Telangana Minister | ఏపీకి ప్రత్యేక హోదాపై తెలంగాణ మంత్రి కోమటిరెడ్డి సంచలన వ్యాఖ్యలు
12 December 2023, 13:23 IST
- విభజిత ఆంధ్రప్రదేశ్ కు కేంద్ర ప్రభుత్వం ఇచ్చిన ప్రత్యేక హోదా హామీపై తెలంగాణ మంత్రి కోమటిరెడ్డి వెంకట్ రెడ్డి కీలక వ్యాఖ్యలు చేశారు. మంగళవారం దిల్లీలోని తెలంగాణ భవన్‌లో మాట్లాడిన మంత్రి..ఏపీకి ప్రత్యేక హోదా ఇవ్వాల్సిందేనని అన్నారు. ఏపీకి ప్రత్యేక హోదా మాజీ ప్రధాని మన్మోహన్, సోనియాగాంధీ తీసుకున్న నిర్ణయం అని తెలిపారు. ఏపీని ఆదుకోవాలని పార్లమెంట్‌లో ఇచ్చిన హామీ అది అని చెప్పుకొచ్చారు. విభజన సమయంలో ఇచ్చిన హామీ అమలుపరచకపోవడం బాధాకరమన్నారు. ఏపీకి ప్రత్యేక హోదా కోసం తన వంతు ప్రయత్నం చేస్తానన్నారు.