Afg vs Ban: ఆఫ్ఘనిస్థాన్ సంచలనం.. బంగ్లాను చిత్తు చేసి సూపర్ ఫోర్‌లోకి..
30 August 2022, 22:45 IST
- Afg vs Ban: ఆఫ్ఘనిస్థాన్ సంచలనం సృష్టించింది. బంగ్లాదేశ్‌ను చిత్తు చేసి ఆసియా కప్‌ 2022లో సూపర్ ఫోర్‌లోకి అడుగు పెట్టిన తొలి టీమ్‌గా నిలిచింది.
ఆఫ్ఘనిస్థాన్ కు సంచలన విజయం అందించిన నజీబుల్లా, ఇబ్రహీం
Afg vs Ban: ఆసియా కప్‌ 2022 సూపర్ ఫోర్‌లో అడుగుపెట్టిన తొలి టీమ్‌గా నిలిచింది ఆఫ్ఘనిస్థాన్. ఈ టోర్నీ తొలి మ్యాచ్‌లో శ్రీలంకకు షాకిచ్చిన ఆ టీమ్.. మంగళవారం (ఆగస్ట్‌ 30) బంగ్లాదేశ్‌తో జరిగిన మ్యాచ్‌లోనూ సంచలన విజయం సాధించింది. అసలు ఆశలే లేని స్థితి నుంచి మరో 9 బాల్స్‌ మిగిలి ఉండగానే.. 128 రన్స్‌ టార్గెట్‌ను 3 వికెట్లు కోల్పోయి చేజ్‌ చేసింది.
Chess Player Gukesh: చరిత్ర సృష్టించిన యువ చెస్ ప్లేయర్ గుకేశ్.. 17 ఏళ్ల వయసులోనే క్యాండిడేట్స్ గెలిచి..
WrestleMania XL: రోమన్ రీన్స్‌ను ఓడించిన కోడీ రోడ్స్.. రెజిల్‌మేనియా ఎక్స్ఎల్ నైట్‌లో సంచలనం
Achanta Sharath Kamal: పారిస్ ఒలింపిక్స్‌లో ప‌తాక‌ధారిగా శ‌ర‌త్ క‌మ‌ల్ - టీమ్ మెంట‌ర్‌గా మేరీ కోమ్‌
PV Sindhu: ఆల్ ఇంగ్లండ్ ఓపెన్ బ్యాడ్మింటన్ రెండో రౌండ్లోనే పీవీ సింధు ఓటమి.. వరల్డ్ నంబర్ వన్ చేతుల్లో..
ఆఫ్ఘన్‌ బ్యాటర్లు నజీబుల్లా, ఇబ్రహీం జద్రాన్‌ సంచలన ఇన్నింగ్స్‌ ఆడారు. ఈ ఇద్దరూ కలిసి నాలుగో వికెట్‌కు 36 బాల్స్‌లోనే అజేయంగా 69 రన్స్‌ జోడించడం విశేషం. సిక్సర్లతో విరుచుకుపడిన నజీబుల్లా కేవలం 17 బాల్స్‌లోనే 6 సిక్స్‌లు, ఒక ఫోర్‌తో 43 రన్స్‌ చేశాడు. అటు ఇబ్రహీం 41 బాల్స్‌లో 42 రన్స్‌ చేసి అజేయంగా నిలిచాడు.
128 రన్స్‌ చేజింగ్‌లో ఒక దశలో 13 ఓవర్లలో 3 వికెట్లు కోల్పోయి 62 రన్స్‌ మాత్రమే చేసింది. ఈ దశలో బంగ్లాదేశ్‌ గెలవడం ఖాయంగా కనిపించింది. కానీ ఈ ఇద్దరూ మ్యాచ్‌ను మలుపు తిప్పారు. సిక్సర్లతో విరుచుకుపడిన నజీబుల్లా.. బంగ్లా బౌలర్లకు చుక్కలు చూపించాడు. ఆ టీమ్ స్టార్‌ బౌలర్‌ ముస్తఫిజుర్‌ రెహమాన్‌ వేసిన 17వ ఓవర్లోనూ రెండు సిక్సర్లు బాదాడు.
రషీద్, ముజీబ్ సూపర్ బౌలింగ్
అంతకుముందు ఆఫ్ఘనిస్థాన్.. బంగ్లాదేశ్‌ను కట్టడి చేసింది. టాస్‌ గెలిచి బ్యాటింగ్‌ ఎంచుకున్న బంగ్లాదేశ్‌.. ఆఫ్ఘన్‌ బౌలర్ల దాటికి 20 ఓవర్లలో 7 వికెట్లకు 127 రన్స్‌ మాత్రమే చేసింది. ఆఫ్ఘన్‌ బౌలర్లు ముజీబ్, రషీద్ ఖాన్‌లు మూడేసి వికెట్లు తీసుకున్నారు. ముఖ్యంగా ముజీబ్ 4 ఓవర్లలో కేవలం 16 రన్స్‌ ఇచ్చి 3 వికెట్లు పడగొట్టడం విశేషం.
అటు రషీద్ కూడా 4 ఓవర్లలో 22 రన్స్‌ ఇచ్చి 3 వికెట్లు తన ఖాతాలో వేసుకున్నాడు. ఒక దశలో బంగ్లాదేశ్‌ 28 రన్స్‌ కే 4 వికెట్లు కోల్పోయింది. అయితే చివర్లో మొసద్దక్‌ హుస్సేన్‌ మెరుపులతో బంగ్లా ఆ మాత్రం స్కోరైనా సాధించింది. హుస్సేన్‌ 31 బాల్స్‌లోనే 4 ఫోర్లు, 1 సిక్స్‌తో 48 రన్స్‌ చేశాడు. ఇక మహ్మదుల్లా 25, మెహదీ హసన్ 14, అఫిఫ్‌ హుస్సేన్‌ 11 రన్స్‌ చేశారు.
సీనియర్లు అయిన కెప్టెన్‌ షకీబుల్ హసన్ (11), ముష్ఫికర్‌ రహీమ్‌ (1) విఫలమయ్యారు. ఆసియా కప్‌లో గ్రూప్‌ బిలో ఈ రెండు టీమ్స్‌ ఉన్నాయి. ఇప్పటికే తొలి మ్యాచ్‌లో శ్రీలంకను సులువుగా చిత్తు చేసి కాన్ఫిడెంట్‌గా ఉన్న ఆఫ్ఘనిస్థాన్ ఈ మ్యాచ్‌లోనూ విజయంపై కన్నేసింది. ఇందులో గెలిస్తే ఆ టీమ్ సూపర్ ఫోర్‌ చేరిన తొలి టీమ్ అవుతుంది.