Palnadu District | చంద్రబాబు పర్యటన మరుసటి రోజే!.. టీడీపీ కార్యాలయానికి నిప్పు
08 April 2024, 9:37 IST
- పల్నాడు జిల్లా క్రోసూరులో తెలుగుదేశం పార్టీ ఆఫీసు ఆదివారం అర్ధరాత్రి అగ్నికి ఆహుతైంది. గుర్తుతెలియని వ్యక్తులు నిప్పు పెట్టడంతో ఈ ఘటన జరిగినట్లు తెలుగుదేశం పార్టీ నేతలు చెప్పారు. పదిరోజుల కిందట కూటమి అభ్యర్థి భాష్యం ప్రవీణ్‌ నాలుగురోడ్ల కూడలిలోని మన్నెం భూషయ్య కాంప్లెక్స్‌లో పార్టీ కార్యాలయాన్ని ప్రారంభించారు. సభలు, సమావేశాలు నిర్వహించుకునేందుకు వీలుగా తాటాకులతో చలువ పందిరి ఏర్పాటు చేశారు. అర్ధరాత్రి గుర్తు తెలియని ఆగంతకులు పందిరికి నిప్పంటించడంతో క్షణాల్లో దగ్ధమైంది.