Mumbai Coastal Road Project: మరికొన్ని రోజుల్లో నెరవేరనున్న ముంబై నగర వాసుల చిరకాల స్వప్నం

Mumbai Coastal Road Project

paragraph

<p>ముంబై మహానగరంలో ఉత్తర ప్రాంతం నుంచి దక్షిణ ప్రాంతానికి రోజూ లక్షలాది మంది ప్రయాణం చేస్తారు. రోజులో అక్కడ జనసంఖ్య కోటికి చేరుకుంటే రాత్రి పూట మాత్రం వేలల్లోకి మారుతుంది. రోజూ లక్షలాది మంది జీవితంలో గంటల కొద్దీ సమయం ట్రాఫిక్‌లోనూ, రైల్వే స్టేషన్లలోనూ గడిచిపోతుంది. ఇక్కడ వర్షపాతం కూడా చాలా ఎక్కువ. చినుకు పడితే ట్రాఫిక్ చిక్కులు సర్వసాధారణం. ఇలాంటి పరిస్థితుల్లో పదమూడేళ్ల కింద వచ్చిన ఆలోచన నేడు కార్యరూపం దాల్చుతోంది. మరికొన్ని రోజుల్లో ఈ ప్రాజెక్టు ప్రారంభం కాబోతోంది. అదే ముంబై కోస్టల్ రోడ్ (సౌత్) ప్రాజెక్ట్. అనేక న్యాయపరమైన చిక్కులు, క్లియరెన్సులు దాటుకొని శరవేగంగా పనులు సాగుతున్నాయి. ఈ ప్రాజెక్టు పూర్తయితే గంట ప్రయాణం పావుగంటలో పూర్తవుతుంది.</p>

<h2>ముంబై కోస్టల్ రోడ్ ప్రాజెక్టు స్వరూపం ఇదీ</h2><p>బృహన్ ముంబై మున్సిపల్ కార్పొరేషన్ పరిధిలోని ముంబై కోస్టల్ రోడ్ ప్రాజెక్ట్ (సౌత్) దక్షిణ ముంబైలోని ప్రిన్సెస్ స్ట్రీట్ ఫ్లైఓవర్ నుండి బాంద్రా వర్లీ సీ లింక్ యొక్క వర్లీ ఎండ్ వరకు మొత్తం నిడివి 10.58 కి.మీ. ఉంటుంది. నగరంలోని రహదారులు ట్రాఫిక్ అవసరాలు తీర్చలేకపోతున్నందున పూర్తిగా సముద్రపు ఒడ్డున ఈ రహదారి ఏర్పాటవుతోంది. ఇందులో కొంత భాగం సొరంగ మార్గంలో ప్రయాణం చేయాల్సి ఉంటుంది. ఈ సొరంగం సముద్రపు అడుగున, కొంత భాగం కొండల దిగువన కూడా ఉంటుంది.</p>

<p>ఈ ప్రాజెక్ట్ ఖర్చు రూ. 13,983.83 కోట్లు (నిర్మాణ వ్యయం రూ. 9383.74 కోట్లు, ఇతర అడ్మినిస్ట్రేటివ్ ఛార్జీలు కలిపి). 78.84 శాతం మేర పనులు ఇప్పటికే పూర్తయ్యాయి. టన్నెల్ బోరింగ్ 100 శాతం, సముద్రపు గోడ 84 శాతం, ఇంటర్ ఛేంజ్ మార్గాలు 72.00 శాతం, వంతెనలు 72 శాతం పూర్తయ్యాయి.</p>

<h2>కోస్టల్ రోడ్ ప్రాజెక్ట్ హైలైట్స్</h2><p>ఈ రహదారి పొడవు 10.58 కి.మీ. దూరం ఉంటుంది. ఇందులో మొత్తం 8 లేన్లు ఉంటాయి. ఉత్తరం వైపు 4 లేన్లు, దక్షిణం వైపు 4 లేన్లు. టన్నెల్‌లో మాత్రం 6 లేన్లు ఉంటాయి. బస్సుల కోసం ప్రత్యేక బస్సు లేన్‌ కూడా ఉంటుంది. ఈ ప్రాజెక్టులో వంతెనల పొడవు 2.19 కి.మీ. మేర ఉంటుంది. ఇక టన్నెల్ పొడవు 2.072 కి.మీ. ఉంటుంది. 11 మీటర్ల అంతర్గత వ్యాసం ఉంటుంది. టన్నెల్ కొంత దూరం సముద్రం అడుగున, కొంత భాగం కొండల దిగువన ఉంటుంది.</p>

<h2>టన్నెల్ తీరుతెన్నులు</h2><p>దక్షిణానికి వెళ్లే టన్నెల్ బోరింగ్ జనవరి 2021లో ప్రారంభమైంది. జనవరి 2022లో పూర్తయింది. ఉత్తరం వైపు సొరంగం బోరింగ్ ఏప్రిల్ 2022లో ప్రారంభమైంది. మే 2023లో పూర్తయింది. సొరంగం 375 మి.మీ. మందపాటి కాంక్రీటుతో ప్లాస్టరింగ్ అయి ఉంటుంది. టన్నెల్‌కు ఫైర్ ప్రొటెక్షన్ బోర్డు కూడా అమర్చారు. భారతదేశంలో మొదటిసారిగా SACARDO వెంటిలేషన్ సిస్టమ్‌ను ఉపయోగించారు. అత్యవసర ఎగ్జిట్ కోసం కొన్నిచోట్ల క్రాస్ పాసేజ్‌లు ఏర్పాటు చేశారు. అంటే దక్షిణ మార్గం నుంచి ఉత్తర మార్గంలోకి, అలాగే ఉత్తర మార్గం నుంచి దక్షిణ మార్గంలోకి వెళ్లేందుకు వెసులుబాటు ఉంటుంది.</p>

Mumbai Coastal Road Project tunnel

<p>రవాణా సేవల కోసం సొరంగంలోనే యుటిలిటీ బాక్స్ ఉంటుంది. అడ్వాన్స్ ట్రాఫిక్ మేనేజ్‌మెంట్ కంట్రోల్ సిస్టమ్ ఉంటుంది. భూగర్భంలో కార్ పార్కింగ్ 4 చోట్ల ఉంటుంది. హాజీ అలీ, మహాలక్ష్మి దేవాలయం, వర్లీ వద్ద కూడా కార్ పార్కింగ్ సౌకర్యం ఏర్పాటైంది. దాదాపు 1800 కార్లు ఇక్కడ పార్క్ చేయవచ్చు. నగరంలోని వేర్వేరు ప్రాంతాలకు ఈ రహదారి గుండా వెళ్లేందుకు 3 ఇంటర్‌ ఛేంజ్‌లు కూడా ఏర్పాటు చేశారు. ఈ ప్రాజెక్టులో భాగంగా 7.47 కి.మీ. మేర సీవాల్ నిర్మించారు.</p>

inter change

<h2>ప్రాజెక్ట్ పూర్తయితే కలిగే ప్రయోజనాలు</h2><p>కోస్టల్ రోడ్ ప్రాజెక్టు వల్ల ప్రయాణ సమయం 70%, ఇంధన వినియోగం 34% తగ్గుతుంది. ఇంధన వినియోగం తగ్గడం వల్ల విదేశీ మారకద్రవ్యం ఆదా అవుతుంది. కోస్టల్ రోడ్ ప్రాజెక్ట్ వల్ల ధ్వని, వాయు కాలుష్యం తగ్గుతుంది. అదనంగా 70 హెక్టార్ల పచ్చని ప్రాంతం ఏర్పాటై కాలుష్యాన్ని తగ్గిస్తుంది. ముంబై వాసుల జీవితాన్ని మెరుగుపరచడంలో సహాయపడుతుంది. ప్రతిపాదిత గ్రీన్ జోన్‌లో సైకిల్ ట్రాక్‌లు, పబ్లిక్ గార్డెన్‌లు, జాగింగ్ ట్రాక్‌లు, ఓపెన్ థియేటర్ మొదలైనవి ఉన్నాయి. ముంబైవాసులకు అదనపు కొత్త పర్యాటక స్థలం లభిస్తుంది. తీర ప్రాంతం కోతను తగ్గించడానికి, తుఫాను అలల నుండి సముద్ర తీరాన్ని రక్షించడానికి సీ వాల్ నిర్మించారు.</p>

<h2>ముంబై కోస్టల్ రోడ్ ప్రాజెక్ట్ సైడ్ లైట్స్</h2><ul><li>టన్నెల్ బోరింగ్ మెషిన్ ద్వారా తవ్విన భారతదేశంలోనే అతిపెద్ద వ్యాసం కలిగిన సొరంగం. (డయా 12.19మీ)</li><li>భారతదేశంలో మొదటిసారిగా రోడ్డు టన్నెల్‌లో SACARDO వెంటిలేషన్ సిస్టమ్‌ను ఉపయోగించారు.</li><li>భారతదేశంలో మొట్టమొదటిసారిగా వంతెనల నిర్మాణానికి మోనోపైల్ ఫౌండేషన్‌ను ఉపయోగించారు.</li><li>ఈ ప్రాజెక్ట్‌లో రహదారి, వంతెనలు, ఎలివేటెడ్ రోడ్లు, టన్నెల్, సముద్రం దిగువన, కొండ దిగువన టన్నెల్, గ్రీన్ ఏరియా ఉండడం విశేషం.</li></ul><h3>ప్రాజెక్ట్ ఎప్పుడు పూర్తవుతుంది..</h3><p>ముంబై కోస్టల్ రోడ్ ప్రాజెక్ట్ నవంబర్ 2023 వరకు పూర్తి చేయాలని ప్రతిపాదన ఉన్నప్పటికీ నావిగేషన్ స్పాన్‌లో 60 మీ నుండి 120 మీ వరకు మార్పు కారణంగా 2024 మేలో ప్రాజెక్టు పూర్తవుతుంది.</p>

Cyclone Michaung: తమిళనాడుకు భారీ వర్ష సూచన; రెడ్ అలర్ట్ జారీ

<p>Cyclone Michaung: మిచౌంగ్ తుపాను కారణంగా తమిళనాడులో భారీ వర్షాలు కొనసాగుతాయని వాతావరణ శాఖ హెచ్చరించింది. చెన్నై సహా పలు ప్రాంతాల్లో రానున్న 24 గంటల్లో భారీ వర్షాలు కురుస్తాయని వెల్లడించింది.</p>

JEE Main 2024: జేఈఈ మెయిన్ 2024 సెషన్ 1 రిజిస్ట్రేషన్ కు రేపే లాస్ట్ డేట్; వెంటనే అప్లై చేయండి

<p>JEE Main 2024: జేఈఈ మెయిన్ పరీక్షకు రిజిస్ట్రేషన్ చేసుకోవడానికి డిసెంబర్ 4వ తేదీ లాస్ట్ డేట్. ఇప్పటికీ అప్లై చేయని విద్యార్థులు వెంటనే దరఖాస్తు చేసుకోవాలి.</p>

Ayodhya Ram Temple: జనవరి 22న అంగరంగ వైభవంగా అయోధ్య రామాలయ ప్రారంభోత్సవం; ఆహ్వాన పత్రాలు సిద్ధం

<p>Ayodhya Ram Temple: అయోధ్యలోని రామ మందిర ప్రతిష్ఠాపనకు సంబంధించిన ఆహ్వాన పత్రాల పంపిణీ ప్రారంభమైంది. అయోధ్య లో రామ మందిర ప్రారంభోత్సవ కార్యక్రమం జనవరి 22, 2024న ఘనంగా జరగనుంది.</p>

Delhi gang rape news: ఢిల్లీ శివార్లలో యువతిపై సామూహిక అత్యాచారం

<p>Delhi gang rape news: విధులు ముగించుకుని ఇంటికి వెళ్తున్న యువతిపై దాడి చేసి, నిర్మానుష్య ప్రాంతానికి లాక్కు వెళ్లి గ్యాంగ్ రేప్ చేసిన ఘటన ఢిల్లీ శివార్లలో జరిగింది.</p>

<ul><li>Mumbai Coastal Road Project: వరదలు, ట్రాఫిక్‌తో ముప్పుతిప్పలు పడుతున్న ముంబై నగర వాసుల చిరకాల స్వప్నం ముంబై కోస్టల్ రోడ్ ప్రాజెక్టు త్వరలో ప్రారంభం కాబోతోంది.</li></ul>

No kids: వీరికి పిల్లలే కాదు.. పెళ్లీ వద్దంటా.. కారణం తెలిస్తే షాక్ అవుతారు..

<p>యూ యంగ్ యి అమ్మమ్మ ఆరుగురు పిల్లలకు జన్మనిచ్చింది. అమ్మ ఇద్దరికి జన్మనిచ్చింది. కానీ తను అసలు పిల్లలే వద్దనుకుంది.</p>

<p>‘నా భర్తకు, నాకు పిల్లలంటే చాలా ఇష్టం.. అయితే పిల్లలను పెంచాలంటే మేం చాలా త్యాగాలు చేయాల్సి వస్తుంది..’ అని యూ చెప్పారు. ఆమె సియోల్ ఫైనాన్షియల్ కంపెనీ ఉద్యోగి. ‘అది రెండింటిలో ఏది ఎంచుకోవాలన్న అంశానికి సంబంధించింది. మేం మాపై ఎక్కువగా ఫోకస్ చేసుకునేందుకు ఈ ఒప్పందానికి వచ్చాం..’ అని చెప్పారు.</p>

<p>సౌత్ కొరియాలో యూ తరహాలో చాలా మంది పిల్లలను వద్దనుకున్నారు. కొందరైతే అసలు పెళ్లే వద్దనుకున్నారు. ఇతర దేశాలు కూడా ఈ తరహా ట్రెండ్ ఫాలో అవుతున్నప్పటికీ.. సౌత్ కొరియాలో మాత్రం ఇది సమస్య అయి కూర్చుంది. దేశంలో జనాభా క్రమంగా తగ్గుముఖం పడుతోంది.</p>

<p>సౌత్ కొరియా గణాంకాల విభాగం సెప్టెంబరు మాసంలో దేశపు టోటల్ ఫర్టిలిటీ రేట్ ప్రకటించింది. పునరుత్పత్తి సామర్థ్యం ఉండే వయస్సులో మహిళలు కనే సంతానం సంఖ్యను ఈ టోటల్ ఫర్టిలిటీ రేట్ (టీఎఫ్ఆర్) సూచిస్తుంది. సౌత్ కొరియాలో గత ఏడాది కేవలం 0.81గా ఉన్నట్టు ప్రకటించింది. ప్రపంచంలోనే అతి తక్కువ టీఎఫ్‌ఆర్ కలిగి ఉన్న దేశంగా వరుసగా మూడో ఏడాది సౌత్ కొరియా నిలిచింది.</p>

<p>తొలిసారిగా దేశ జనాభా 2021లో తగ్గిపోయింది. తగ్గుతున్న జనాభా దేశ ఆర్థిక వ్యవస్థను దెబ్బతీస్తుందని దేశం ఆందోళన చెందింది. సౌత్ కొరియా ఆర్థిక వ్యవస్థ ప్రపంచంలోనే పదో అతి పెద్దది. ఇక్కడ లేబర్ కొరత, పన్ను చెల్లింపుదారుల సంఖ్య తగ్గడం, వృద్ధుల సంక్షేమంపై ఎక్కువ వ్యయం చేయాల్సి రావడం వంటి అంశాలు సౌత్ కొరియాను కలవర పెడుతున్నాయి.</p>

<p>సమస్యను మెరుగ్గా పరిష్కరించేందుకు వీలుగా ప్రభావవంతమైన చర్యలను కనిపెట్టాలని అధ్యక్షుడు యూన్ సుక్ యోల్ యంత్రాంగాన్ని ఆదేశించారు. జనాభా తగ్గుదలను నివారించడానికి, ఫర్టిలిటీ రేట్ పెంచడానికి 210 బిలియన్ డాలర్లు ఖర్చు చేస్తున్నా ఇంకా సత్ఫలితాలు దక్కలేదు.</p>

<p>సౌత్ కొరియన్ యువత చెబుతున్నదేంటంటే తమ పేరెంట్స్, గ్రాండ్ పేరెంట్స్ కుటుంబాన్ని కలిగి ఉండడం ఒక బాధ్యతలా భావించారని, కానీ తాము అలా కాదని అంటున్నారు. జాబ్ మార్కెట్‌లో అనిశ్చితి, ఇల్లు కొనుగోలుకు అధిక వ్యయం, సామాజిక, లింగ అసమానతలను వారు వేలెత్తి చూపుతున్నారు. క్రూరమైన పోటీ నెలకొన్న ఈ సమాజంలో పిల్లలను పెంచడానికి అవుతున్న భారీ ఖర్చును వారు ప్రశ్నిస్తున్నారు. పనిలో వివక్ష ఒకవైపు, పిల్లల సంరక్షణలో మెజారిటీ బాధ్యతలు తమకే ఉండాలన్న పితృస్వామ్య వ్యవస్థ గురించి మహిళలు ఫిర్యాదు చేస్తున్నారు.</p>

<p>‘ఒక్క ముక్కలో చెప్పాలంటే బతకడానికి ఈ దేశం ఈజీ ప్లేస్ కాదని ప్రజలు అనుకుంటున్నారు..’ అని కొరియా ఇనిస్టిట్యూట్ ఫర్ హెల్త్ అండ్ సోషల్ ఎఫైర్స్ నుంచి జనాభా పాలసీ నిపుణులు లీ సో-యంగ్ అంటున్నారు. ‘తమ కంటే తమ పిల్లల జీవితాలు మెరుగ్గా ఉండవని వారు నమ్ముతున్నారు. అందువల్ల తమకు పిల్లలు ఉండాలని ఎందుకు బాధపడాలని ప్రశ్నిస్తున్నారు..’ అని వివరించారు.</p>

<h3>డ్రాపౌట్‌గా భావిస్తున్నారు..</h3><p>‘చాలా మంది తమను తాము డ్రాపౌట్స్‌గా భావిస్తున్నారు. మంచి స్కూళ్లలో చేరలేక, గౌరవప్రదమైన ఉద్యోగాలు పొందలేక ఈ భావనను అనుభవిస్తున్నారు. పెళ్లి చేసుకుని పిల్లలను కన్నా సంతోషంగా ఉండలేమని భావిస్తున్నారు. దేశంలో సామాజిక రక్షణ కరువైందని ఆందోళన చెందుతున్నారు..’ అని కొరియా ఇనిస్టిట్యూట్ ఆఫ్ చైల్డ్ కేర్ అండ్ ఎడ్యుకేషన్ నిపుణురాలు చోయ్ యూన్ క్యుంగ్ అంటున్నారు. 1960 నుంచి 1980 మధ్య భారీగా ఆర్థిక వృద్ధి ఉన్నప్పటికీ సంక్షేమ కార్యక్రమాలు రూపొందించడంలో సౌత్ కొరియా విఫలమైందని వివరించారు.</p>

<p>తాను కాలేజీకి వెళ్లే వరకు తనకూ భవిష్యత్తులో ఓ బేబీ ఉండాలని యూ కూడా అనుకుంది. కానీ తన సహోద్యోగులైన మహిళలు తమ పిల్లల విషయంలో పడ్డ ఆందోళన చూసి తాను విరమించుకుంది. తమ పిల్లలతో మాట్లాడేందుకు టాయిలెట్‌ నుంచి మాట్లాడేవారని, పిల్లలు అనారోగ్యంగా ఉంటే ఇంటికి పరుగులు పెట్టాల్సి వచ్చేదని, కానీ మగాళ్లకు ఆ బాధ్యత లేదని వాపోయారు. ‘ఇదంతా చూశాక, నాకు పిల్లలు ఉంటే అది ఉద్యోగంపై నా ఏకాగ్రతను దెబ్బతీస్తుందని గ్రహించాను..’ అని యూ చెప్పారు.</p>

<p>34 ఏళ్ల తన భర్త జో జున్ వి మాట్లాడుతూ పిల్లలు ఉండడం అవసరమని తాను అనుకోవడం లేదని అన్నారు. ఒక ఐటీ కంపెనీలో ఇంటర్‌ప్రిటర్‌గా ఆయన పనిచేస్తున్నారు. చాలా ఏళ్లు ఉద్యోగ వేటలో అలసిపోయానని, ఒక కొండ అంచున నిలబడ్డట్టుగా ఉండేదని, ఇక ఇప్పుడు జీవితాన్ని ఆస్వాదించాలని చూస్తున్నట్టు చెప్పారు.</p>

<p>అయితే సౌత్ కొరియాలో ఎంతమంది తాము పెళ్లి చేసుకోవద్దని నిర్ణయించుకున్నారు? ఎంతమంది పిల్లలు వద్దనుకున్నారు? వంటి గణాంకాలు అధికారికంగా లేవు. కానీ సౌత్ కొరియా జాతీయ గణాంకాల ఏజెన్సీ వివరాల ప్రకారం 1996లో 4,30,000 పెళ్లిళ్లు జరగగా, గత ఏడాది ఆ సంఖ్య 1,93,000కు పడిపోయింది. 1996లో 6,91,200 మంచి చిన్నారులు జన్మించగా, గత ఏడాది ఆ సంఖ్య 2,60,600కు పడిపోయింది. 1971లో ఈ సంఖ్య 10 లక్షలుగా ఉంది.</p>

<h3>సింగిల్‌గా ఉండిపోవడానికి కారణాలు</h3><p>33 ఏళ్ల గ్రాఫిక్ డిజైనర్ కంగ్ హన్ బియోల్ జీవితాంతం ఇక సింగిల్‌గా ఉండిపోవాలనుకున్నారు. పిల్లలను పెంచడానికి సౌత్ కొరియా సరైన ప్లేస్ కాదని భావిస్తున్నారు. అలాగే లింగ అసమానత్వంతో ఆమె మానసిక వ్యథను అనుభవిస్తున్నారు. మహిళలే లక్ష్యంగా డిజిటల్ సెక్స్ నేరాలు జరుగుతున్నాయని, పబ్లిక్ రెస్ట్‌రూమ్స్‌లో స్పై కెమెరాలు పెడుతున్నారని వాపోయారు. సోషల్ జస్టిస్ కోసం ప్రయత్నిస్తున్న వారిని నిర్లక్ష్యం చేసే సంస్కృతి నెలకొందని వాపోయారు. ‘సొసైటీ ఆరోగ్యంగా ఆలోచిస్తే, మహిళలు, పురుషులకు సమాన స్థాయి కల్పిస్తే నేను వివాహం గురించి ఆలోచిస్తాను..’ అని కంగ్ అన్నారు.</p>

<p>కంగ్ రూమ్మేట్ 26 ఏళ్ల హా హ్యుంజి కూడా సింగిల్‌గా ఉండాలని నిర్ణయించుకున్నారు. ఎందుకంటే ఆమె స్నేహితురాళ్లలో వివాహం చేసుకున్న వారు ఇదే సలహా ఇచ్చారు. ఇంటి పని, పిల్లల సంరక్షణ మహిళలే చూసుకోవాల్సి వస్తోందని, అందుకే పెళ్లి చేసుకోవద్దని సలహా ఇచ్చారట. ఒక వేళ పెళ్లి చేసుకుని పిల్లలు పుడితే వారి చదవులకు భారీగా ఖర్చు చేయాల్సి వస్తుందని ఆమె వర్రీ అవుతోంది. ‘నేను పెళ్లి చేసుకోకుండానే ఆనందంగా ఉండగలను. నా స్నేహితులతో నా జీవితాన్ని ఆనందంగా గడపగలను..’ అని సియోల్‌లో కాక్‌టైల్ బార్ నడిపే హా అన్నారు.</p>

<p>1995 వరకు సౌత్ కొరియా జనాభా నియంత్రణ కార్యక్రమాలు చేపట్టింది. యుద్ధానంతరం జనాభా అధిక పెరుగుదలను అదుపులో పెట్టేందుకు ఆ పనిచేసింది. ప్రజారోగ్య కేంద్రాల వద్ద కాంట్రాసెప్టివ్ పిల్స్ (గర్భనిరోధక మాత్రలు), కండోమ్స్ ఉచితంగా పంపిణీ చేసింది. వాసెక్టమీ చేయించుకున్న పురుషులకు మిలిటరీ రిజర్వ్ ట్రైనింగ్ పొందడం నుంచి మినహాయింపు ఇచ్చింది.</p>

<p>1950-1960ల కాలంలో సౌత్ కొరియన్ మహిళలు సగటున నలుగురి నుంచి ఆరుగురు పిల్లలకు జన్మనిచ్చారు. 1970ల కాలంలో సగటున నలుగురికి జన్మనిచ్చారు. 1980 తరువాత ఈ సగటు 2కు పడిపోయిందని ఐక్య రాజ్య సమితి గణాంకాలు చెబుతున్నాయి.</p>

<h3>పిల్లలు కంటే ప్రోత్సాహకాలు</h3><p>ఎక్కువ సంఖ్యలో పిల్లలను కనే వారికి సౌత్ కొరియా ప్రోత్సాహకాలు ఇస్తోంది. అలాగే ఇతర సపోర్టివ్ ప్రోగ్సామ్ కూడా అము చేస్తోంది. అయినప్పటికీ టోటల్ ఫర్టిలిటీ రేట్ పడిపోతూ వస్తోంది. అందువల్ల మరిన్ని సమగ్ర చర్యలు తీసుకోవాలని గత నెలలలో ప్రభుత్వ టాస్క్‌ఫోర్స్ నిర్ణయించింది.</p>

<p>కాగా పిల్లలు వద్దనుకున్న వారిపై సౌత్ కొరియా సమాజం కోపంగా ఉంది. 2021లో యూ, జో పిల్లలు వద్దనుకున్న తమ నిర్ణయాన్ని వారి యూట్యూబ్ ఛానెల్‌లో ప్రకటించినప్పుడు చాలా మంది వీరిని స్వార్థపరులుగా కామెంట్ చేశారు. అధిక పన్నులు కట్టాలని డిమాండ్ చేశారు. మరికొందరు వీరిని దూషించారు కూడా.</p>

<p>75 ఏళ్ల సియోల్ నివాసి లీ సంగ్ జే దీనిపై స్పందిస్తూ మానవాళి పెళ్లి చేసుకోవడం, పిల్లలకు జన్మనివ్వడం ప్రకృతి ధర్మం అని అన్నారు. ‘ఈ రోజుల్లో చాలా మంది పెళ్లి కాని యువతులు కుక్కపిల్లలను స్ట్రాలర్స్‌లో తీసుకెళుతూ వాటికి తాము తల్లులుగా చెబుతున్నారు. వారేమైనా వాటికి జన్మనిచ్చారా? నిజంగా వాళ్లు చాలా క్రేజీగా ఉన్నారు..’ అని ఆయన అన్నారు.</p>

<p>నిజానికి జాతి ప్రయోజనాల కోసం తాను పిల్లలను కనకపోయినప్పటికీ, ఎక్కువ మంది పిల్లలను కన్నందుకు తనను దేశభక్తురాలు అని పెద్దవాళ్లు తనను అన్నారని 38 ఏళ్ల సియో జి సియోంగ్ అన్నారు. ఆమె జనవరిలో ఐదో పాపకు జన్మనివ్వబోతోంది.</p>

<h3>నలుగురు పిల్లలు ఉంటే రెంట్ ఫ్రీ</h3><p>సియో కుటుంబం ఇటీవలే అన్యాంగ్ సిటీలో అద్దె లేని అపార్ట్‌మెంట్‌కు మారింది. కొరియా లాండ్ అండ్ హౌజింగ్ కార్పొరేషన్ ఈ అపార్ట్‌మెంట్‌ ఇచ్చింది. కనీసం నలుగురు పిల్లలు ఉంటే ఇలా అద్దె లేని అపార్ట్‌మెంట్ ఇస్తారు. సియో, ఆమె భర్త కిమ్ డాంగ్ పిల్లల పెంపకానికి ఇతరత్రా ప్రోత్సాహకాలు కూడా అందుకుంటారు.</p>

<p>తమ పిల్లలు భిన్నమైన వ్యక్తిత్వాలు, నైపుణ్యాలతో పెరగడాన్ని చూస్తుంటే ఆనందంగా ఉంటుందని కిమ్ అంటారు. ఇంటి వద్దే ఒకరితో ఒకరు ఆడుకోవడం పిల్లల్లో సోషల్ స్కిల్స్ పెరగడంలో తోడ్పడిందని సియో చెప్పారు. ‘వారు చాలా ముద్దుగా ఉంటారు. అందుకే కష్టమైనా పిల్లలకు జన్మనిస్తూనే ఉన్నా..’ అని ఆమె చెప్పారు.</p>

<ul><li>పిల్లలు కావాలని చాలా మంది మొక్కని దేవుడుండడు. ఎక్కని మెట్లుండవు. కానీ వీళ్లేమో అసలు పిల్లలే వద్దంటున్నారు. ఇంకొందరు అసలు పెళ్లి కూడా వద్దంటున్నారు.</li></ul>

Fatty liver disease: ఈ 5 లైఫ్‌స్టైల్ మార్పులతో ఫ్యాటీ లివర్ డిసీజ్ దూరం చేయండిలా

<p>ఫ్యాటీ లివర్ డిసీజ్ లివర్‌లో అధిక కొవ్వు ఉండడం మూలంగా ఏర్పడుతుంది. ఆల్కహాల్ తాగే వారిలో ఇది సర్వసాధారణం. గడిచిన కొన్ని దశాబ్దాలుగా మద్యపానం చేయనివారిలో కూడా నాన్ ఆల్కహాలిక్ ఫ్యాటీ లివర్ డిసీజ్(ఎన్ఏఎఫ్‌ఎల్‌డీ) వస్తోంది. ముఖ్యంగా యువకుల్లో ఈ నాన్ ఆల్కహాలిక్ ఫ్యాటీ లివర్ డిసీజ్ ఏర్పడడం ఆందోళన కలిగించే అంశం. దీనికి ప్రధాన కారణం లైఫ్‌స్టైల్ మాత్రమేనని వైద్య నిపుణులు చెబుతున్నారు.</p>

<p>ఎపిడెమిలాజికల్ అధ్యయనాల ప్రకారం 9 శాతం నుంచి 32 శాతం సాధారణ జనాభాలో ఈ నాన్ ఆల్కహాలిక్ ఫ్యాటీ లివర్ డిసీజ్ ప్రభావానికి లోనైంది. అధిక బరువు, ఊబకాయం, డయాబెటిస్, ప్రిడయాబెటిస్ కలిగి ఉన్న వారు ఎక్కువగా ఈ లివర్ ఫ్యాటీ డిసీజ్ బారిన పడ్డారని నేషనల్ లైబ్రరీ ఆఫ్ మెడిసిన్ నిర్వహించిన అధ్యయనంలో తేలింది.</p>

<h3>నాన్ ఆల్కహాలిక్ ఫ్యాటీ లివర్ డిసీజ్ 2 రకాలు</h3><p>నాన్ ఆల్కహాలిక్ ఫ్యాటీ లివర్ డిసీజ్ 2 రకాలు. మొదటి రకం చాలా సాధారణమైనది. లివర్ సెల్స్ నష్టపోవడం గానీ, మంట ఉండడం గానీ ఉండదు. కేవలం లివర్‌లో ఫ్యాట్ ఉంటుంది. అయితే నాన్ ఆల్కహాలిక్ స్టెటొహెపటైటిస్ లేదా నాష్‌గా పిలుచుకునే ఫ్యాటీ లివర్‌లో లివర్ సెల్స్ డామేజ్, ఇన్‌ఫ్లమేషన్ ఉంటుంది. ఈ లక్షణాలు ఫైబ్రోసిస్, సిరాసిస్, లివర్ క్యాన్సర్‌లకు దారితీస్తుంది.</p>

<p>అధిక కొలెస్టరాల్, ఒబెసిటి, హైబ్లడ్ షుగర్ లెవెల్స్, హై ట్రైగ్లైజరైడ్స్, మెటబాలిక్ సిండ్రోమ్, పాలిసిస్టిక్ ఓవరీ సిండ్రోమ్, స్లీప్ ఆప్నియా వంటి అనేక ఇతర వ్యాధులు కూడా నాన్ ఆల్కహాలిక్ ఫ్యాటీ లివర్ డిసీజ్ ఏర్పడడానికి కారణమవుతాయి.</p>

<p>నాన్ ఆల్కహాలిక్ ఫ్యాటీ లివర్ కేసులు గడిచిన కొన్ని దశాబ్దాలుగా యువతలో పుట్టుకొస్తున్నాయని, జీవనశైలి ప్రభావమే ఇందుకు కారణమని వైద్య నిపుణులు చెబుతున్నారు. కేవలం వారి లైఫ్‌స్టైల్ ఛేంజ్ చేస్తే ఎలాంటి ఖర్చు లేకుండా వారి వ్యాధి నయం చేయవచ్చని చెబుతున్నారు. వైద్యులు సూచిస్తున్న 5 టిప్స్ ఇక్కడ చదవండి.</p>

<h3><strong>Stop non-veg, gluten and dairy: నాన్ వెజ్, గ్లుటెన్, డెయిరీ ఫుడ్స్ ఆపండి</strong></h3><p>నాన్ వెజ్, గ్లుటెన్ ఉన్న ఆహార పదార్థాలు, డెయిరీ సంబంధిత ఉత్పత్తులు జీర్ణం అవడానికి చాలా కష్టపడాల్సి వస్తుంది. <a target="_blank" href="https://telugu.hindustantimes.com/lifestyle/liver-disease-signs-and-symptoms-of-liver-damage-visible-in-your-feet-121664951553909.html">లివర్</a> హెల్త్ సరిగ్గా లేనప్పుడు ఉడికించనివి తినడం కూడా మానేయాలి. అలాగే డీప్ ఫ్రై చేసిన ఆహారం, పులియబెట్టిన ఆహారం (ముఖ్యంగా మినుములు), మైదా, ప్యాకేజ్డ్ ఫుడ్, చక్కెర ఎక్కువగా ఉన్న ఆహారం తీసుకోరాదు. సులువుగా జీర్ణమయ్యే చిరుధాన్యాలు, ఉడికించిన కూరగాయలు, వరి అన్నం, వరి ధాన్యం ఆధారిత ఆహారం తినొచ్చు.</p>

<h3>Stop alcohol and caffeine: ఆల్కహాల్, కెఫైన్ మానేయండి</h3><p><a target="_blank" href="https://telugu.hindustantimes.com/lifestyle/alcohol-dependence-syndrome-and-treatment-121639118400902.html">ఆల్కహాల్</a> తీసుకోవడం, కెఫైన్ ఎక్కువగా ఉండే టీ, కాఫీ తీసుకోవడం మానేయండి. ఇవి మీ జీర్ణ వ్యవస్థ ఆరోగ్యాన్ని దెబ్బతీస్తాయి. ఇన్‌ఫ్లమేషన్‌ను పెంచుతాయి. అందువల్ల వీటిని ఆపేసి లెమన్ గ్రాస్, ధనియా, జీర, హిబిస్కస్, పూదీన, అల్లం వంటి హెర్బల్ టీ ట్రై చేయండి.</p>

<h3>Hydration is important: హైడ్రేషన్ అవసరం</h3><p>మన మెటబాలిజంలో నీరు అత్యంత ముఖ్యమైన పాత్ర పోషిస్తుంది. తగినంత నీరు లేకపోతే మీ ఆహారాన్ని అణువులుగా విడగొట్టడం కష్టమవుతుంది. అలాగే ఆహారాన్ని జీర్ణించుకుని వాటి నుంచి తగిన న్యూట్రిషన్లను పొందడానికి నీరు అవసరం. అందువల్ల మీ బాడీ హైడ్రేట్‌గా ఉండేలా చూడండి.</p>

<h3>Have meals on fixed times: నిత్యం ఒకే సమయంలో భోజనం</h3><p>యువతలో ఫ్యాటీ లివర్ డిసీజ్ రావడానికి తినే ఆహారమే ప్రధానంగా కారణమవుతోంది. ఏ సమయంలో పడితే ఆ సమయంలో తినడం, ఆకలిగా ఉన్నప్పుడు తినకపోవడం, ప్రతి రెండు గంటలకోసారి తినడం వంటి అలవాట్లను మానుకోవాలని ఆయుర్వేద వైద్య నిపుణులు సూచిస్తున్నారు.</p>

<p>రోజులో మీరు ఎక్కువ పరిమాణంలో తీసుకునే భోజనం ఉదయం 10 నుంచి 2 గంటల మధ్యలోనే ఉండాలి. తద్వారా మీ భోజనం నుంచి మీరు అధిక ప్రయోజనం పొందగలుగుతారని నిపుణులు చెబుతున్నారు. అలాగే డిన్నర్ ఆలస్యంగా చేయొద్దని, సూర్యాస్తమయంలోపే డిన్నర్ ముగించాలని కూడా చెబుతున్నారు. ఒకవేళ సాధ్యం కానిపక్షంలో రాత్రి 8 లోపు డిన్నర్ ముగించాలని సూచిస్తున్నారు. డిన్నర్‌లో వెజిటేబుల్ సూప్స్, అన్నం, కిచిడీ, శనగ పిండితో చేసిన చిల్లా, లేదా రాగి, జొన్నలతో చేసినవి, చిరు ధన్యాలు, కూరగాయలు తీసుకోవచ్చని చెబుతున్నారు.</p>

<h3>Fix your sleep schedule: నిద్రకు ఒకే సమయం</h3><p>నిద్రకు ఒక క్రమమైన షెడ్యూలు అనుసరించడం తప్పనిసరి. రాత్రి 10 గంటలలోపు నిద్రలోకి జారుకోవడం అత్యుత్తమం. రోజూ ఒకే సమయం అనుసరించడం మేలు చేస్తుంది. అది మీ హర్మోన్లలో సమతుల్యతను పెంచుతుంది. మెటబాలిజంను మెరుగుపరుస్తుంది. మీ బరువును నియంత్రిస్తుంది. మీ ఆకలి దప్పికలు క్రమ పద్ధతిలో ఉంచుతుంది. అది మీ లివర్ ఆరోగ్యాన్ని మెరుగుపరుస్తుంది.</p>

Bedtime Skincare: పడుకునే ముందు ఈ స్కిన్‌కేర్ రొటీన్ ఫాలో అవ్వండి.. చర్మం మెరిసిపోతుంది..

bedtime skincare routine

<p>Bedtime Skincare: పడుకునే ముందు చర్మ సంరక్షణ కోసం కొన్ని జాగ్రత్తలు తీసుకోవాలి. ఈ 7 టిప్స్ పాటిస్తే మెరిసే చర్మం మీ సొంతమవుతుంది. అవేంటో తెల్సుకోండి.</p>

Bay Leaf Tea: సాయంత్రం పూట బిర్యానీ ఆకులతో టీ.. ప్రయోజనాలెన్నో..

bay leaf tea

<p>Bay Leaf Tea: బిర్యానీ ఆకు మసాలా కోసమే కాదు.. దాంతో టీ కూడా చేసుకుని తాగొచ్చు. దానివల్ల అనేక ఆరోగ్య ప్రయోజనాలున్నాయి. దాని తయారీ ఎలాగో, లాభాలేంటో తెల్సుకోండి.</p>

Build Confidence In Kids: పిల్లల్ని అత్యంత ఆత్మ విశ్వాసంతో పెంచడం ఎలాగంటే..

parenting tips

<p>Build Confidence In Kids: పిల్లల్లో ఆత్మవిశ్వాసం పెంచే విషయంలో తల్లిదండ్రుల పెంపకం పాత్ర కీలకం. దానికోసం పేరెంట్స్ తీసుకోవాల్సిన జాగ్రత్తలేంటో తెలుసుకోండి.</p>

Spices For Heart Health: రోజూ వంటలో ఈ వంటింటి మసాలాలు వాడితే.. గుండె ఆరోగ్యం భద్రం..

kitchen spices for heart health

<p>Spices For Heart Health: రోజూవారీ వంటల్లో వాడే కొన్ని మసాలాలు గుండె ఆరోగ్యాన్ని మెరుగుపరుస్తాయి. అవేంటో తెల్సుకుని రోజూ కొద్దిమొత్తంలో అయినా వాడే ప్రయత్నం చేస్తే ఆరోగ్యం మనసొంతం.</p>

<ul><li>Nonalcoholic fatty liver disease: నాన్ ఆల్కహాలిక్ ఫ్యాటీ లివర్ డిసీజ్ ఇప్పుడు యువతలో ఎక్కువ మందిలో కనిపిస్తోంది.</li></ul>

Menopause age: మెనోపాజ్ ఎప్పుడు వస్తుంది? లేట్ అయితే రిస్క్ ఏంటి?

<p>45 ఏళ్లలోపే మెనోపాజ్ దశకు చేరుకున్న మహిళల్లో హార్ట్ ఫెయిల్యూర్, ఒబెసిటీ రిస్క్ ఎక్కువగా ఉంటుందని గత అధ్యయనాల్లో తేలింది. అయితే 55 ఏళ్లు, ఆ పై వయస్సులో మెనోపాజ్ (రుతు చక్రం/ పీరియడ్స్ ఆగిపోవడం) దశకు చేరుకున్న వారిలో ఈ రిస్క్ గణనీయంగా పెరిగిందని తాజా అధ్యయనం ఒకటి తేల్చింది. అమెరికన్ హఆర్ట్ అసోసియేషన్ జర్నల్ ఈ అధ్యయనాన్ని ప్రచురించింది.</p>

<p>మెనోపాజ్ దశలోకి వచ్చినప్పుడు స్త్రీ శరీరం ఈస్ట్రోజెన్, ప్రొజెస్టెరాన్ హార్మోన్లను తక్కువ స్థాయిల్లో ఉత్పత్తి చేస్తుంది. ఈ మార్పులు గుండె పోటు సహా ఇతర గుండె జబ్బుల ప్రమాదాన్ని పెంచుతుందని అమెరికన్ హార్ట్ అసోసియేషన్ తెలిపింది.</p>

<p>మహిళల్లో <a target="_blank" href="https://telugu.hindustantimes.com/lifestyle/add-these-5-foods-to-your-daily-diet-in-menopause-time-121655573311024.html">మెనోపాజ్</a> సాధారణంగా 45 నుంచి 55 ఏళ్ల వయస్సులో వస్తుంది. సహజ మెనోపాజ్ దశ సగటు వయస్సు గడిచిన 6 దశాబ్దాలలో 1.5 సంవత్సరాలు మేర పెరిగిందని ఓ అధ్యయనం వెల్లడించింది. అయితే నేషనల్ హెల్త్ అండ్ న్యూట్రిషన్ ఎగ్జామినేషన్ సర్వే 1959-2018 ప్రకారం యునైటెడ్ స్టేట్స్‌లో 45 ఏళ్ల కంటే ముందే మెనోపాజ్ వచ్చిన వారు 12.6 శాతం ఉండగా, 55 ఏళ్లపైబడిన వయస్సులో మెనోపాజ్ వచ్చిన వారు 14.2 శాతంగా ఉన్నట్టు అంచనా వేసింది.</p>

<p>ఇంతకుముందు వెలువరించిన అధ్యయనం మెనోపాజ్ ఎర్లీగా వచ్చిన వారిలో హార్ట్ ఫెయిల్యూర్ సమస్య వచ్చే ప్రమాదం ఎక్కువగా ఉందని తేల్చింది. హార్ట్ ఫెయిల్యూర్ అంటే గుండె తగినంత రక్తం, ఆక్సిజన్‌ను శరీర అవయవాలకు పంప్ చేయలేకపోవడం.</p>

<p>‘ఆలస్యంగా, అంటే 55 ఏళ్ల ఆ పైబడిన వయస్సులో మెనోపాజ్ రావడం వల్ల ఎదురయ్యే దుష్ప్రభావాలను తేల్చేందుకు తగిన అధ్యయనాలు ఇప్పటివరకు లేవు..’ అని కాలిఫోర్నియా డేవిస్ యూనివర్శిటీ కార్డియోవాస్కులర్ మెడిసిన్ అసోసియేట్ ప్రొఫెసర్, ఈ అధ్యయనకర్త డాక్టర్ ఐమో ఎ.ఎబంగ్ చెప్పారు.</p>

<p>‘ఒబెసిటీ (ఊబకాయం) హార్ట్ ఫెయిల్యూర్ రిస్క్‌ను పెంచుతుందని మనకు తెలుసు. మెనోపాజ్ దశ శరీరంలో కొవ్వు పెరిగే లక్షణంతో ముడివడి ఉంది..’ అని ఎబంగ్ చెప్పారు. ‘మెనోపాజ్ వయస్సును, భవిష్యత్తులో ఎదురయ్యే హార్ట్ ఫెయిల్యూర్ మధ్య గల సంబంధాన్ని ఒబెసిటీ ఎలా ప్రభావితం చేస్తుందని మా అధ్యయనంలో పరిశోధన చేశాం..’ అని వివరించారు.</p>

<p>అథెరోస్ల్కెరోసిస్ రిస్క్ ఇన్ కమ్యూనిటీస్ (ఏఆర్ఐసీ) అధ్యయనంలో పాల్గొన్న 4,500 మంది <a target="_blank" href="https://telugu.hindustantimes.com/lifestyle/women-facing-vaginal-problems-due-to-menopause-121651600824326.html">మెనోపాజ్</a> దశకు చేరుకున్న మహిళలను తాజా అధ్యయనం కోసం ఎంచుకున్నారు. వీరిని వయస్సుల వారీగా, మెనోపాజ్ దశకు చేరుకున్న వయస్సు వారీగా విభజించి అధ్యయనం చేశారు. 45 ఏళ్లకు ముందే మెనోపాజ్ దశకు చేరుకున్న వారిని ఒక కేటగిరీలోకి, 45-49 మధ్య ఒక కేటగిరీని, 50-54 వయస్సుల్లో మెనోపాజ్ వచ్చిన వారిని ఒక కేటగిరీగా, 55 ఆపై వయస్సులో మెనోపాజ్ దశకు చేరుకున్న వారిని మరొక కేటగిరీగా వర్గీకరించి అధ్యయనం చేశారు. పార్టిసిపెంట్ల సగటు వయస్సు 63.5 ఏళ్లుగా ఉంది. అంతకంటే ముందే గుండె సంబంధిత వ్యాధుల బారిన పడిన వారిని ఈ అధ్యయనం నుంచి మినహాయించారు. వారి మెనోపాజ్ వయస్సును, వారి బరువును క్రోఢీకరించారు. తిరిగి బరువు ప్రాతిపదికన మూడు గ్రూపులుగా వర్గీకరించారు. సాధారణ బరువు, అధిక బరువు, ఊబకాయంగా వర్గీకరించారు. దీనికి అదనంగా అసాధారణ ఊబకాయం అనే కేటగిరీని కూడా నమోదు చేశారు.</p>

<p>టైప్ 1, టైప్ 2 డయాబెటిస్, హైపర్‌టెన్షన్, కిడ్నీ పనితీరు, ఇన్‌ఫ్లమేషన్, ఇప్పటికే ఉన్న గుండె జబ్బులు తదితర ఆరోగ్య, జీవనశైలి రిస్క్ ఫ్యాక్టర్స్‌ ప్రభావాన్ని సర్దుబాటు చేసి ఒబెసిటీ ద్వారా ఎదురయ్య హార్ట్‌ఫెయిల్యూర్ రిస్క్‌ను మాత్రమే అంచనా వేశారు. సగటున 16.5 ఏళ్ల ఫాలో అప్ సమయంలో 900 మంది మహిళల్లో హార్ట్ ఫెయిల్యూర్ సంభవించి అంతిమంగా అది హాస్పిటల్‌లో అడ్మిట్ అవడానికి, లేదా మరణానికి దారితీసింది.</p>

<h2>Late Menopause: తేల్చిన విషయాలు ఇవే..</h2><p>మెనోపాజ్ దశ వయస్సుకు, బాడీ మాస్ ఇండెక్స్‌కు, హార్ట్ ‌ఫెయిల్యూర్ రిస్క్‌కు గణనీయమైన సంబంధం ఉందని ఈ విశ్లేషణ కనగొంది.</p>

<p>1. 45 ఏళ్ల వయస్సులోపు మెనోపాజ్ వచ్చిన వారిలో బీఎంఐ ప్రతి 6 పాయింట్లు పెరిగిన కొద్దీ హార్ట్ ఫెయిల్యూర్ రిస్క్ 39 శాతం పెరిగిందని తేల్చింది.</p>

<p>2. 45 నుంచి 49 మధ్య మెనోపాజ్ వచ్చిన వారిలో బీఎంఐ ప్రతి 6 పాయింట్లు పెరిగినప్పుడు హార్ట్ ఫెయిల్యూర్ రిస్క్ 33 శాతం పెరిగిందని తేల్చింది.</p>

<p>3. అదే 55 ఏళ్ల తరువాత మెనోపాజ్ వచ్చిన వారిలో హార్ట్ ఫెయిల్యూర్ రిస్క్ రెట్టింపు అయ్యిందని ఈ అధ్యయనం తేల్చింది.</p>

<p>4. మెనోపాజ్ దశ 55, ఆ పై వయస్సుల్లో వచ్చిన వారి నడుము చుట్టుకొలత ప్రతి ఆరు ఇంచుల పెరుగుదలకు హార్ట్ ఫెయిల్యూర్ రిస్క్ మూడింతలైందని అధ్యయనం తేల్చింది.</p>

<p>5. ఇతర ఏజ్ గ్రూపుల్లో మెనోపాజ్ వచ్చిన వారిలో నడుము చుట్టుకొలత ఇంత గణనీయంగా హార్ట్‌ఫెయిల్యూర్ రిస్క్‌ను పెంచలేదు. ‘తక్కువ వయస్సులో మెనోపాజ్ వచ్చిన వారిలో ఊబకాయం ప్రభావం ఆలస్యంగా మెనోపాజ్ వచ్చిన వారిలో కంటే ఎక్కువగా ఉందని మేం అంచనా వేశాం. కానీ అలా జరగలేదు. హార్ట్ ఫెయిల్యూర్ రిస్క్‌పై ఒబెసిటి ప్రభావం ఆలస్యంగా మెనోపాజ్ వచ్చినవారిలోనే ఎక్కువగా ఉంది..’ అని పరిశోధకులు తెలిపారు.</p>

<p>ఈ అధ్యయనంలో తేలిన అంశాలు హార్ట్‌ఫెయిల్యూర్ స్క్రీనింగ్, మెనోపాజ్ దశల్లో కౌన్సెలింగ్‌కు ఉపయోగపడతాయని, తద్వారా హార్ట్‌ఫెయిల్యూర్స్‌ను నివారించవచ్చని ఎబంగ్ తెలిపారు. మెనోపాజ్ 45 ఏళ్ల కంటే ముందే వచ్చినప్పుడు మహిళలు తమ వైద్యులకు ఆ సంగతి వివరించాలని, ఆరోగ్యకరమైన జీవనశైలిని అనుసరించాలని సూచించారు. అలాగే ఆలస్యంగా మెనోపాజ్ వచ్చినవారు కూడా శరీర బరువును అదుపులో ఉంచుకోవాలని సూచించారు.</p>

<ul><li>menopause age: మెనోపాజ్ 45 ఏళ్ల వయస్సు కంటే ముందే వస్తే ఒబెసిటీ, గుండె జబ్బులకు అధిక ఆస్కారం ఉంటుందని ఇదివరకటి అధ్యయనాలు చెప్పాయి. అయితే 55 ఏళ్లు, ఆ పై మెనోపాజ్ వచ్చిన వారిలో ఒబేసిటీ, హార్ట్ ఫెయిల్యూర్ సమస్యలు ఇంకా ఎక్కువ వచ్చిపడతాయని తాజా అధ్యయనం ఒకటి తేల్చింది.</li></ul>

Crypto prices under pressure: మరింత పతనమైన క్రిప్టోకరెన్సీ.. ఇప్పుడు కొనొచ్చా?

<p>క్రిప్టోకరెన్సీలో అత్యంత ప్రాచుర్యం కలిగిన డిజిటల్ కాయిన్ బిట్‌కాయిన్ ధర నేడు 2 శాతం తగ్గి 16,588 డాలర్ల వద్ద ట్రేడవుతోంది. గ్లోబల్ క్రిప్టో మార్కెట్‌క్యాప్ 1 ట్రిలియన్ డాలర్ల మార్క్ దిగువన ఉంది. గడిచిన 24 గంటల్లో సుమారు 870 బిలియన్ డాలర్ల విలువ కోల్పోయిందని కాయిన్‌గెకో తెలిపింది.</p>

<p>మరోవైపు రెండో అత్యంత ప్రాచుర్యం కలిగినది, ఎథేరియం బ్లాక్‌చైన్ టెక్నాలజీపై పనిచేసే ఈథర్ విలువ కూడా 4 శాతం పడిపోయి 1,208 డాలర్ల వద్ద ట్రేడవుతోంది.</p>

<p>‘జెనెసిస్ విత్‌డ్రాయల్స్ నిలిపివేస్తున్నట్టు ప్రకటించాక చాలావరకు క్రిప్టోకరెన్సీలన్నీ పడిపోయాయి. బిట్‌కాయిన్ ప్రస్తుతం 16,700 డాలర్లకు దిగువన ట్రేడవుతోంది. మంగళవారం బిట్‌కాయిన్ పెరిగినప్పటికీ, తాజా ద్రవ్యోల్భణ వార్తల కారణంగా ఆ దూకుడు నిలబడలేదు. బిట్‌కాయిన్ (బీటీసీ) 17,622 డాలర్ల దిగువన సుస్థిరంగా నిలబడగలిగితే క్రమంగా కోలుకునే అవకాశం ఉంటుంది. గడిచిన 24 గంటల్లో ఈథర్ 3 శాతం పడిపోయింది. అమ్మకందారుల బలాన్ని ఈ లాావాదేవీలు చూపుతున్నాయి. అమ్మకాల ఒత్తిడి ఉధృతమైతే ఈథర్ 1,100 డాలర్లకు పడిపోవచ్చు. అందువల్ల ఈథర్ తిరిగి పుంజుకోవాలంటే కొనుగోలుదారులు దానిని 1,300 డాలర్ల స్థాయికి పుష్ చేయాల్సి ఉంటుంది..’ అని మడ్రెక్స్ సీఈవో, కో-ఫౌండర్ ఈదుల్ పటేల్ విశ్లేషించారు.</p>

<p>మరోవైపు డాజీ కాయిన్ ధర 2 శాతం పడిపోయి 0.08 డాలర్ల వద్ద ట్రేడవుతోంది. షిబా ఐను కూడా ఒక శాతం పడిపోయింది. గడిచిన 24 గంటల్లో ఇతర క్రిప్టోకరెన్సీలు బినాన్స్ యూఎస్‌డీ, అవలాంచ్, సొలానా, టెథర్, ఎక్స్‌ఆర్‌పీ, టెరా, ట్రాన్, లైట్‌కాయిన్, ఏప్‌కాయిన్, పాలిగాన్, కార్డనో, స్టెల్లార్, చైన్ లింక్, యూనిస్వాప్, పోల్కాడాట్ ధరలు కూడా పడిపోయాయి.</p>

<p>క్రిప్టో బ్రోకరేజ్ జెనెసిస్ రెడెంప్షన్స్‌ను సస్పెండ్ చేసింది. అసాధారణ రీతిలో విత్‌డ్రాయల్ కోసం అభ్యర్థనలు రావడంతో ఈ పనిచేసింది. ఎఫ్‌టీఎక్స్ సంక్షోభం కారణంగా ఈ అభ్యర్థనలు పెరిగాయి. జెనెసిస్ గ్లోబల్ క్యాపిటల్ లిక్విడిటీకి మించి విత్‌డ్రాయల్స్ రావడంతో ఈ తాజా నిర్ణయం తీసుకున్నట్టు బ్లూమ్‌బెర్గ్ నివేదించింది.</p>

<p>ఎఫ్‌టీఎక్స్ దివాళా రక్షణ కోసం శుక్రవారం దరఖాస్తు చేసుకుంది. ఈ పరిణామం క్రిప్టోకరెన్సీ పరిశ్రమను కుదిపేసింది. ఈ ఏడాదిలో అత్యంత భారీస్థాయిలో కుదుపునకు కారణమైంది. ఈ కారణంగా బిట్‌కాయిన్, ఇతర డిజిటల్ అసెట్స్ అన్నీ భారీగా పతనమయ్యాయి. ఎఫ్‌టీఎక్స్ దివాళా రక్షణ పిటిషన్ దాఖలు చేయడంతో క్రిప్టో కరెన్సీ హోల్డర్లు అమ్మకాలకు తెగబడ్డారు. దీంతో అన్ని ప్లాట్‌ఫామ్స్‌పైన క్రిప్టోకరెన్సీ కుప్పకూలుతూ వచ్చింది.</p>

<p>(ఈ ఆర్టికల్‌తో ప్రస్తావించిన అభిప్రాయాలు, సిఫారసులు అనలిస్టులు, బ్రోకింగ్ కంపెనీల అభిప్రాయాలు.. హెచ్‌టీ తెలుగువి కావు..)</p>

Nothing Phone 2a : సూపర్​ ఫీచర్స్​తో నథింగ్​ ఫోన్ ​2ఏ.. త్వరలోనే లాంచ్​!

<ul><li>Nothing Phone 2a : నథింగ్​ ఫోన్​ 2ఏపై కీలక అప్డేట్​ వచ్చింది. ఈ గ్యాడ్జెట్​ త్వరలోనే లాంచ్​ అవ్వొచ్చు.</li></ul>

Ola electric scooter price cut : ఈ ఓలా ఎలక్ట్రిక్​ స్కూటర్​ ధర భారీగా తగ్గింది! ఎంతంటే..

<ul><li>Ola electric scooter price cut : ఓలా ఎస్​1 ఎక్స్​+ ధరను తగ్గించింది సంస్థ. ఆ వివరాలను ఇక్కడ తెలుసుకోండి.</li></ul>

Gold and silver rates today : రూ. 58వేలు దాటిన పసిడి- భారీగా పెరిగిన వెండి ధర!

<ul><li>Gold and silver rates today : దేశంలో పసిడి ధరలు భారీగా పెరిగాయి. వెండి ధరలు అతి భారీగా పెరిగాయి.</li></ul>

New WhatsApp feature: వాట్సాప్ చాట్ దాచుకోవాలా?.. ఈ కొత్త ఫీచర్ తో సాధ్యమే.. సీక్రెట్ కోడ్ కూడా పెట్టుకోవచ్చు..

WhatsApp 

<p>Secret code in WhatsApp: కొన్నిరహస్యంగా దాచుకోవాలనుకునే వాట్సాప్ చాట్స్ ఉంటాయి. వాటిని వేరే వారు చూడడం మనకు ఇష్టం ఉండదు. అలాంటి చాట్స్ ను ఎవరూ చూడకుండా దాచిపెట్టుకునే ఫీచర్ ను వాట్సాప్ తీసుకువచ్చింది. ఆ చాట్ ను ఓపెన్ చేయాడానికి ఒక సీక్రెట్ కోడ్ ను కూడా ఏర్పాటు చేసుకోవచ్చు.&nbsp;</p>

<ul><li>క్రిప్టోకరెన్సీ ఏడాదిక్రితం వరకు అద్భుతంగా పెరుగుతూ వచ్చింది. ఇప్పుడు అందులో నాలుగో వంతుకు పడిపోయింది.</li></ul>

Stock market news: లాభాల్లో స్టాక్ మార్కెట్లు.. సెన్సెక్స్ 170 అప్

<p>Stock market news: స్టాక్ మార్కెట్లు బుధవారం సానుకూలంగా ప్రారంభమయ్యాయి. సెన్సెక్స్ 173 పాయింట్లు లాభపడి 61,358 పాయింట్ల వద్ద ట్రేడవుతోంది. నిఫ్టీ 57.20 పాయింట్లు లాభపడి 18,260 పాయింట్ల వద్ద ట్రేడవుతోంది.</p>

<h3>Top gainer stocks: టాప్ గెయినర్స్ జాబితా ఇదే</h3><p>టాప్ గెయినర్స్ జాబితాలో హెచ్‌సీఎల్ టెక్, ఇన్ఫోసిస్, బజాజ్ ఫైనాన్స్, డాక్టర్ రెడ్డీస్, మారుతీ సుజుకీ, ఎం అండ్ ఎం, కోటక్ మహీంద్రా, టైటాన్ కంపెనీ, టాటా స్టీల్ తదితర స్టాక్స్ ఉన్నాయి.</p>

<h3>Top loser stocks: టాప్ లూజర్స్ జాబితా ఇదే</h3><p>టాప్ లూజర్స్ జాబితాలో టెక్ మహీంద్రా, రిలయన్స్, హెచ్‌యూఎల్, హెచ్‌డీఎఫ్‌సీ, హెచ్‌డీఎఫ్‌సీ బ్యాంక్ తదితర స్టాక్స్ ఉన్నాయి.</p>

<p><strong>Pre-market opening session:</strong> ప్రి మార్కెట్ ఓపెనింగ్ సెషన్‌లో సెన్సెక్స్ 119.14 పాయింట్లు బలపడి 61,304 పాయింట్ల వద్ద స్థిరపడింది. నిఫ్టీ 85.45 పాయింట్లు బలపడి 18,288 పాయింట్ల వద్ద స్థిరపడింది. కాగా నిన్న మంగళవారం గురునానక్ జయంతి నేపథ్యంలో స్టాక్ మార్కెట్లకు సెలవు. ఈక్విటీ బెంచ్‌మార్క్ సెన్సెక్స్ సోమవారం 230 పాయింట్లకు పైగా ఎగబాకి 61,000 మార్కును తిరిగి పొందింది. గ్లోబల్ ఈక్విటీలలో స్థిరమైన ధోరణి మధ్య బ్యాంక్, ఆటో, మెటల్ స్టాక్‌లలో బలమైన కొనుగోళ్ల కారణంగా సూచీలు లాభపడ్డాయి. అమెరికా డాలర్‌తో పోలిస్తే రూపాయి బలపడటం, విదేశీ మూలధన ప్రవాహం స్థిరంగా ఉండటం కూడా దేశీయ ఈక్విటీలకు మద్దతునిచ్చిందని ట్రేడర్లు తెలిపారు. సెన్సెక్స్ అస్థిరమైన సెషన్ తర్వాత 234.79 పాయింట్లు (0.39 శాతం) పెరిగి 61,185.15 వద్ద ముగిసింది. నిఫ్టీ 85.65 పాయింట్లు (0.47 శాతం) పెరిగి 18,202.80 పాయింట్ల వద్ద ముగిసింది.</p>

<p>విదేశాల్లో బలహీనమైన గ్రీన్‌బ్యాక్, నిరంతర విదేశీ నిధుల ప్రవాహం మధ్య సోమవారం అమెరికా డాలర్‌తో రూపాయి 43 పైసలు పెరిగి 81.92 వద్ద ముగిసింది.&nbsp;</p>

<ul><li>Stock market news: స్టాక్ మార్కెట్లు బుధవారం సానుకూలంగా ప్రారంభమయ్యాయి.</li></ul>

EWS reservation: ఈడబ్ల్యూఎస్ కోటా అంటే ఏంటి? సుప్రీం కోర్టుకు ఎందుకు చేరింది?

<p>ఐదుగురు న్యాయమూర్తులతో కూడిన సుప్రీం కోర్టు ధర్మాసనం ఆర్థికంగా బలహీనంగా ఉన్న వర్గాల (ఈడబ్ల్యూఎస్)కు పది శాతం రిజర్వేషన్లు కేటాయించడం సమంజసమేనంటూ తీర్పు ప్రకటించింది. ఇది రాజ్యాంగ మౌలిక స్వరూపాన్ని ఉల్లంఘించడం లేదని చెప్పింది. అయితే ఐదింట మూడొంతుల మెజారిటీతో ఈ తీర్పు వెలువడింది. అంటే ముగ్గురు న్యాయమూర్తులు సమర్థించగా, ఇద్దరు దీనిని వ్యతిరేకించారు.</p>

<p>జస్టిస్ దినేష్ మహేశ్వరి, జస్టిస్ బేలా ఎం త్రివేది, జస్టిస్ జేబీ పార్దీవాల 103వ రాజ్యాంగ సవరణను సమర్ధించారు. ఇది రాజ్యాంగ మౌలిక స్వరూపాన్ని ఉల్లంఘించడం లేదని స్పష్టం చేశారు. చీఫ్ జస్టిస్ యూయూ లలిత్, జస్టిస్ ఎస్.రవీంద్ర భట్ మాత్రం ‘ఆర్థిక ప్రాతిపదిక’ను తీసుకున్నప్పుడు అందులో నుంచి ఎస్సీ, ఎస్టీ, ఓబీసీలను మినహాయించడం సబబు కాదని చెబుతూ 103వ రాజ్యాంగ సవరణను కొట్టివేశారు. అయితే ఆర్థిక ప్రాతిపదిక తప్పు కాదని, కొన్ని వర్గాలను మినహాయించడమే తప్పని అన్నారు.</p>

<h3>How the reservation came about: ఈడబ్ల్యూఎస్ రిజర్వేషన్ ఎలా వచ్చింది?</h3><p>ఎన్డీయే రెండోసారి అధికారంలోకి వచ్చాక 2019 జనవరిలో ఈడబ్ల్యూఎస్ కోటా ప్రకటన చేసింది. విద్యా సంస్థల్లో 10 శాతం సీట్లను, నియామకాల్లో 10 శాతం పోస్టులను ఈడబ్ల్యూఎస్‌ కోటాగా పక్కకు పెట్టాలని నిర్ణయించింది. ముఖ్యంగా అగ్రకులాల్లో పేద వర్ణాలకు ఈ వాటా దక్కుతుంది. నెలవారీ ఆదాయం, భూమి, నివాసం తదితర పరిస్థితుల ఆధారంగా లబ్ధిదారులను ఎంపిక చేయాలని భావించింది. </p>

<p>రిజర్వేషన్ల కేటాయింపులో ఆర్థికంగా వెనకబాటును కూడా పరిగణనలోకి తీసుకోవాలని దేశంలో చాలా కాలంగా డిమాండ్ ఉంది. అయితే అగ్రవర్ణాలను సంతోషపెట్టడం ద్వారా వారిని ఓటు బ్యాంకుగా మలుచుకుంటున్నారన్న విమర్శలు చుట్టుముడుతూ రావడంతో ప్రభుత్వాలు వాటి జోలికిపోలేదు. దాంతో రిజర్వేషన్లు కేవలం దళితులు, గిరిజనులు, సామాజికంగా వెనకబడిన తరగతులకు మాత్రమే పరిమితమయ్యాయి.</p>

<p>ఎస్సీ, ఎస్టీ అత్యాచార నిరోధక చట్టంలోని కొన్ని నిబంధనలను పక్కనబెట్టాలని వచ్చిన ఓ కోర్టు తీర్పును కేంద్రం తగిన చట్టం ద్వారా బైపాస్ చేయాలని షెడ్యూలు కులాల నుంచి భారీ నిరసన ఎదురైన తరువాత కొద్దికాలానికి ఈ <a target="_blank" href="https://telugu.hindustantimes.com/national-international/supreme-court-upholds-10-percent-ews-quota-law-121667798472067.html">ఈడబ్ల్యూఎస్</a> చట్టంపై కేంద్రం ప్రకటన చేసింది.</p>

<h3>What the ews law says: ఈడబ్ల్యూఎస్ చట్టం ఏం చెబుతోంది?</h3><p>జనవరి 12, 2019న పార్లమెంటు 103వ రాజ్యాంగ సవరణను ఆమోదించింది. ఆర్టికల్ 15, ఆర్టికల్ 16లను సవరించి ఈడబ్ల్యూఎస్ కోటాను అమలులోకి తెచ్చింది. దీనికి ఉభయ సభల్లోనూ భారీగా మద్దతు లభించింది.</p>

<p>దీనిలో భాగంగా ఆర్టికల్ 15, 16లలో కొత్తగా ఉప నిబంధనలను చేర్చింది. ఆర్టికల్ 15 మతం, జాతి, కులం, లింగం, ప్రాంతం ఆధారంగా వివక్ష చూపడాన్ని నిషేధిస్తుంది. ఆర్టికల్ 16 దేశంలోని పౌరులందరికీ ప్రభుత్వ ఉద్యోగ అవకాశాలలో సమాన అవకాశాలకు హామీగా ఉంటుంది. ఈ ఆర్టికల్స్ ద్వారా ఎస్సీ, ఎస్టీ, ఓబీసీలకు సామాజికంగా వెనకబడినందున రిజర్వేషన్లు కల్పిస్తున్నారు. ఇప్పుడు ఆర్టికల్ 15(6), ఆర్టికల్ 16(6) లను చేర్చింది. ఆర్థికంగా బలహీన వర్గాల పౌరుల ఉన్నతికి ప్రభుత్వం ఏదైనా ప్రత్యేక నిబంధనలు రూపొందించేందుకు ఏ నిబంధనా నిరోధించదంటూ ఈ తాజా ఆర్టికల్స్ చెబుతున్నాయి.</p>

<p>ఆర్టికల్ 15, ఆర్టికల్ 16ను అనుసరించి ఆర్థికంగా బలహీన వర్గాలకు ప్రభుత్వం ఎప్పటికప్పుడు కుటుంబ ఆదాయం, ఇతర సూచికల ఆధారంగా ఈడబ్ల్యూఎస్ కోటాను నోటిఫై చేస్తుందని గెజిట్ నోటిఫికేషన్ స్పష్టం చేసింది.</p>

<p>ఈడబ్ల్యూఎస్ రిజర్వేషన్ పొందేందుకు అభ్యర్థి కుటుంబ ఆదాయం వార్షికంగా రూ. 8 లక్షల లోపు ఉండాలని ఈ చట్టం చెబుతోంది. అలాగే 5 ఎకరాల లోపు భూమి ఉండాలి. ఫ్లాటు ఉంటే 1000 చదరపు అడుగుల లోపు ఉండాలి. ప్లాటు ఉంటే అది మున్సిపాలిటీ అయితే 100 చదరపు గజాల కంటే పెద్దగా ఉండరాదు. మున్సిపాలిటీయేతర ప్రాంతమైతే 200 గజాలు ఉండొచ్చు. ఈ చట్టం తేగానే చాలా రాష్ట్రాలు ఈ కోటాను అమలు చేయడం ప్రారంభించాయి.</p>

<p>ఈ కోటాను అమలు చేయడం రాష్ట్రాల ఇష్టం అని కేంద్రం సుప్రీం కోర్టుకు నివేదించింది. కేంద్రం సూచించిన ప్రాతిపదికనే చాలా రాష్ట్రాలు అమలు చేశాయి. కేరళ వంటి కొద్ది రాష్ట్రాలు మాత్రం అర్హత నిబంధనలను సవరించాయి.</p>

<h3>What the ews controversy is: ఈడబ్ల్యూఎస్ రిజర్వేషన్లపై వివాదం ఎందుకు?</h3><p>భారత సామాజిక ఆర్థిక చరిత్రలో ఈ ఈడబ్ల్యూఎస్ కోటా ఒక ముఖ్యమైన ఘట్టం. దేశానికి స్వాతంత్య్రం వచ్చినప్పటి నుంచి ఈ డిమాండ్ ఉన్నప్పటికీ తొలిసారిగా కేవలం కులం, తెగ ప్రాతిపదికగా కాకుండా ఆర్థిక ప్రాతిపదికను కూడా ఎంచుకుంది.</p>

<p>చాలావరకు అగ్రకులాలు తమకు రిజర్వేషన్ కావాలని రోడ్డెక్కుతూ వచ్చాయి. 1990లో తొలిసారిగా ఓబీసీ కోటా అమలు చేసినప్పుడు అలాగే 2006లో వాటిని విస్తరించినప్పుడు కూడా ఈ నిరసనలు కొనసాగాయి.</p>

<p>ఈ కోటా రాగానే కేంద్ర ప్రభుత్వ నిర్ణయాన్ని చాలా మంది సుప్రీం కోర్టులో సవాలు చేశారు. ఈ డబ్ల్యూఎస్ కోటా రాజ్యాంగ మౌలిక స్వరూపాన్ని ఉల్లంఘిస్తోందని విమర్శించారు. సామాజికంగా అణచివేతకు గురైన ఎస్సీ, ఎస్టీ తదితర కులాలకు సామాజిక అభ్యున్నతి కోసం భారత రాజ్యాంగం రిజర్వేషన్లను పరిగణనలోకి తీసుకుందని, ఆర్థిక అభ్యున్నతికి సాధనంగా రిజర్వేషన్‌ను చూడలేదని పిటిషనర్లు సుప్రీం కోర్టుకు నివేదించారు.</p>

<p>కాగా 1992 నాటి ఇందిరా సహాని కేసులో సుప్రీం కోర్టు రాజ్యాంగ ధర్మాసనం నిర్దేశించిన రిజర్వేషన్ల గరిష్ట పరిమితి అయిన 50 శాతాన్ని ఈడబ్ల్యూఎస్ కోటా ఉల్లంఘిస్తోందని మరికొందరు ఈ పిటిషన్లను సవాలు చేశారు. </p>

<p>ఈడబ్ల్యూఎస్ కోటాను ఇతర రిజర్వేషన్లు పొందుతున్న వారికి.. అంటే ఎస్సీ, ఎస్టీ, ఓబీసీలకు వర్తించకుండా నిషేధించడాన్ని కూడా మరికొందరు తప్పపట్టారు. ఆర్థిక ప్రాతిపదికను ఎంచుకున్నప్పుడు ఎస్సీ, ఎస్టీ, ఓబీసీలను ఎందుకు మినహాయించడం అని ప్రశ్నించారు. </p>

<p>ఇక వైద్య విద్యలోని ఆల్ ఇండియా కోటాలో ఈడబ్ల్యూఎస్ రిజర్వేషన్లను వ్యతిరేకిస్తూ గతంలో మద్రాస్ హైకోర్టు కూడా ఓ తీర్పు ఇచ్చింది. అయితే దీనిని సుప్రీం కోర్టు తరువాత పక్కనపెట్టింది. అలాగే ఈ రూ. 8 లక్షల ప్రాతిపదికను కూడా సుప్రీం కోర్టు ప్రశ్నించింది.</p>

<h2>ఈడబ్ల్యూఎస్ కోటాపై ప్రభుత్వం ఏం చెప్పింది?</h2><p> ప్రభుత్వం ఈడబ్ల్యూఎస్ రిజర్వేషన్లపై వచ్చిన విమర్శలను తిప్పికొట్టింది. రిజర్వేషన్లు 50 శాతం మించరాదని సుప్రీం కోర్టు తీర్పు ఉన్నప్పటికీ, అసాధారణ పరిస్తితులకు మినహాయింపునిచ్చిందని గుర్తు చేసింది. అలాగే వెనకబాటు అంటే సామాజికంగా, అలాగే విద్యాపరంగా అన్న అర్థంలో నిర్వచించింది. </p>

<p>అలాగే ఈ కోటా కారణంగా ఎస్సీ, ఎస్టీ, ఓబీసీ కోటాకు అన్యాయం జరుగుతుందన్న వాదననూ తిరస్కరించింది. మొత్తం సీట్లలో, ఉద్యోగాలలో ఆయా కోటాలకు ఉండాల్సిన సంఖ్యలో మార్పు ఉండదని చెప్పింది. వెనకబడిన వర్గాలకు సహాయకారిగా ఉండడానికి చట్టం చేసే హక్కు ప్రభుత్వానికి ఉందని స్పష్టం చేసింది. సామాజికంగా ఉన్న రిజర్వేషన్ల ఫలాల పరిధిలోకి ఈడబ్ల్యూఎస్ వర్గాలు రావడం లేదని తెలిపింది. ఒక పూట భోజనం కోసం కష్టపడుతున్న వర్గాల అభ్యున్నతికి ప్రభుత్వం చేస్తున్న ప్రయత్నంగా దీనిని చూడాలని కోరింది. గౌరవాన్ని కాపాడడం రాజ్యాంగ విధి అయినందున ఈ కోటా దీనిని సాకారం చేస్తుందని చెప్పింది. మురికి వాడల్లో నివసించే వారు, ఉద్యోగం లేని వారు ఆకలి, అగౌరవంగా జీవించాల్సిన పరిస్థితి నుంచి ఇది తప్పిస్తుందని చెప్పింది.</p>

<p>పేద వర్గాల అభ్యున్నతికి పాటుపడాల్సిన ప్రత్యేక హక్కు రాజ్యాంగ పీఠిక కల్పించిందని, ఆర్థిక ప్రాతిపదికను కొలమానంగా ఎంచుకోవడం రాజ్యాంగ మౌలిక స్వరూపాన్ని ఉల్లంఘించడం కాదని చెప్పింది. కేంద్ర నిర్ణయాన్ని మధ్యప్రదేశ్, అస్సోం, ఆంధ్రప్రదేశ్ తదితర రాష్ట్రాలు సమర్థించాయి. అయితే తమిళనాడు మాత్రం ఈ వాదనను వ్యతిరేకించింది.</p>

<h2>ఈడబ్ల్యూఎస్ రిజర్వేషన్ల ప్రభావం ఎలా ఉండబోతోంది?</h2><p>మెజారిటీ ధర్మాసనం ఈడబ్ల్యూఎస్ చట్టాన్ని సమర్థించింది. ఈడబ్ల్యూఎస్‌ను ప్రత్యేక కేటగిరీగా ఎంచుకోవడం సహేతుకమేనని స్పష్టం చేసింది. అయితే రిజర్వేషన్ల అమలుకు ఒక కాలపరిమితి ఉండాలని, సమానత్వానికి అదొక మార్గం అవుతుందని జస్టిస్ త్రివేది అన్నారు. కుల ఆధారిత రిజర్వేషన్ల నుంచి దూరంగా జరగడంలో ఆర్థిక ప్రాతిపదిక ఒక మొదటి అడుగుగా చూడవచ్చని అన్నారు.</p>

<p>రిజర్వేషన్లకు ఆర్థిక ప్రాతిపదికను ఎంచుకోవడాన్ని మొత్తం ఐదుగురు న్యాయమూర్తుల్లో ఎవరూ వ్యతిరేకించలేదు. ఈనేపథ్యంలో రానున్న కాలంలో ఆర్థిక ప్రాతిపదికన రిజర్వేషన్లనే అంశం మరింత కీలకపాత్ర పోషించే అవకాశం ఉన్నట్టు అవగతమవుతోంది.</p>

<ul><li>EWS reservation: పార్లమెంటు 103వ రాజ్యాంగ సవరణ ద్వారా ఆర్థికంగా వెనకబడిన వర్గాల (ఈడబ్ల్యూఎస్) కు 10 శాతం కోటా కల్పించగా.. దానిని సుప్రీం కోర్టు తన చారిత్రక తీర్పులో సమర్థించింది. ఈకేసు పూర్వాపరాలు ఇవీ..</li></ul>

EWS quota: ఈడబ్ల్యూఎస్ రిజర్వేషన్లపై సుప్రీం కోర్టు కీలక తీర్పు

<p>ఆర్థికంగా బలహీనంగా ఉన్న వర్గాలకు 10 శాతం ఈడబ్ల్యూఎస్ రిజర్వేషన్లు కల్పించే చట్టం చెల్లుబాటుపై సుప్రీం కోర్టు సోమవారం తీర్పు వెలువరించింది. సుప్రీం కోర్టు ప్రధాన న్యాయమూర్తి జస్టిస్ యూయూ లలిత్ నేతృత్వంలోని ధర్మాసనం ఈ తీర్పు వెలువరించింది. 10 శాతం రిజర్వేషన్లను కల్పిస్తూ తెచ్చిన 103వ రాజ్యాంగ సవరణ చెల్లుబాటుకు సంబంధించి దాఖలైన అనేక పిటిషన్లను ధర్మాసనం విచారించి ఈ తీర్పు వెలువరించింది. ఐదుగురు సభ్యుల రాజ్యాంగ ధర్మాసనం 3-2 మెజారిటీతో ఆమోద ముద్ర వేసింది. జస్టిస్ దినేశ్ మహేశ్వరి, జస్టిస్ బేలా త్రివేది జస్టిస్ జేబీ పార్ధీవాల ఈడబ్ల్యూఎస్‌ వర్గీకరణను సమ్మతించింది. అంతేకాకుండా రిజర్వేషన్లను నిరవధికంగా కొనసాగించడం సరికాదని జస్టిస్ జేబీ పార్ధీవాలా అభిప్రాయపడ్డారు. అయితే జస్టిస్ రవీంద్ర భట్ మాత్రం దీనిని వ్యతిరేకించారు. ఆర్థిక ప్రాతిపదికన తెస్తే అభ్యంతరం లేదని, అయితే ఇందులోనుంచి ఎస్సీ, ఎస్టీ, ఓబీసీలను మినహాయించడం సరికాదని రాజ్యంగ సవరణను తన తీర్పులో కొట్టేశారు. జస్టిస్ రవీంద్ర భట్ తీర్పుతో ప్రధాన న్యాయమూర్తి జస్టిస్ యూయూ లలిత్ కూడా ఏకీభవించారు.</p>

<p>ఆర్థిక అంశాలను ప్రాతిపదికగా తీసుకుని కేంద్రం రిజర్వేషన్లు సహా ప్రత్యేక ప్రొవిజన్లు ఏర్పాటు చేయడం కోసం తెచ్చిన 103వ రాజ్యాంగ సవరణ రాజ్యాంగ మౌలిక స్వరూపానికి ఉల్లంఘనగా మారదా అనే అంశాలను పలు పిటిషన్లు ప్రశ్నించాయి. అలాగే ప్రయివేటు అన్‌ఎయిడెడ్ పాఠశాలల్లో ఈడబ్ల్యూఎస్ రిజర్వేషన్లు వర్తింపజేసేందుకు వీలుగా ప్రత్యేక ప్రొవిజన్లు తేవడానికి కేంద్రాన్ని అనుమతించడం రాజ్యాంగ మౌలిక స్వరూపానికి ఉల్లంఘనగా మారుతుందా అనే అంశాలను కూడా పిటిషన్లు ప్రశ్నించాయి.</p>

<p>103వ రాజ్యాంగ సవరణ ద్వారా ఆర్టికల్ 15(6), ఆర్టికల్ 16(6)లను రాజ్యాంగంలో చేర్చారు. వీటి ప్రకారం విద్యా సంస్థల్లో ప్రవేశాలు, ఉద్యోగ నియామకాల్లో ఎస్సీ, ఎస్టీ, బీసీయేతర ఆర్థికంగా వెనకబడిన వర్గాలకు 10 శాతం రిజర్వేషన్లు కల్పిస్తారు. వారి కుటుంబ గరిష్ట వార్షిక ఆదాయం రూ. 8 లక్షలకు మించరాదన్న నిబంధనను కూడా చేర్చారు.</p>

<p>అయితే 1992లో ఇందిరా సహానీ (మండల్ కమిషన్) కేసులో సుప్రీం కోర్టు రిజర్వేషన్లు 50 శాతానికి మించి ఉండరాదని ఇచ్చిన తీర్పును 103వ రాజ్యాంగ సవరణ ఉల్లంఘిస్తోందని కూడా పిటిషనర్లు లేవనెత్తారు. అసాధారణ పరిస్థితుల్లో తప్ప రిజర్వేషన్లు 50 శాతానికి మించరాదని ఇందిరా సహానీ కేసులో 9 మంది న్యాయమూర్తులతో కూడిన విస్తృత ధర్మాసనం తీర్పు ఇచ్చింది.</p>

<p>కాగా సుప్రీం కోర్టు ప్రధాన న్యాయమూర్తి జస్టిస్ యూయూ లలిత్ రేపు పదవీ విరమణ చేయబోతున్నారు. ఆయన పదవీ కాలంలో ఈ తీర్పు చారిత్రంకంగా మారనుంది.</p>

<p>EWS quota: ఆర్థికంగా వెనకబడిన వర్గాల(ఈడబ్ల్యూఎస్)కు 10 శాతం రిజర్వేషన్లు కల్పించడంపై సుప్రీం కోర్టు కీలక తీర్పు ప్రకటించింది.</p>

Stock market news today: లాభాల్లో స్టాక్ మార్కెట్లు.. సెన్సెక్స్ 341 అప్

<p>Stock market news today: స్టాక్ మార్కెట్లు సోమవారం సానుకూలంగా ప్రారంభమయ్యాయి. సెన్సెక్స్ ఈ ఉదయం 385 పాయింట్లు పెరిగి 81,335 పాయింట్ల వద్ద ట్రేడవుతోంది. నిఫ్టీ 107 పాయింట్లు పెరిగి 18,224 పాయింట్ల వద్ద ట్రేడవుతోంది.</p>

<h3>Top gainer stocks: టాప్ గెయినర్స్ జాబితా ఇదే</h3><p>టాప్ గెయినర్స్ జాబితాలో బజాజ్ ఫిన్‌సర్వ్, అల్ట్రాటెక్ సిమెంట్, టాటా స్టీల్, ఎస్‌బీఐ, రిలయన్స్, హెచ్‌యూఎల్, సన్ ఫార్మా, తదితర స్టాక్స్ ఉన్నాయి.</p>

<h3>Top loser stocks: టాప్ లూజర్స్ జాబితా ఇదే</h3><p>టాప్ లూజర్స్ జాబితాలో టైటాన్ కంపెనీ, ఇండస్ ఇండ్, కోటక్ మహీంద్రా, భారతీ ఎయిర్‌టెల్ తదితర స్టాక్స్ ఉన్నాయి.</p>

<p><strong>Pre-market opening session:</strong> ప్రి మార్కెట్ ఓపెనింగ్ సెషన్‌లో సెన్సెక్స్  236 పాయింట్లు బలపడి61,186.81 పాయింట్ల వద్ద స్థిరపడింది. నిఫ్టీ 94.60 పాయింట్లు బలపడి 18,211 పాయింట్ల వద్ద స్థిరపడింది.</p>

<h3>గత వారం ముగింపు ఇలా..</h3><p>కాగా శుక్రవారం ఉదయం స్టాక్స్ నిలకడగా ట్రేడవుతూ మధ్యాహ్నానికి ప్రతికూల స్థాయికి వెళ్లి, ఆపై నష్టాల నుంచి కోలుకుని లాభాలతో ముగిశాయి. శుక్రవారం బిఎస్‌ఇ సెన్సెక్స్ 113.95 పాయింట్లు లాభపడి 60,950.36 వద్ద స్థిరపడగా, నిఫ్టీ 64.45 పాయింట్లు పెరిగి 18,117 వద్ద ముగిసింది.</p>

<p>యుఎస్ ఫెడరల్ రిజర్వ్ పాలసీ రేట్లను పెంచడం, ఆ తర్వాత బ్యాంక్ ఆఫ్ ఇంగ్లండ్ 75 బేసిస్ పాయింట్ల మేర వడ్డీ రేట్లు పెంచడం కారణంగా శుక్రవారం స్టాక్ మార్కెట్‌లో అస్థిరత కనిపించింది.</p>

<p>అమెరికా ఫెడరల్ రిజర్వ్ తన తాజా ద్రవ్య విధాన సమావేశంలో కీలక పాలసీ రేటును 75 బేసిస్ పాయింట్లు పెంచి వడ్డీ రేట్లను దశాబ్ద కాలం గరిష్ఠ స్థాయికి చేర్చింది. ఈ స్థాయిలో ఇది వరుసగా నాలుగో పెంపు కావడం గమనార్హం.</p>

<ul><li>Stock market news today: స్టాక్ మార్కెట్లు సోమవారం లాభాలతో ట్రేడవుతున్నాయి.</li></ul>

Twitter paid subscription: ట్విటర్ బ్లూటిక్ పెయిడ్ సబ్‌స్క్రిప్షన్ షురూ

<p>Twitter paid subscription: ట్విటర్‌ పెయిడ్ సబ్‌స్క్రిప్షన్ సేవలు అమల్లోకి తెచ్చే ప్రక్రియ ప్రారంభించింది. ట్విటర్‌ పగ్గాలు అందుకున్న ఇలాన్ మస్క్ వారం రోజుల్లోనే పెను మార్పులకు తెరతీశారు.  ‘నన్ను రోజంతా తిట్టండి.. కానీ దానికి 8 డాలర్ల ఖర్చవుతుంది..’ అని ట్వీట్ చేసిన <a target="_blank" href="https://telugu.hindustantimes.com/national-international/trash-me-all-day-but-it-will-cost-8-dollars-elon-musk-responded-on-twitter-blue-tick-fee-criticism-121667664829067.html">మస్క్</a> పెయిడ్ సబ్‌స్క్రిప్షన్‌పై మరింత స్పష్టతనిస్తూ పలు ట్వీట్లు చేశారు.</p>

<p>యూజర్లు ట్విటర్ బ్లూ న్యూవెర్షన్‌లో సైన్ అప్ చేసేందుకు మొబైల్ యాప్ సరికొత్త సాఫ్ట్‌వేర్ అప్‌డేట్‌‌‌తో సిద్ధమైంది. దీనికి నెలకు 8 డాలర్ల చొప్పున ఛార్జీలు చెల్లించాలి. తద్వారా ఆయా యూజర్లకు బ్లూటిక్ మార్క్ లభిస్తుంది. ఈ పెయిడ్ సబ్‌స్క్రిప్షన్ తీసుకున్నవారికి కొన్ని సరికొత్త ఫీచర్లు కూడా అందుబాటులోకి వస్తాయి. ముఖ్యంగా వారి ఫీడ్‌లో అడ్వర్టయిజ్‌మెంట్లు తక్కువగా ఉంటాయి.</p>

<p>‘ట్విటర్ బ్లూ‌కు నేటి నుంచి కొన్ని కొత్త ఫీచర్లు జత చేస్తున్నాం..’ అని ట్విటర్ ప్రొడక్ట్ డెవలప్‌మెంట్ డైరెక్టర్ ఎస్తర్ క్రాఫోర్ట్ తెలిపారు. అయితే ప్రస్తుతానికి ఇవి ఐఫోన్లలో మాత్రమే లభ్యమవుతాయని చెప్పారు. 7.99 డాలర్లు చెల్లించి ట్విటర్ బ్లూ సబ్‌స్క్రిప్షన్ పొందాలని సూచించారు. కొత్త సేవలకు సంబంధించిన సాఫ్ట్‌వేర్ అప్‌డేట్ ఇంకా లైవ్‌లోకి రాలేదని వివరించారు.</p>

<p>‘కొత్త ప్రోడక్ట్ ట్విటర్ బ్లూ ఇంకా లైవ్ కాలేదు. కానీ లాంచ్ ప్రక్రియ కొనసాగుతోంది. మేం ఎప్పటికప్పుడు యాప్ అప్‌డేట్ చేస్తున్న తీరును యూజర్లు గమనించవచ్చు. టెస్ట్ చేస్తూనే రియల్ టైమ్‌లో సాఫ్ట్‌వేర్ అప్‌డేట్ చేస్తున్నాం..’ అని ఆమె వివరించారు. ‘న్యూ బ్లూ వచ్చేస్తోంది..’ అంటూ ట్వీట్ చేశారు.</p>

<p>మొన్నటి శుక్రవారం ట్విటర్ ఉద్యోగులకు చేదు అనుభవాన్ని మిగిల్చింది. మొత్తం 7,500 మంది ఉద్యోగులు ఉన్న ట్విటర్‌లో సగానికి సగం మందిని మస్క్ తొలగించారు.</p>

<p>ట్విటర్ బ్లూ సబ్‌స్క్రిప్షన్ రీడిజైన్ ప్రక్రియను తొలి ప్రాధాన్యతగా చేపట్టాలని మస్క్ తన టాప్ ఎగ్జిక్యూటివ్స్‌ను ఆదేశించారు. దీంతో కొన్ని బృందాలు ఈ ఫీచర్ కోసం రాత్రింబవళ్లూ పనిచేస్తున్నాయి. నవంబరు 7కల్లా దీనిని లాంచ్ చేయాలన్న లక్ష్యంతో మస్క్ టీమ్ పనిచేస్తోంది.</p>

<p>ప్రస్తుతం పెయిడ్ సబ్‌స్క్రిప్షన్ ఫీజు 5 డాలర్లుగా ఉంది. అయితే దీనిలో కొన్ని ఫీచర్లు అందిస్తోంది. సౌలభ్యమైన రీడింగ్ మోడ్ వంటి ఫీచర్లు దీనిలో ఉన్నాయి. </p>

<p>పెయిడ్ సబ్‌స్క్రిప్షన్‌ను మరింత మెరుగుపరుస్తూ వెరిఫికేషన్ బ్యాడ్జ్‌ను కూడా ఈ సేవల్లోకి తీసుకొస్తోంది. ఇప్పటివరకు ట్విటర్ వెరిఫికేషన్ (బ్లూటిక్ బ్యాడ్జ్) ఫీచర్ ఉచితంగా ఉండేది. రాజకీయ నేతలు, ప్రభుత్వ సంస్థలు, జర్నలిస్టులు, సెలబ్రిటీలు, క్రీడాకారులు.. ఇలా చాలా మంది ప్రొఫెషనల్స్ ఈ వెరిఫికేషన్ బ్యాడ్జ్ పొందుతుండేవారు. ఈ ప్రక్రియను ఇలాన్ మస్క్ ఎగతాళి చేశారు.</p>

<p>ఈ సరికొత్త ఫీచర్ ద్వారా పెద్ద సైజులో ఉన్న వీడియోలు, ఆడియో మెసేజ్‌లు పోస్ట్ చేయవచ్చు.</p>

<p>‘ఫేక్ ఖాతాలతో కూడిన బోట్స్ వంటి వాటితో మేం చేస్తున్న పోరులో మాకు మద్దతు ఇస్తున్నందున మీ ఫీడ్స్‌లో యాడ్స్ సగానికి కుదిస్తాం. అలాగే మీకు ఆసక్తికలిగించే యాడ్స్ మాత్రమే చూస్తారు..’ అని ట్విటర్ పెయిడ్ సబ్‌స్క్రిప్షన్ సేవల గురించి తెలిపింది.</p>

<p>ఇప్పటివరకు అడ్వర్టయిజ్మెంట్‌పైనే ప్రధానంగా ఆధారపడిన ట్విటర్ ఇకపై విభిన్న మార్గాల ద్వారా ఆదాయం సమకూర్చుకోవాలని భావిస్తోంది. ట్విటర్‌ను మస్క్ కొనుగోలు చేయడం, కంటెంట్‌పై నియంత్రణ ఉంటుందని ఆయన ప్రకటించడం వంటి పరిణామాల నేపథ్యంలో కొందరు అడ్వర్టయిజర్లు ఇప్పటికే తమ ప్రకటలను తగ్గించేశారు.</p>

<ul><li>Twitter paid subscription: ట్విటర్ పెయిడ్ సబ్‌స్క్రిప్షన్ సేవలు అందుబాటులోకి వచ్చే ప్రక్రియను ఆరంభించింది.&nbsp;</li></ul>

Praveen Kumar Lenkala