AP CM Jagan And KCR | కేసీఆర్‌ను కలిసిన ఏపీ సీఎం జగన్.. ఆరోగ్యం విషయంపై పరామర్శ
04 January 2024, 14:38 IST
- తెలంగాణ మాజీ ముఖ్యమంత్రి కేసీఆర్ ను ఏపీ సీఎం జగన్ కలిశారు. కేసీఆర్ ఆరోగ్య పరిస్థితిపై అడిగి తెలుసుకున్నారు. ఈ సందర్భంగా పలు విషయాల గురించి ఇరువురు మాట్లాడుకున్నట్లు తెలిసింది. ఇటీవలే కేసీఆర్‌కు తుంటి ఎముక మార్పిడి శస్త్ర చికిత్స జరిగిన విషయం తెలిసిందే. ఈ ఉదయం బేగంపేట విమానాశ్రయం నుంచి జగన్ నేరుగా నందినగర్‌లో KCR నివాసానికి చేరుకున్నారు. బేగంపేట ఎయిర్‌పోర్టులో జగన్‌కు బీఆర్‌ఎస్ నేతలు స్వాగతం పలికారు. అనంతరం అక్కడి నుంచి నేరుగా KCR ఇంటికి వచ్చారు. అక్కడ మాజీ మంత్రి, కేసీఆర్ కుమారుడు కేటీఆర్ జగన్ కు స్వాగతం పలికారు.