Big win for Israel | హమాస్ టెర్రర్ గ్రూపుకు పెద్ద ఎదురుదెబ్బ.. ప్రధాన కార్యాలయం ధ్వంసం
17 October 2023, 16:16 IST
- ఇజ్రాయెల్‌కు భారీ విజయం లభించింది. గాజాలోని హమాస్ టెర్రర్ గ్రూపు ప్రధాన కార్యాలయాన్ని ఇజ్రాయెల్ ధ్వంసం చేసింది. అంతేకాకుండా ఉగ్రవాదులకు నిధులు సమకూర్చుతున్న బ్యాంకును కూడా దాడి చేసి కూల్చి వేసింది. ఈ మేరకు ఇజ్రాయెల్ వైమానిక దళం ఓ ప్రకటనలో పేర్కొంది. ఇప్పటికే 10 రోజులు దాటిన ఇజ్రాయెల్-హమాస్ యుద్ధంతో వేలాది మంది ప్రాణాలు కోల్పోయారు. ఇందులో హమాస్ గ్రూప్ కీలక నేతలు కూడా హతమయ్యారు. గాజాలోని వివిధ ఉగ్రవాదుల రహస్య స్థావరాలను కూడా ఇజ్రాయెల్ ధ్వంసం చేసింది. ఉగ్రవాదులను మట్టుబెట్టేందుకు గాజాలోని వివిధ ప్రాంతాల్లో వేలాది క్షిపణులను ప్రయోగించారు. అక్టోబర్ 07 నుంచి గాజాపై ఇజ్రాయెల్ చేసిన దాడుల్లో 2 వేల 750 మంది పాలస్తీనియన్లు మరణించారు. 9,700 మంది గాయపడ్డారు.