Allam Narayana : మీడియా అకాడమీ ఛైర్మన్‌ అల్లం నారాయణ పదవీ కాలం పొడిగింపు

తెలంగాణ రాష్ట్ర మీడియా అకాడమీ ఛైర్మన్ అల్లం నారాయణ పదవీ కాలం మరో రెండేళ్లు పొడిగిస్తూ.. ప్రభుత్వం నిర్ణయం తీసుకుంది. ఈ మేరకు సీఎస్ సోమేశ్‌కుమార్‌ ఉత్తర్వులు జారీ చేశారు. అల్లం నారాయణ పదవీ కాలం ఈ ఏడాది జూన్ 30వ తేదీతో ముగిసింది. 2022, జులై 1 నుంచి 2024 జూన్ 30 వ‌ర‌కు మీడియా అకాడమీ చైర్మన్‌గా పదవిలో కొనసాగుతారని తాజాగా ఉత్తర్వుల్లో ప్రభుత్వం పేర్కొంది. అల్లం నారాయణకు మీడియా అకాడమీ చైర్మన్‌ పదవిని పొడిగించ‌డం ఇది మూడోసారి.

తెలంగాణ రాష్ట్ర మీడియా అకాడమీ ఛైర్మన్‌గా మూడో సారి అవకాశం ఇచ్చినందుకు సీఎం కేసీఆర్ కు అల్లం నారాయణ కృతజ్ఞతలు తెలిపారు. తనపై నమ్మకం ఉంచి మళ్లీ బాధ్యతలు అప్పగించినందుకు ధన్యవాదాలు చెప్పారు.