Gold price : ఇంకొన్ని నెలల్లో బంగారం ధర @75వేలు- వెండి రేటు @95వేలు..-experts see gold price at 75 000 per 10 gm level in fy25 ,బిజినెస్ న్యూస్
తెలుగు న్యూస్  /  Business  /  Experts See Gold Price At 75,000 Per 10 Gm Level In Fy25

Gold price : ఇంకొన్ని నెలల్లో బంగారం ధర @75వేలు- వెండి రేటు @95వేలు..

Sharath Chitturi HT Telugu
Mar 30, 2024 11:15 AM IST

Gold price prediction 2024 : ఇంకొన్ని నెలల్లో బంగారం ధర రూ. 75వేలు, వెండి ధర 95వేలకు చేరే అవకాశం ఉందని నిపుణులు చెబుతున్నారు. ఆ వివరాలను ఇక్కడ చూసేయండి..

బంగారం ధర రూ. 75వేలు.. వెండి ధర రూ. 95వేలు!
బంగారం ధర రూ. 75వేలు.. వెండి ధర రూ. 95వేలు!

Gold price today : దేశంలో ఎండలతో పాటు పసిడి ధరలు కూడా భగభగలాడుతున్నాయి. పెళ్లిళ్ల సీజన్​తో పాటు ఇతర కారణాలతో బంగారం రేట్లు.. గత కొన్ని రోజులుగా ఆకాశాన్ని తాకుతున్నాయి. పసిడి ప్రియులకు అదనంగా ఖర్చు అవుతోంది. ఈ నేపథ్యంలో.. గోల్డ్​ ప్రైజ్​ ప్రెడిక్షన్​కి సంబంధించిన ఓ వార్త బయటకి వచ్చింది. కొన్ని నెలల్లోనే 10 గ్రాముల పసిడి రూ. 75వేలు తాకే అవకాశం ఉందని నిపుణులు అభిప్రాయపడుతున్నారు.

CTA icon
మీ నగరంలో ఈరోజు బంగారం ధర తెలుసుకునేందుకు ఇక్కడ క్లిక్ చేయండి

ట్రెండింగ్ వార్తలు

ఇంకొన్ని నెలల్లో బంగారం ధర @75వేలు..

2024 ఆర్థిక ఏడాది ముగింపు సమయానికి.. ఎంసీఎక్స్​ (మల్టీ కమోడిటీ ఎక్స్​ఛేంజ్​)లో గోల్డ్​ ఫ్యూచర్స్​ కాంట్రాక్ట్​.. (10గ్రాములు) రూ. 67,850 వద్ద ఆల్​-టైమ్​ హైని తాకి.. చివరికి రూ. 67,800 వద్ద ముగిసింది. ప్రస్తుత ఆర్థిక ఏడాది చివరి రెండు త్రైమాసికాల్లో.. 10 గ్రాముల పసిడి ధర ఏకంగా రూ.11వేలు పెరగడం గమనార్హం. ఎఫ్​వై24 చివరి ట్రేడింగ్​ సెషన్​లో స్పాట్​ గోల్డ్​ ప్రైజ్​ ఔన్స్​కు 2,254 డాలర్ల వద్ద ముగిసింది.

Gold price prediction FY2025 : కమోడిటీ మార్కెట్​ నిపుణుల ప్రకారం.. ఎఫ్​25లోనూ బంగారం ధర పెరుగుతుంది. 2024లో అమెరికా ఫెడ్ నుంచి మూడు రేట్​ కట్స్​ ఉంటాయన్న అంచనాలు ఇందుకు కారణం. అంటే.. ఎఫ్​వై25లో మొదటి 9 నెలల్లో మూడు రేట కట్స్​ ఉండే అవకాశం ఉంది. భౌగోళిక పరిస్థితులు, అమెరికా ద్రవ్యోల్బణంలో తగ్గుదల, అమెరికా డాలర్​ రేట్స్​ కారణంగా.. వచ్చే ఆర్థిక ఏడాదిలో ఎంసీఎక్స్​ గోల్డ్​ రేట్​ (10గ్రాములు) రూ. 75వేలని తాకొచ్చు.

"బంగారంలో కనీవినీ ఎరుగని రీతిలో అప్​ట్రెండ్​ కనిపిస్తోంది. ప్రస్తుత ఆర్థిక ఏడాది చివరి రెండు త్రైమాసికల్లో.. 10 గ్రాముల బంగారం ధర ఏకంగా రూ. 11వేలు పెరిగింది. కేజీ వెండి ధర రూ. 78,000- రూ. 78,000 వద్ద రెసిస్టెన్స్​ ఎందుర్కొంటోంది. ఏది ఏమైనా.. గోల్డ్​, సిల్వర్​లో ఈ అప్​ట్రెండ్​.. రానున్న ఆర్థిక ఏడాదిలో కూడా కొనసాగుతుంది. బంగారం ధర ఇంకా పెరుగుతుంది," అని ఎస్​ఎస్​ వెల్త్​స్ట్రీట్​ ఫౌండర్​ సుగంధ సచ్​దేవ తెలిపారు.

Silver price prediction 2024 : "గ్లోబల్​ గ్రీన్​ ఇనీషియేటివ్స్​, 5జీ టెక్నాలజీ, ఎలక్ట్రానిక్స్​ సెగ్మెంట్స్​ కారణంగా.. సిల్వర్​కి డిమాండ్​ పెరిగే అవకాశం ఉంది. వెండి కన్నా బంగారం ధర బాగా పెరుగుతుందని మేము అంచనా వేస్తున్నప్పటికీ.. సిల్వర్​లోనూ మంచి అప్​ట్రెండ్​ కనిపించొచ్చు. రూ. 78,000- రూ. 78,500 వద్ద ఉన్న బలమైన రెసిస్టెన్స్​ దాటితే.. కేజీ వెండి ధర రూ. 88వేలు-95వేల వరకు వెళ్లొచ్చు," అని సుగంధ సచ్​దేవ అభిప్రాయపడ్డారు.

బంగారం విషయంలో ఇదే బెస్ట్​ ఇన్​వెస్ట్​మెంట్​..

స్టాక్​ మార్కెట్​లతో పాటు బంగారం అనేది లాంగ్​ టర్మ్​ ఇన్​వెస్ట్​మెంట్​గా చాలా మంది పరిగణిస్తూ ఉంటారు. అందుకు తగ్గట్టుగానే గోల్డ్​ కూడా బ్యూటిఫుల్​ రిటర్నులు ఇచ్చింది. అయితే.. ఫిజికల్​ గోల్డ్​ కొని, దానినే ఇన్​వెస్ట్​మెంట్​ అనుకోవడం.. చాలా మంది చేసే తప్పు! ఫిజికల్​ గోల్డ్​లో ఆ ఛార్జీలనీ, ఈ ఛార్జీలనీ.. చాలా కటింగ్స్​ ఉంటాయి. అయితే.. గోల్డ్​ని ఇన్​వెస్ట్​మెంట్స్​గా చూస్తుంటే మాత్రం.. ప్రధానంగా మూడు మార్గాలు కనిపిస్తాయి. 1. సావరిన్​ గోల్డ్​ బాండ్​, 2. గోల్డ్​ ఈటీఎఫ్​, 3. డిజిటల్​ గోల్డ్​.

Gold price in Hyderabad : వీటిల్లో గోల్డ్​ ఈటీఎఫ్​ మంచి ఆప్షన్​ అవుతుందని నిపుణులు చెబుతున్నారు. ఈ ఈటీఎఫ్​లు మ్యూచువల్​ ఫండ్స్​ని పోలి ఉంటాయి. మ్యూచువల్​ ఫండ్స్​లో యూనిట్​లు ఫండ్​ హౌజ్​ దగ్గర ఉంటాయి. కానీ ఈటీఎఫ్​లు మన ట్రేడింగ్​ అకౌంట్​లోనే ఉంటాయి. గోల్డ్​ ఈటీఎఫ్​కి సంబంధించిన పూర్తి వివరాల కోసం ఇక్కడ క్లిక్​ చేయండి.

WhatsApp channel

సంబంధిత కథనం