France Highest Award To PM Modi | ఫ్రాన్స్ అత్యున్నత పురస్కారం.. ప్రధాని మోదీకే ఫస్ట్
14 July 2023, 11:27 IST
- ప్రధాని నరేంద్ర మోదీకి మరో అంతర్జాతీయ అత్యున్నత పురస్కారం లభించింది. గురువారం ఫ్రాన్స్ పర్యటనకు వెళ్లిన మోదీకి.. ఆ దేశం అత్యున్నత పురస్కారంతో సత్కరించింది. ప్యారిస్ లోని ఎలీసీ ప్యాలెస్‌లో ఫ్రాన్స్ అధ్యక్షుడు ఇమ్మాన్యుయేల్ మాక్రాన్ 'గ్రాండ్ క్రాస్ ఆఫ్ ది లెజియన్ ఆఫ్ హానర్‌'తో మోదీని సత్కరించారు. ఇది ఫ్రాన్స్ దేశానికి చెందిన సైనిక లేదా పౌర పురస్కారాల్లో అత్యున్నతమైనది. దీంతో ఈ గౌరవాన్ని అందుకున్న తొలి భారత ప్రధానిగా మోదీ గుర్తింపు పొందారు.