TS Govt Jobs : గుడ్ న్యూస్... 156 పోస్టుల భర్తీకి నోటిఫికేషన్ విడుదల.. ముఖ్య తేదీలివే

Telangana Health And Ayush Department 2023: తెలంగాణలో ఉద్యోగాల భర్తీ పక్రియ కొనసాగుతోంది. ఇప్పటికే పబ్లిక్ సర్వీస్ కమిషన్... పరీక్షలు నిర్వహిస్తుండగా... ఇతర శాఖలు కూడా నోటిఫికేషన్లు జారీ చేస్తున్నాయి. తాజాగా తెలంగాణ వైద్యారోగ్య శాఖ, ఆయూష్ విభాగం నుంచి ఉద్యోగ ప్రకటన విడుదలైంది. ఇందులో భాగంగా... 156 వైద్యుల పోస్టులను భర్తీ చేయనున్నారు.

ముఖ్య వివరాలు:

మొత్తం ఉద్యోగాలు - 156

విభాగాల వారీగా - ఆయుర్వేదం 54, హోమియో 33, యునాని 69

అర్హతలు - పోస్టులను అనుసరించి అర్హతలు ఉండాలి.

జీతం - 54 వేల నుంచి లక్షకు పైగా

దరఖాస్తు విధానం - ఆన్ లైన్

రుసుం - రూ. 500

దరఖాస్తులు ప్రారంభం - ఆగస్టు, 7 ,2023

దరఖాస్తులకు తుది గడువు - ఆగస్టు 22, 2023

అధికారిక వెబ్ సైట్ - mhsrb.telangana.gov.in

ఈ నోటిఫికేషన్ కు సంబంధించిన పూర్తి వివరాలను కింద ఇచ్చిన PDFలో చెక్ చేసుకోవచ్చు.

TS Degree Colleges Jobs : మరోవైపు డిగ్రీ కాలేజీల్లో కాంట్రాక్ట్, ఔట్ సోర్సింగ్ పోస్టుల భ‌ర్తీకి ఉత్తర్వులు జారీ చేసింది తెలంగాణ సర్కార్. మొత్తం 2,858 పోస్టుల భర్తీకి తాజాగా ఉత్తర్వులు ఇచ్చింది. ఈ నోటిఫికేషన్ లో కాంట్రాక్ట్ ప‌ద్ధతిన 527 మందిని లెక్చర‌ర్లను, 341 మందిని ఔట్ సోర్సింగ్ ప‌ద్ధతిలో, 50 మందిని టీఎస్‌కేసీ మెంట‌ర్లను, 1940 గెస్ట్ ఫ్యాకల్టీ పోస్టుల‌ను భ‌ర్తీ చేయ‌నున్నట్లు ప్రభుత్వం ప్రకటించింది. ఈ పోస్టుల కాల‌ప‌రిమితి 2024 మార్చి 31తో ముగియ‌నుంది. లెక్చర‌ర్లు పోస్టులు -527, టీఎస్‌కేసీ ఫుల్ టైమ్ మెంట‌ర్లు-50, గెస్ట్ ఫ్యాక‌ల్టీ పోస్టులు-1940, సీనియ‌ర్ అసిస్టెంట్ పోస్టులు-29, డాటా ఎంట్రీ ఆప‌రేట‌ర్ పోస్టులు- 31, స్టోర్ కీప‌ర్- 40, జూనియ‌ర్ స్టెనో - 01, రికార్డు అసిస్టెంట్ పోస్టులు-38, మ్యూజియం కీప‌ర్ పోస్టులు -07, హెర్బేరియం కీప‌ర్ పోస్టులు -30, మెకానిక్ పోస్టులు- 08, ఆఫీసు సబార్డినేట్ పోస్టులు-157 భర్తీ చేయనున్నారు.