TS ICET 2024 : తెలంగాణ ఐసెట్ షెడ్యూల్ విడుదల - మార్చి 7 నుంచి దరఖాస్తులు, ముఖ్య తేదీలివే

TS ICET Schedule 2024 Updates : ఎంబీఏ, ఎంసీఏ ప్రవేశాల కోసం నిర్వహించే ఐసెట్ షెడ్యూల్ విడుదలైంది. ఈ మేరకు తెలంగాణ ఉన్నత విద్యామండలి శనివారం వివరాలను పేర్కొంది. మార్చి 5న నోటిఫికేషన్ ను విడుదల చేయనుండగా…. మార్చి 7 నుంచి దరఖాస్తుల ప్రక్రియ ప్రారంభం కానుంది. ఏప్రిల్​ 30 వరకు దరఖాస్తులు స్వీకరించనున్నారు. ఆలస్య రుసం రూ.250తో మే 17 వరకు అప్లై చేసుకునే అవకాశం ఉంటుంది. రూ.500తో మే 27వ తేదీలోపు దరఖాస్తులు చేసుకోవచ్చు. జూన్​ 4, 5 తేదీల్లో ఐసెట్​ పరీక్షలను నిర్వహించనున్నారు. ఈ ఏడాది కూడా కాకతీయ వర్శిటీ పరీక్షను నిర్వహించనుంది.

TS ICET Schedule 2024: తెలంగాణ ఐసెట్ షెడ్యూల్ :

తెలంగాణ ఐసెట్ 2024 నోటిఫికేషన్ - మార్చి 5,2024.

దరఖాస్తుల స్వీకరణ ప్రారంభం - మార్చి 7 ,2024.

ఆలస్య రుసం లేకుండా ఏప్రిల్​ 30,2024 వరకు దరఖాస్తు చేసుకోవచ్చు.

ఆలస్య రుసం రూ.250తో దరఖాస్తు స్వీకరణ - మే 17,2024.

ఆలస్య రుసం రూ.500తో దరఖాస్తు స్వీకరణ- మే 27,2024.

పరీక్ష తేదీలు - జూన్​ 4, 5 -2024.

అధికారిక వెబ్ సైట్ - https://icet.tsche.ac.in

Telangana ECET 2024 Schedule::బీటెక్‌ కోర్సుల్లో లేటరల్ ఎంట్రీ ప్రవేశాల కోసం నిర్వహించే 'టీఎస్‌ ఈసెట్‌' నోటిఫికేషన్ ఫిబ్రవరి 14వ తేదీన విడుదల కానున్నట్లు వెల్లడించింది తెలంగాణ ఉన్నత విద్యామండలి. మే 6వ తేదీన ఈసెట్ ఎగ్జామ్ జరగనుంది. https://ecet.tsche.ac.in/ వెబ్ సైట్ లో వివరాలను చెక్ చేసుకోవచ్చు.

టీఎస్ ఈసెట్ షెడ్యూల్ - ముఖ్య తేదీలు

తెలంగాణ ఈసెట్ -2024 నోటిఫికేషన్‌ - ఫిబ్రవరి 14, 2024.

దరఖాస్తుల స్వీకరణ - ఫిబ్రవరి 15, 2024.

దరఖాస్తుల స్వీకరణకు తుది గడువు - ఏప్రిల్ 16, 2024.

ఆల‌స్యం రుసుంతో - ఏప్రిల్ 28, 2024.

దరఖాస్తుల్లో సవరణలకు అవకాశం - ఏప్రిల్ 24 నుంచి 28, 2024.

ఈసెట్ ఎంట్రెన్స్ ఎగ్జామ్ - మే 6, 2024.

TS Lawcet Schedule 2024: మరోవైపు లాసెట్ - 2024 షెడ్యూల్ కూడా విడుదలైంది. ఈ నెల 28 లా సెట్‌, పీజీ లా సెట్(ts lawcet 2024 exam date) నోటిఫికేషన్ విడుదల చేయనున్నట్లు తెలంగాణ ఉన్నత విద్యామండలి పేర్కొంది. మార్చి ఒకటవ తేదీ నుంచి ఏప్రిల్ 15 వరకు దరఖాస్తుల స్వీకరించనున్నట్లు ప్రకటించింది. జూన్‌ 3న ప్రవేశ పరీక్ష జరగనుంది.

తెలంగాణ లాసెట్ - 2024 నోటిఫికేషన్ - ఫిబ్రవరి 28, 2024.

దరఖాస్తుల స్వీకరణ - మార్చి 1, 2024.

దరఖాస్తులకు తుది గడువు - ఏప్రిల్ 15, 2024.

ఆలస్య రుసుంతో - 25.మే.2024

లాసెట్ ప్రవేశ పరీక్ష - జూన్ 3, 2024.

ఈసెట్ ప్రవేశ పరీక్షను ఉస్మానియా వర్శిటీ, ఎంసెట్ పరీక్షలను జేఎన్టీయూ నిర్వహించనున్నట్లు ఉన్నత విద్యామండలి పేర్కొంది. ఎడ్ సెట్ ఎగ్జామ్ ను మహాత్మ గాంధీ వర్శిటీ, లాసెట్ - ఉస్మానియా వర్శిటీ, ఐసెట్ - కాకతీయ వర్శిటీ, పీజీఈసెట్ - జేఎన్టీయూ, టీఎస్ పీఈసెట్ ప్రవేశ పరీక్షను శాతవాహన వర్శిటీ నిర్వహించనుంది.