Viral Video | పుష్ప డైలాగ్‌తో అదరగొట్టిన క్రికెటర్‌ చహల్‌.. వీడియో

ముంబై: టీమిండియా స్పిన్నర్‌ యుజువేంద్ర చహల్‌ మరోసారి పుష్ప మూవీ డైలాగ్‌తో అదరగొట్టాడు. సోషల్‌ మీడియాలో చాలా యాక్టివ్‌గా ఉండే చహల్‌.. లిప్‌ సింకింగ్‌ డైలాగులతో ఆకట్టుకుంటాడు. 

తాజాగా తన లేటెస్ట్‌ ఇన్‌స్టాగ్రామ్‌ పోస్ట్‌లో పుష్ప డైలాగ్‌ చెప్పాడు. ఇందులో అతనితోపాటు మిగతా క్రికెటర్లు కూడా చేరారు. పుష్ప అంటే పువ్వనుకుంటున్నావా? ఫైర్‌ అనే హిందీ డైలాగ్‌కు లిప్‌ సింక్‌ చేశాడు చహల్‌. అతనికి నవ్‌దీప్‌ సైనీ, హర్‌ప్రీత్‌ బ్రార్‌లాంటి క్రికెటర్లు కూడా జత కలిశారు. 

ఈ వీడియో పోస్ట్‌ చేసిన 24 గంటల్లోనే 24 లక్షలకుపైగా వ్యూస్‌ రావడం విశేషం. చాలామంది ఫైర్‌లాగే చెప్పావ్‌ డైలాగ్‌ అంటూ చహల్‌పై ప్రశంసలు కురిపించారు. కొన్ని రోజుల కిందట కూడా పుష్ప మూవీలోనిదే మరో డైలాగ్‌ చెప్పిన వీడియోను ఇన్‌స్టాలో పోస్ట్‌ చేశాడతడు.