Virat Kohli Odi Rankings: ఐసీసీ వన్డే ర్యాంకింగ్స్ - టాప్ ఫైవ్‌లోకి దూసుకెళ్లిన కోహ్లి

Virat Kohli Odi Rankings: ఐసీసీ తాజాగా విడుద‌ల‌చేసిన వ‌న్డే ర్యాంకింగ్స్‌లో విరాట్ కోహ్లి టాప్ ఫైవ్‌లోకి దూసుకొచ్చాడు. శ్రీలంక‌తో సిరీస్‌లో అద‌ర‌గొట్టిన కోహ్లి వ‌న్డే ర్యాకింగ్స్‌లో బ్యాట్స్‌మెన్ జాబితాలో నాలుగో స్థానాన్ని ద‌క్కించుకున్నాడు. శ్రీలంక‌తో జ‌రిగిన మూడు మ్యాచ్‌ల వ‌న్డే సిరీస్‌లో కోహ్లి 283 ప‌రుగుల‌తో టాప్ స్కోర‌ర్‌గా నిలిచాడు.

మూడో వ‌న్డేలో 166 ప‌రుగుల‌తో స‌త్తా చాటాడు. సూప‌ర్ ఫామ్‌లో ఉన్న కోహ్లి వ‌న్డే ర్యాంకింగ్స్‌లో 750 పాయింట్ల‌తో నాలుగో స్థానానికి చేరుకున్నాడు. ప్ర‌స్తుతం 887 పాయింట్ల‌తో బాబ‌ర్ ఆజామ్ ఫ‌స్ట్ ప్లేస్‌లో ఉన్నాడు. 766 పాయింట్ల‌తో సౌతాఫ్రికా క్రికెట‌ర్ వాండ‌ర్ డుసెన్ రెండో స్థానంలో 759 పాయింట్ల‌తో డికాక్ మూడో స్థానంలో ఉన్నాడు.

747 పాయింట్ల‌తో డేవిడ్ వార్న‌ర్ ఐదో స్థానంలో నిలిచాడు. శ్రీలంకతో మూడో వ‌న్డేలో సెంచ‌రీతో ఆక‌ట్టుకున్న శుభ్‌మ‌న్ గిల్ వ‌న్డే ర్యాంకింగ్స్‌లో 26వ స్థానాన్ని ద‌క్కించుకున్నాడు.

సిరాజ్‌కు థర్డ్ ప్లేస్‌

శ్రీలంక సిరీస్‌లో బౌలింగ్‌లోనూ రాణించిన టీమ్ ఇండియా పేస‌ర్ మ‌హ్మ‌ద్ సిరాజ్ కెరీర్‌లో అత్యుత్త‌మ ర్యాంక్‌ను ద‌క్కించుకున్నాడు. వ‌న్డే ర్యాంకింగ్స్ బౌల‌ర్ల జాబితాలో 685 పాయింట్ల‌తో మూడో స్థానానికి చేరుకున్నాడు.ప‌దిహేను స్థానాల‌ను మెరుగుప‌రుచుకొని స‌త్తా చాటాడు.

బౌల‌ర్ల జాబితాలో న్యూజిలాండ్ పేస‌ర్ ట్రెంట్ బౌల్ట్ ఫ‌స్ట్ ప్లేస్‌లో జోస్ హెజిల్‌వుడ్ రెండో స్థానంలో నిలిచారు. బౌల‌ర్ల జాబితాలో కుల్దీప్ యాద‌వ్ 21వ స్థానంలో నిలిచాడు.