pawan kalyan selfie: కుమార్తెతో సెల్ఫీ తీసుకున్న పవన్.. మురిసిపోతున్న అభిమానులు

కాకినాడ పోలీసు పరేడ్‌ గ్రౌండ్‌లో నిర్వహించిన 78వ స్వాతంత్య్ర దినోత్సవం వేడుకల్లో ఏపీ డిప్యూటీ సీఎం పవన్ కళ్యాణ్ పాల్గొన్నారు. ఈ సందర్భంగా జాతీయ జెండాను ఆవిష్కరించారు. అనంతరం తమ కూటమి ప్రభుత్వం అమలు చేస్తున్న పథకాల గురించి వివరించారు. అయితే.. ఈ వేడుకలకు పవన్‌తో పాటు ఓ స్పెషల్ గెస్ట్ కూడా హాజరయ్యారు.

మెగా ఫ్యాన్స్ సంబరం..

స్వాతంత్య్ర దినోత్సవ వేడుకలకు పవన్ కళ్యాణ్ తన కూతురు ఆద్యను కూడా తీసుకొచ్చారు. కార్యక్రమం జరుగుతున్న సమయంలో పవన్ కళ్యాణ్.. స్టేజ్ పైన తన కూతురుతో సెల్ఫీ తీసుకున్నారు. ప్రస్తుతం ఈ ఫొటో వైరల్‌గా అవుతోంది. ఈ ఫొటోను చూసిన మెగా ఫ్యాన్స్ సంబరపడుతున్నారు. సోషల్ మీడియాలోని తమతమ అకౌంట్లలో పోస్ట్ చేస్తున్నారు. పవన్, ఆద్య సెల్ఫీ తీసుకున్న ఫొటోను జనసేన పార్టీ తన ఎక్స్ ఖాతాలో పోస్ట్ చేసింది.