Leopard in Tirupathi | చిన్నారి లక్షితపై దాడి చేసిన ప్రాంతంలోనే చిక్కిన మరో చిరుత
20 September 2023, 12:50 IST
- తిరుమల నడక మార్గంలో మరో చిరుత చిక్కింది. చిన్నారి లక్షితపై దాడి చేసి చంపేసిన సమీపంలో బోనులో ఈ చిరుత చిక్కింది. రెండు నెలల కాలంలో.. ఆరోవ చిరుత బోనులో చిక్కిందని టీటీడీ చైర్మన్ భూమన కరుణాకర్ రెడ్డి తెలిపారు. తిరుమల తిరుపతి దేవస్థానం ఎంత చిత్తశుద్ధితో పని చేస్తోందనడానికి ఇదే ఉదాహరణ అని అన్నారు. యాత్రికులు ఏ రకమైన ఇబ్బంది కలగకుండా అన్ని రకాల చర్యలు తీసుకుంటున్నామని తెలిపారు. గుంపులు గుంపులుగా వెళ్లమని అభ్యర్థించామన్నారు. భక్తుల్లో ధైర్యాన్ని నింపటం కోసం కర్రలు ఇచ్చామని, ఏ చిన్న అవకాశాన్నీ వదులుకోకుండా మళ్లీ చిరుతల్ని పట్టటానికి టీటీడీ అటవీ సిబ్బంది పనిచేస్తూందన్నారు. మమ్మల్ని విమర్శించేటువంటి వాళ్ళకు నేను విజ్ఞప్తి చేస్తున్న మీ వెటకారము వలన నష్టం మీకు తప్ప మాకు కాదనీ స్పష్టం చేశారు.