Smart phone discounts: ఈ మోటో స్మార్ట్ ఫోన్స్ పై 20 వేల రూపాయల తగ్గింపు; డోంట్ మిస్..

Smart phone discounts: మోటోరోలా తన మోటో రేజర్ 40 అల్ట్రా (Moto Razr 40 Ultra) స్మార్ట్ ఫోన్ ధరను తగ్గించింది. ఈ స్మార్ట్ ఫోన్ లాంచ్ ధర రూ. 89,999 కాగా, ఆ ధరపై ఆకర్షణీయమైన రూ .20,000 డిస్కౌంట్ ను ప్రకటించింది. మోటో రేజర్ 40 అల్ట్రా భారతదేశంలో రూ .89,999 ధరకు లాంచ్ అయింది. అయితే, ఈ భారీ డిస్కౌంట్ తర్వాత, ఈ ప్రీమియం స్మార్ట్ ఫోన్ రూ. 69,999 ధరకు లభిస్తుంది. మోటోరోలా మోటో రేజర్ 40 వెనీలా వెర్షన్ పై రూ .10,000 తగ్గింపును కూడా మోటోరోలా అందిస్తోంది. ఈ స్మార్ట్ ఫోన్ ధర ఇప్పుడు రూ .49,999 నుండి ప్రారంభమవుతుంది.

Moto Razr 40 Ultra: మోటో రేజర్ 40 అల్ట్రా

మోటో రేజర్ 40 అల్ట్రా (Moto Razr 40 Ultra) లో 6.9 ఎఫ్ హెచ్ డీ+ పీఓఎల్ఈడీ ఎల్టీపీఓ మెయిన్ డిస్ ప్లే ఉంటుంది. ఇందులో 2640×1080 రిజల్యూషన్, 165 హెర్ట్జ్ రిఫ్రెష్ రేట్, 1400 నిట్స్ గరిష్ట బ్రైట్ నెస్ ఉన్నాయి. 1066×1056 పిక్సెల్స్ రిజల్యూషన్ తో 3.6 అంగుళాల ఎక్స్ టర్నల్ పీఓఎల్ఈడీ డిస్ప్లేను ఇందులో అందించారు. ఈ ఎక్స్ టర్నల్ డిస్ ప్లే 144 హెర్ట్జ్ రిఫ్రెష్ రేట్ తో, 1100 నిట్స్ గరిష్ట బ్రైట్ నెస్ తో వస్తుంది. ఈ ప్రీమియం స్మార్ట్ ఫోన్ క్వాల్ కాం స్నాప్ డ్రాగన్ 8 జెన్ 1 చిప్ సెట్ తో పనిచేస్తుంది. ఇది 8 జిబి ర్యామ్, 256 జిబి యుఎఫ్ఎస్ 3.1 స్టోరేజ్ తో లభిస్తుంది. ఐపీ 52 వాటర్ రిపెల్లెంట్ రేటింగ్ తో వస్తున్న ఈ స్మార్ట్ ఫోన్ ముందు, వెనుక భాగంలో కార్నింగ్ గొరిల్లా గ్లాస్ ను అమర్చారు. అలాగే, 7000 సిరీస్ అల్యూమినియం ఫ్రేమ్ ను ఏర్పాటు చేశారు. ఈ స్మార్ట్ఫోన్లో వైవా మెజెంటా కలర్ తో వీగన్ లెదర్ బ్యాక్ కూడా లభిస్తుంది.

12 మెగాపిక్సెల్ ప్రైమరీ కెమెరా

మోటో రేజర్ 40 అల్ట్రా వెనుక భాగంలో ఆప్టికల్ ఇమేజ్ స్టెబిలైజేషన్ (ఓఐఎస్) మద్దతుతో 12 మెగాపిక్సెల్ ప్రైమరీ సెన్సార్ తో, డ్యూయల్ కెమెరా సెటప్ ఉంటుంది. 108° వ్యూ ఫీల్డ్ తో 13 మెగాపిక్సెల్ అల్ట్రా-వైడ్ యాంగిల్ + మాక్రో సెన్సార్ ను కలిగి ఉంది. ఈ ప్రీమియం మోటరోలా స్మార్ట్ ఫోన్ లో డాల్బీ అట్మోస్, స్పేషియల్ సౌండ్ సపోర్ట్ తో డ్యూయల్ స్టీరియో స్పీకర్ ఉంటాయి. 33 వాట్ ఛార్జర్ ద్వారా వేగంగా ఛార్జ్ చేయగల 3,800 ఎంఏహెచ్ బ్యాటరీ ఈ స్మార్ట్ ఫోన్ లో ఉంది.