోన్ పనిచేస్తుంది. ఇక కెమెరా విషయానికి వస్తే గూగుల్ పిక్సెల్ 8 లో 50 మెగాపిక్సెల్ ప్రైమరీ కెమెరా, 12 మెగాపిక్సెల్ అల్ట్రా-వైడ్ కెమెరా విత్ మాక్రో ఫోకస్ ఉన్నాయి. వీడియో కాల్స్, సెల్ఫీల కోసం పిక్సెల్ 8 ముందు భాగంలో 10.5 మెగాపిక్సెల్ కెమెరాను అందించారు. ఇందులో 4575 ఎంఏహెచ్ బ్యాటరీని అందించారు.