IND vs ENG: బెయిర్ స్టో హాఫ్ సెంచరీ పూర్తి...మరో వికెట్ కోల్పోయిన ఇంగ్లాండ్...

ఇంగ్లాండ్ తో జరుగుతున్న ఐదో టెస్ట్ లో టీమ్ ఇండియా జోరుకు బెయిర్ స్టో అడ్డుకట్ట వేశాడు. 84 పరుగుల వద్ద మూడో రోజు ఇన్నింగ్స్ ను ప్రారంభించిన ఇంగ్లాండ్ కు బెయిర్ స్టో తో పాటు కెప్టెన్ స్టోక్స్ నిలకడగా ఆడి స్కోరును 150 పరుగులు దాటించారు. ఈ క్రమంలో ధాటిగా ఆడిన బెయిర్ స్టో హాఫ్ సెంచరీ పూర్తి చేసుకున్నాడు. ఎనబై బంతుల్లోనే ఏడు ఫోర్లతో 50 రన్స్ చేశాడు.

ప్రమాదకరంగా మారిన ఈ జోడిని శార్దూల్ ఠాకూర్ విడదీశాడు. అంతకు ముందు స్టోక్స్ ఇచ్చిన రెండు క్యాచ్ లను మిస్ చేశాడు బుమ్రా. మూడోసారి అతడికే క్యాచ్ ఇచ్చిస్టోక్స్ వెనుదిరిగాడు. 36 బాల్స్ లో 24 పరుగులు మాత్రమే చేసి ఔటయ్యాడు. భారత బౌలర్ల జోరు చూస్తే ఈ రోజు ఇంగ్లాండ్ ఆలౌట్ అయ్యేలా కనిపిస్తోంది. ప్రస్తుతం ఆరు వికెట్లనష్టానికి 159 పరుగులు చేసింది ఇంగ్లాండ్. బెయిర్ స్టో 55, బిల్లింగ్స్ 5 పరుగులతో క్రీజులో ఉన్నారు.

భారత బౌలర్లలో కెప్టెన్ బుమ్రా మూడు వికెట్లు, షమీ, శార్దూల్, సిరాజ్ తలో ఒక్క వికెట్ దక్కించుకున్నారు. అంతకుముందు తొలి ఇన్నింగ్స్ లో భారత్ 416 పరుగులు చేసింది పంత్ 146, జడేజా 104 రన్స్ చేశారు. ఇప్పటికే ఈ సిరీస్ లో టీమ్ ఇండియా 2 1 ఆధిక్యంలో ఉంది. ఈ నేపథ్యంలో ఈ మ్యాచ్ గెలిచి ఆధిక్యతను పెంచుకోవాలని ప్రయత్నిస్తోంది.