సంగారెడ్డిలో విషాదం.. ఎయిర్​ గన్ పేలి నాలుగేళ్ల చిన్నారి మృతి

సంగారెడ్డి జిల్లాలోని జిన్నారం మండలం వావిలా శివారులో విషాదం నెలకొంది. ఓ ఫామ్‌హౌస్‌లో ఎయిర్‌గన్‌ పేలి నాలుగేళ్ల బాలిక మృతిచెందింది. పోలీసుల వివరాల ప్రకారం.. శివారులోని ఓ ఫామ్‌హౌస్‌లో మంగళవారం ఉదయం పది గంటల సమయంలో ఎయిర్‌గన్‌ పేలింది. ఈ క్రమంలో అక్కడ పనిచేస్తున్న ఓ వ్యక్తి కుమార్తె అయినా శాన్వి(4) గాయాలపాలైంది. తీవ్రంగా గాయపడిన శాన్విని స్థానికంగా ఉన్న ఆర్​ఎంపీ దగ్గరకి తీసుకెళ్లగా చికిత్స అందించలేకపోయాడు. పరిస్థితి విషమించటంతో వెంటనే ఉస్మానియా ఆస్పత్రికి తరలించగా చికిత్స పొందుతూ బుధవారం ప్రాణాలు విడిచింది.

ఎయిర్​ గన్​తో ఎవరైనా కాల్చారా? ప్రమాదవశాత్తుగా ఏమైనా జరిగిందా అన్న కోణంలో విచారణ చేపట్టారు పోలీసులు. ఒక్కసారిగా ఈ ఘటనతో స్థానికంగా కలకలం రేగింది.