KV Jobs Recruitment 2024 : తెలంగాణలోని కేంద్రీయ విద్యాలయాల్లో ఉద్యోగాలు.. రాత పరీక్ష లేదు.. ఇలా అప్లై చేయండి!

తెలంగాణలో ఉన్న కేంద్రీయ విద్యాలయాల్లో టీచింగ్ ఉద్యోగాల భర్తీకి నోటిఫికేషన్ విడుదలైంది. అర్హులైన అభ్యర్థుల నుంచి దరఖాస్తులు ఆహ్వానిస్తూ.. నోటిఫికేషన్ విడుదల చేశారు. ఈ ఉద్యోగాలకు అర్హులైన వారు అప్లికేషన్ ఫామ్ నింపి ఒరిజినల్ సర్టిఫికెట్స్, ఒక సెట్ సెల్ఫ్ అట్టేస్టెడ్ జిరాక్స్ కాఫీలు, ఒక పాస్పోర్ట్ సైజు ఫోటోతో ఇంటర్వ్యూకు హాజరు కావొచ్చని అధికారులు వివరించారు. ఈ ఉద్యోగాలను పార్ట్ టైం, కాంట్రాక్టు పద్ధతిలో భర్తీ చేస్తున్నారు.

ముఖ్యమైన అంశాలు..

1. హైదరాబాద్‌లోని ఉప్పల్ కేంద్రీయ విద్యాలయం ఈ నోటిఫికేషన్ విడుదల చేసింది. ఈ నోటిఫికేషన్ ద్వారా టీచింగ్ ఉద్యోగాల భర్తీ చేపట్టనున్నారు.

2. టీజీటీ (ఇంగ్లీష్) , టీజీటీ (సోషల్ సైన్స్) , టీజీటీ (మ్యాథమెటిక్స్), ఎడ్యుకేషన్ కౌన్సిలర్ పోస్టులు భర్తీ చేయనున్నారు.

3. ఇంటర్వ్యూ ద్వారా నియామకం జరగనుంది. దీనికి హాజరు కావడానికి ఎటువంటి ఫీజు లేదు.

4. 18-09-2024 తేదీన ఉదయం 9 నుంచి 10 గంటల మధ్య ఇంటర్వ్యూకు హాజరుకావాలి. అధికారులు వివరాలు నమోదు చేసుకొని పిలుస్తారు.

5. అర్హత ఉన్న అభ్యర్థులు నేరుగా ఇంటర్వ్యూకు హాజరుకావాలి.

6. 18వ తేదీ వచ్చిన అభ్యర్థులను.. తొలుత ఇంటర్వ్యూ చేస్తారు. ఆ తర్వాత సర్టిఫికెట్ వెరిఫికేషన్ చేసి ఎంపిక చేస్తారు.

7. కేంద్రీయ విద్యాలయాల నిబంధనల ప్రకారం జీతం ఇస్తారు.