Kashi Vishwanath | దర్శనం కోసం ఘర్షణ.. గర్భగుడిలో తన్నుకున్న భక్తులు, సేవకులు!

ఉత్తరప్రదేశ్‌ రాష్ట్రం, వారణాసిలోని పరమ పవిత్రమైన కాశీ విశ్వనాథ ఆలయ గర్భగుడిలో భక్తులకు, ఆలయ సేవకులకు మధ్య ఘర్షణ జరిగింది. ఈ ఘటనకు సంబంధించిన సీసీటీవీ ఫుటేజీ ప్రస్తుతం సోషల్ మీడియాలో వైరల్‌గా మారింది.  ఏకంగా గర్భగుడిలోనే కాశీ విశ్వనాథుడి సాక్షిగా భక్తులు, ఆలయ సేవకులు ఒకరినొకరు తోసుకోవడం, కుమ్ములాడుకోవడం ఆ వీడియోలో కనిపిస్తుంది. ఆలయ తలుపులు మూసివేసినా భక్తులు దర్శనం చేసుకోవాలని పట్టుబట్టారు. ఈ క్రమంలో ఆలయ సేవకులకు, భక్తులకు మధ్య వాగ్వాదం పెరిగి దాదాపుగా కొట్టుకునే పరిస్థితి వరకు వచ్చింది. ఈ ఘటనపై సేవకులు ఆలయ నిర్వాహకులకు లేఖ పంపారు. తమకు పోలీసులు సహకరించడం లేదు, రక్షణ కల్పించడం లేదని ఆ లేఖలో ఆరోపించారు. ఈ ఘటన శనివారం జరిగినట్లు తెలుస్తోంది. ఆ దృశ్యాలు వీడియోలో చూడండి.