YSRCP MLA Alla: లోకేష్‌పై గెలిచిన ఆళ్ల రామకృష్ణా రెడ్డి ఎమ్మెల్యే పదవికి, వైసీపీకి రాజీనామా
11 December 2023, 13:27 IST
- వైసీపీకి బిక్ షాక్ తగిలింది. మంగళగిరి వైసీపీ ఎమ్మెల్యే ఆళ్ల రామకృష్ణా రెడ్డి పార్టీకి, పదవికి రాజీనామా చేశారు. కొద్దిసేపటి క్రితమే శాసనసభా కార్యదర్శికి ఆళ్ల రాజీనామా లేఖ ఇచ్చారు. వ్యక్తిగత కారణాలతో రాజీనామా చేస్తున్నానని లేఖలో ఆళ్ల పేర్కొన్నారు. మంగళగిరి నియోజకవర్గానికి నిధులు ఇవ్వడం లేదని అసంతృప్తితో ఆళ్ల ఉన్నట్లు తెలిసింది. అలాగే రూ.1250 కోట్లు నిధులు ఇస్తామని హామీ ఇచ్చి మాట తప్పారని కూడా ఆగ్రహంతో ఉన్నట్లు సమాచారం. అటు గుంటూరు జిల్లా మంగళగిరి నియోజకవర్గంలో వైసీపీ నేతల మధ్య విభేదాలు ఇటీవలి కాలంలో తీవ్ర స్థాయికి చేరుకున్నాయి. ఇటీవల పోటాపోటీగా కార్యాలయాలు సైతం ప్రారంభించారు.