Aditya L1 Mission: సూర్యుడి రహస్యం చేధించేందుకు 'ఆదిత్య-L1’ మిషన్ చేపట్టిన ఇస్రో
25 August 2023, 12:52 IST
- అంతరిక్ష రంగ పరిశోధనల్లో భారత్ తన కీర్తిని అంతకంతకూ పెంచుకుంటోంది. తక్కువ ఖర్చుతోనే ప్రయోగాలు చేస్తూ ఖ్యాతిని చాటుతోంది. చంద్రుడిపై రహస్యాలను చేధించేందుకు ప్రయోగించిన చంద్రయాన్-3 విజయం సాధంచగా, ఇప్పుడు మరో సంచలనాత్మక మిషన్ ఆదిత్య-L1 కోసం ఇస్రో సిద్ధమవుతోంది. సూర్యుని గురించి లోతుగా అధ్యయనం చేయడం కోసం ఈ ప్రాజెక్టును ఇస్రో చేపడుతోంది. ఆదిత్య-L1 స్పేస్‌క్రాఫ్ట్‌ను సెప్టెంబర్ మొదటి వారంలో శ్రీహరికోట నుంచి ప్రయోగించనున్నారు. అయితే ఇంకా కచ్చితమైన తేదీ, సమయాన్ని ప్రకటించలేదు.