Revanth Vs Errabelli | ఓటుకు నోటు కేసులో ఎర్రబెల్లి-రేవంత్ రెడ్డి మధ్య వార్
10 November 2023, 12:33 IST
- మంత్రి ఎర్రబెల్లి దయాకర్ రావుపై టీపీసీసీ అధ్యక్షుడు రేవంత్ రెడ్డి తీవ్ర వ్యాఖ్యలు చేశారు. తాను జైలుకు వెళ్లడానికి కారణం ఎర్రబెల్లి దయాకరరావే ఆరోపణలు గుప్పించారు. అప్పట్లో శత్రువులతో చేతులు కలిపి టీడీపీకి నమ్మక ద్రోహం చేశాడని విమర్శించారు. ఈ ఎన్నికల్లో ఎర్రబెల్లికి బొంద పెట్టాలని ఓటర్లను కోరారు. ఈ వ్యాఖ్యలపై మంత్రి ఎర్రబెల్లి దయాకర్ రావు ఘాటుగా స్పందించారు. ఓటుకు నోటు కేసులో డబ్బు సూట్‌కేసుతో అడ్డంగా దొరికిన దొంగ రేవంత్‌రెడ్డి అని మంత్రి ఎర్రబెల్లి దయాకర్‌రావు ధ్వజమెత్తారు. అడ్డంగా దొరికిపోయి ఇప్పుడు నీతులు చెప్తూ.. ఇతరులపై నిందలేస్తున్నాడని మండిపడ్డారు. రేవంత్‌రెడ్డిని ఓటుతో తరిమికొట్టాలని పిలుపునిచ్చారు.