Samsung Galaxy S24 : సామ్సంగ్ లవర్స్కి గుడ్ న్యూస్.. 10 నిమిషాల్లోనే గెలాక్సీ ఎస్24 డెలివరీ!
Samsung Galaxy S24 in Blinkit : సామ్సంగ్ గెలాక్సీ ఎస్24 కొనాలని చూస్తున్నారా? అయితే 10 నిమిషాల్లో మీకు డెలివరీ ఇస్తామని అంటోంది బ్లింకిట్. ఆ వివరాలు..
Blinkit Samsung Galaxy S24 delivery : సామ్సంగ్ గెలాక్సీ ఎస్24 సిరీస్ కొనాలని భావిస్తున్నారా? అయితే.. 10 నిమిషాల్లో కొత్త గ్యాడ్జెట్ మీ చేతుల్లో ఉంటుంది! ప్రముఖ ఈ కామర్స్ యాప్ బ్లింకిట్.. ఈ మేరకు ఓ ప్రకటన చేసింది. ఆ వివరాలను ఇక్కడ తెలుసుకుందాము..
బ్లింకిట్లో సామ్సంగ్ గెలాక్సీ ఎస్24..
దిల్లీ ఎన్సీఆర్, ముంబై, బెంగళూరు నగరాల్లో.. గెలాక్సీ ఎస్24 స్మార్ట్ఫోన్స్ని బ్లింకిట్ విక్రయిస్తున్నట్టు ఆ సంస్థ ఫౌండర్ అల్బిందర్ ధనిద్సా ట్వీట్ చేశారు. ఆర్డర్ చేసిన 10 నిమిషాల్లోనే కొత్త సామ్సంగ్ గెలాక్సీ ఎస్24ని డెలివరీ చేస్తామని చెప్పారు.
ఇండియాలో సామ్సంగ్ గెలాక్సీ ఎస్24 సిరీస్కు క్రేజీ డిమాండ్ కనిపిస్తోంది. బుకింగ్స్ ప్రారంభమైన మూడు రోజుల్లోనే 2.5 లక్షల ఆర్డర్లు వచ్చాయి. ఈ నేపథ్యంలో.. బ్లింకిట్ ఈ ప్రకటన చేయడం.. స్మార్ట్ఫోన్ లవర్స్లో ఆసక్తి మరింత పెరిగింది.
Samsung Galaxy S24 ultra : అంతేకాకుండా.. బ్లింకిట్లో ఈ స్మార్ట్ఫోన్ని కొంటే.. పలు బ్యాంక్ ఆఫర్స్ కూడా లభిస్తున్నాయి. హెచ్డీఎఫ్సీ బ్యాంక్ క్రెడిట్ కార్డు వాడి ట్రాన్సాక్షన్ చేస్తే.. రూ. 5వేల ఇన్స్టెంట్ క్యాష్బ్యాక్ అందుతుంది.
బ్లింకిట్ ఇలా స్మార్ట్ఫోన్స్ని కూడా డెలివరీ చేయడం ఇది మొదటిసారి కాదు. ఐఫోన్ 15 సిరీస్ని కూడా 10 నిమిషాల్లోనే డెలివరీ చేసింది యూనికార్న్ స్టార్టప్ సంస్థ.
కొత్త గ్యాడ్జెట్స్ ధరల వివరాలు..
Samsung Galaxy S24 ultra price in India : సామ్సంగ్ గెలాక్సీ ఎస్24, ఎస్24 ప్లస్, ఎస్24 అల్ట్రా గ్యాడ్జెట్స్ని బ్లింకిట్లో బుక్ చేసుకోవచ్చు. సామ్సంగ్ గెలాక్సీ ఎస్24 8జీబీ ర్యామ్- 256జీబీ స్టోరేజ్ ధర రూ. 89,999గా ఉంది. గెలాక్సీ ఎస్24 ప్లస్ 12జీబీ ర్యామ్- 256జీబీ స్టోరేజ్ ధర రూ. 99,999గా ఉంది. 12జీబీ ర్యామ్- 512 జీబీ స్టోరేజ్ ధర రూ. 1,09,999గా ఉంది.
ఇక సామ్సంగ్ గెలాక్సీ ఎస్24 అల్ట్రా 12 జీబీ ర్యామ్- 256 జీబీ స్టోరేజ్ ధర రూ. 1,29,999గాను.. 12జీబీ ర్యామ్ ర్యామ్- 512 జీబీ స్టోరేజ్ వేరియంట్ ధర రూ. 1,39,999గాను ఉన్నాయి. చివరిగా.. గెలాక్సీ ఎస్24 అల్ట్రా 12జీబీ ర్యామ్- 1టీబీ స్టోరేజ్ ధర రూ. 1,59,999గా ఉంది.
సంబంధిత కథనం