IPL Players Auction | కమిన్స్ అదుర్స్.. 20.5 కోట్ల‌కు కొన్న హైద‌రాబాద్
19 December 2023, 16:55 IST
- దుబాయ్ వేదిక‌గా ఐపీఎల్ ఆటగాళ్లకు వేలం జరుగుతోంది. ఈ సారి జ‌రుగుతున్న ఐపీఎల్ వేలంలో ఆస్ట్రేలియా కెప్టెన్ పాట్ కమిన్స్ చ‌రిత్ర సృష్టించాడు. ఐపీఎల్ లీగ్ చ‌రిత్ర‌లోనే అత్య‌ధిక ధ‌ర‌కు అమ్ముడయ్యాడు. దీంతో ఒక్కసారిగా రికార్డుల‌కు ఎక్కాడు. రూ.2 కోట్ల బేస్‌ప్రైజ్‌తో వేలంలోకి వ‌చ్చిన కమిన్స్ కోసం ఫ్రాంచైజీలు తీవ్రంగా పోటీ ప‌డ్డాయి. ధ‌ర అమాంతం పెరిగిపోవ‌డంతో మిగిలిన ఫ్రాంచైజీలు ప‌క్క‌కు త‌ప్పుకున్నాయి. చివ‌ర‌కు స‌న్‌రైజ‌ర్స్ హైద‌రాబాద్ రూ.20.50కోట్ల‌కు క‌మిన్స్‌ను ద‌క్కించుకుంది. 2018 ఐపీఎల్ వేలంలో ఇంగ్లాండ్ ఆల్‌రౌండ‌ర్ సామ్‌క‌ర‌న్‌ను పంజాబ్ కింగ్స్ రూ.18.50 కోట్ల‌కు పంజాబ్ కింగ్స్ సొంతం చేసుకున్న సంగ‌తి తెలిసిందే.