Karimnagar assembly | కరీంనగర్ కోటలో గెలుపుపై పోటాపోటీ ధీమా.. గంగుల ఈ సారి గెలుస్తారా..?
02 November 2023, 16:31 IST
- కరీంనగర్ లో రాజకీయాలు మెరుపు వేగంతో మారుతున్నాయి. ఇప్పటికే మూడు సార్లు పోటీ చేసి గెలిచిన మంత్రి గంగుల కమలాకర్.. నాల్గోసారి ఇక్కడి నుంచే పోటీ చేస్తున్నారు. బీజేపీ నుంచి ప్రస్తుతం ఎంపీగా ఉన్న బండి సంజయ్ ఈ సారి ఎమ్మెల్యే అభ్యర్థిగా కరీంనగర్ నుంచి పోటీ చేస్తున్నారు. కాంగ్రెస్ నుంచి ప్రధానంగా వినిపిస్తున్న పేరు పురమల్ల శ్రీనివాస్. కాంగ్రెస్ నుంచి ఎవరూ పోటీ చేసినా.. ఇక్కడ త్రిముఖ పోరు తప్పదనే సంకేతాలు వస్తున్నాయి. ఈ ముగ్గురూ మున్నూరు కాపు సామాజిక వర్గానికి చెందిన వ్యక్తులే. ఇక్కడ బలమైన సామాజిక వర్గం కూడా ఇదే. వీరి ఓటు బ్యాంకు ఎవరివైపు మెుగ్గు చూపుతుందనే దానిపైనా గెలుపు ఆధారపడి ఉంది. మరి గంగులకు ఈ సారీ ఛాన్స్ ఇస్తారా..?. కాంగ్రెస్ గాలి వీస్తున్న క్రమంలో హస్తం పార్టీ గెలుస్తుందా..?