Commonwealth Games 2022: బాక్సింగ్ లో స్వర్ణం గెలిచిన నిఖత్ జరీన్

ఉమెన్స్ యాభై కేజీల విభాగంలో ఇండియన్ బాక్సర్ నిఖత్ జరీన్ గోల్డ్ మెడల్ గెలుచుకుంది. ఆదివారం జరిగిన మహిళల యాభై కేజీల లైట్ ఫ్లై వెయిట్ విభాగం ఫైనల్ లో నార్త్ ఐర్లాండ్ బాక్సర్ కార్లే మెక్ నాల్ పై 5 0 తేడాతో నిఖత్ జరీన్ విజయాన్ని అందుకున్నది.

తొలి రౌండ్ నుండి మెక్ నాల్ పై నిఖత్ జరీన్ పూర్తిగా ఆధిపత్యం చెలాయించింది. ఈ ఏడాది వరల్డ్ బాక్సింగ్ ఛాంపియన్ షిప్ టైటిల్ గెలుచుకున్న నిఖత్ తాజాగా కామన్వెల్త్ లో గోల్డ్ మెడల్ దక్కించుకొని చరిత్రను సృష్టించింది. ఆదివారం రోజు బాక్సింగ్ లో ఇండియాకు ఇది మూడో గోల్డ్ మెడల్. అమిత్ పంఘల్, నీతు తర్వాత నిఖత్ జరీన్ కూడా గోల్డ్ మెడల్ సొంతం చేసుకున్నది.