Rajasthan Royals | సంజూ శాంసన్ కు కోపం తెప్పించిన సొంత ఫ్రాంచైజ్‌

ఐపీఎల్ 2022కు రంగం సిద్ధ‌మైంది. మరికొద్ది గంట‌ల్లో టీ20 మెరుపులు మొద‌లుకాబోతున్నాయి. దాదాపు రెండు నెల‌ల పాటు జ‌రిగే ఈ మెగా ఈవెంట్‌లో ప‌ది జ‌ట్లు పోటీప‌డ‌బోతున్నాయి. ఇప్ప‌టికే అన్ని ఐపీఎల్ టీమ్స్ ప్రాక్టీస్ సెష‌న్స్ తో ఫుల్ బిజీగా ఉన్నాయి. ఆట‌గాళ్ల ప్రాక్టీస్ తాలూకు వీడియోలు,ఫొటోల‌ను ఐపీఎల్ ఫ్రాంచెజీలు సోష‌ల్ మీడియాల ద్వారా షేర్ చేస్తున్నాయి.

శుక్ర‌వారం రాజ‌స్థాన్ రాయ‌ల్స్ టీమ్ త‌మ ట్విట్ట‌ర్ ఖాతాలో కెప్టెన్ సంజూ శాంస‌న్ మార్ఫింగ్ ఫొటో పోస్ట్ చేసింది. ఇందులో బ్లాక్ క‌ల‌ర్ కళ్లద్దాలు, అరేబియ‌న్ ట‌ర్బ‌న్ ధ‌రించి బస్ లో ప్ర‌యాణిస్తూ సంజూ శాంస‌న్ క‌నిపిస్తున్నారు. స‌ర‌దాగా టీమ్ పోస్ట్ చేసిన ఈ ఫొటో పై సంజూ శాంస‌న్ ఆగ్ర‌హాన్ని వ్య‌క్తం చేశాడు. స్నేహితులు ఇలాంటివి చేస్తే బాగుంటుంది. టీమ్‌లు మాత్రం ప్రొఫెష‌న‌ల్‌గా ఉండాలి అంటూ ట్విట్ట‌ర్‌లో పోస్ట్ పెట్టాడు. అంతేకాకుండా తన ట్వీట్ కు రాజస్థాన్ రాయల్స్ ట్విట్టర్ అకౌంట్ ను జోడించాడు. అక్క‌డితో ఆగ‌కుండా రాజ‌స్థాన్ రాయ‌ల్స్ ట్విట్ట‌ర్ ఖాతాను అన్‌ఫాలో చేశాడు. ఈ మార్ఫింగ్ ఫొటోపై యాజ‌మాన్యానికి అత‌డు కంప్లైంట్ చేసిన‌ట్లు తెలిసింది. అత‌డి రియాక్ష‌న్ కు వెంటనే స్పందించిన వారు ఆ ట్వీట్‌ను తొల‌గించారు. ఈ వ్య‌వ‌హారం సోష‌ల్ మీడియాలో హాట్‌టాపిక్‌గా మారింది.

ఈ ఐపీఎల్ సీజ‌న్‌లో తొలి మ్యాచ్‌లో స‌న్‌రైజ‌ర్స్ హైద‌రాబాద్‌తో రాజ‌స్థాన్ రాయ‌ల్స్ త‌ల‌ప‌డ‌బోతున్న‌ది. మంగ‌ళ‌వారం ఈ మ్యాచ్ జ‌రుగ‌నున్న‌ది.