Google Pixel 9 : రెండు రోజుల్లో గూగుల్​ పిక్సెల్​ 9 సిరీస్​ లాంచ్​.. ఫీచర్స్​, ధర వివరాలు లీక్​

గూగుల్ పిక్సెల్​ 9 సిరీస్​ కోసం ఎదురుచూస్తున్న వారికి గుడ్​ న్యూస్​! ఈ ఏడాది మచ్​ అవైటెడ్​ స్మార్ట్​ఫోన్ సిరీస్​లో ఒకటైన ఈ గూగుల్​ పిక్సెల్​ 9.. ఆగస్టు 13న లాంచ్​కానుంది. భారత కాలమానం ప్రకారం రాత్రి 10:30 గంటలకు మేడ్ బై గూగుల్ ఈవెంట్​లో ఈ సిరీస్​ని గూగుల్​ ఆవిష్కరించనుంది. పిక్సెల్ 9, పిక్సెల్ 9 ప్రో, పిక్సెల్ 9 ప్రో ఎక్స్ఎల్, పిక్సెల్ 9 ప్రో ఫోల్డ్ అనే 4 కొత్త గ్యాడ్జెట్స్​ ఈ సిరీస్​లో ఉంటాయని తెలుస్తోంది. సెప్టెంబర్​లో కొత్త ఐఫోన్ లాంచ్​కు ముందు గూగుల్ తన పిక్సెల్ లాంచ్ ఈవెంట్​ను నిర్వహించడం ఇదే మొదటిసారి కావడం గమనార్హం. ఈ నేపథ్యంలో ఈ స్మార్ట్​ఫోన్​ సిరీస్​ ఫీచర్స్​, ధరకు సంబంధించిన లీక్​డ్​ వివరాలను ఇక్కడ తెలుసుకోండి..

పిక్సెల్ 9 ధర- స్పెసిఫికేషన్స్​..

పిక్సెల్ 9 స్మార్ట్​ఫోన్​ 6.3 ఇంచ్​ డిస్ప్లేతో వస్తుందని సమాచారం. నలుపు, లైట్​ యాష్​, పింగాణీ, పింక్ అనే నాలుగు రంగుల్లో లభిస్తుందని పుకార్లు సూచిస్తున్నాయి. ఈ ఫోన్ మునుపటి మాదిరిగానే కెమెరా సెటప్​ని కలిగి ఉండవచ్చు. నిగనిగలాడే గ్లాస్ ఎక్ట్సీరియర్​ని కలిగి ఉండవచ్చు. కొత్త టెన్సార్ జీ4 చిప్​సెట్, 12 జీబీ వరకు ర్యామ్​తో వస్తుంది.

పిక్సెల్ 9 ధర యూరప్​లో 899 యూరోలు, అమెరికాలో 599 డాలర్ల నుంచి 799 డాలర్ల మధ్య ఉండొచ్చని అంచనాలు ఉన్నాయి.

పిక్సెల్ 9 ప్రో, పిక్సెల్ 9 ప్రో ఎక్స్ఎల్ ధర-స్పెసిఫికేషన్లు..

గూగుల్​ పిక్సెల్ 9 ప్రో, పిక్సెల్ 9 ప్రో ఎక్స్ఎల్ టెన్సార్ జీ4 ఎస్ఓసితో పనిచేసే అవకాశం ఉంది. 16 జిబి ర్యామ్​తో వచ్చే అవకాశం ఉంది. ప్రో మోడల్ 4,558 ఎంఏహెచ్ బ్యాటరీతో, పిక్సెల్ 9 ప్రో ఎక్స్ఎల్ 4,942 ఎంఏహెచ్ బ్యాటరీతో వచ్చే అవకాశం ఉంది.

పిక్సెల్ 9 ప్రో 128 జీబీ వేరియంట్ ధర 1,099 పౌండ్లు, 256 జీబీ వేరియంట్ ధర 1,199 పౌండ్లు, 512 జీబీ వేరియంట్ ధర 1,329 పౌండ్లు ఉండొచ్చు.

పిక్సెల్ 9 ప్రో ఫోల్డ్ ధర- స్పెసిఫికేషన్లు..

పిక్సెల్ 9 ప్రో ఫోల్డ్ 6.4 ఇంచ్​ కవర్ డిస్ప్లే, 8 ఇంచ్​ ఇన్నర్ డిస్ప్లేతో రానుంది. పిక్సెల్ ఫోల్డ్​ ఔటర్​ భాగంలో 48 మెగాపిక్సెల్ ప్రైమరీ, 10.5 మెగాపిక్సెల్ అల్ట్రా-వైడ్ యాంగిల్, 10.8 మెగాపిక్సెల్ టెలిఫోటో షూటర్​ సహా ట్రిపుల్ కెమెరా సెటప్ ఉండే అవకాశం ఉంది. సెల్ఫీలు, వీడియో కాల్స్ కోసం ముందువైపు 10 మెగాపిక్సెల్ షూటర్ ఉండనుంది.

తాజా గూగుల్ ఫోల్డెబుల్ స్మార్ట్​ఫోన్​ 256 జీబీ, 512 జీబీ వేరియంట్ల ధరలు వరుసగా 1,899 యూరోలు, 2,029 యూరోలుగా ఉండొచ్చని అంచనాలు ఉన్నాయి.

ఇవి ప్రస్తుతం రూమర్స్​గానే ఉన్నాయి. గూగుల్​ పిక్సెల్​ 9 సిరీస్​లోని స్మార్ట్​ఫోన్స్​, వాటి ఫీచర్స్​, వాటి ధరలకు చెందిన పూర్తి వివరాలు లాంచ్​ టైమ్​కి అందుబాటులో ఉంటాయి. ఇండియా ఇవి ఎప్పుడు లాంచ్​ అవుతాయో చూడాలి.