Ippatam Issue : ఇంచు కూడా కదిలించలేరు.. పవన్, చంద్రబాబుపై మంత్రి జోగి రమేశ్ ఫైర్
05 November 2022, 16:29 IST
- ippatam village issue: ఇప్పటంలో ఒక్క ఇల్లు కూడా తొలగించలేదన్నారు మంత్రి జోగి రమేశ్. గ్రామాభివృద్ధి కోసమే జరుగుతున్న పనులను చూసి స్థానిక ప్రజలు ఆనందం వ్యక్తం చేస్తున్నారని చెప్పారు. కానీ పార్టీల ఇళ్లను కూలగొడుతున్నారంటూ ప్రచారం చేస్తున్నారని ఆగ్రహం వ్యక్తం చేశారు. గాంధీ, ఇందిరాగాంధీ విగ్రహాలను కూల్చివేయలేదని... తిరిగి ఆ విగ్రహాలను ప్రతిష్టిస్తారని చెప్పారు. పోటీ చేసిన రెండు చోట్ల గెలవలేని పవన్... శాంతిభద్రతలకు విఘాతం కలిగించే విధంగా ప్రవర్తిస్తున్నారని విమర్శించారు. రాష్ట్రంలోని జరుగుతున్న అభివృద్ధి చూడలేకే ఇలా చంద్రబాబు , పవన్ కళ్యాణ్ లు డ్రామాలు చేస్తున్నారని మండిపడ్డారు. నిజంగా పవన్, చంద్రబాబుకు దమ్ముంటే.. ఒంటరిగా 175 స్థానాల్లో పోటీ చేసి మాట్లాడాలని సవాల్ విసిరారు. ఒక వర్గాన్ని ఒక కులాన్ని టార్గెట్ చేయాల్సిన అవసరం వైసీపీ ప్రభుత్వానికి లేదన్నారు. తమ ప్రభుత్వాన్ని కూలుస్తామంటున్న టీడీపీ, జనసేన పార్టీలు.. ఇంచు కూడా కదిలించలేవంటూ కామెంట్స్ చేశారు.