Lakshmi narayana yoga: శుక్ర సంచారంతో లక్ష్మీ నారాయణ యోగం.. ఈ రాశుల జాతకులకు శుభ ఘడియలు

Lakshmi narayana yoga: కొత్త సంవత్సరంలో పెద్ద గ్రహాలన్నీ తమ రాశి చక్రాలు మార్చుకోబోతున్నాయి. జ్యోతిష్య శాస్త్రం ప్రకారం గ్రహాలన్నీ ఒక నిర్ధిష్ట సమయం తర్వాత రాశి చక్రం మార్చుకుంటున్నాయి. సంపద, సౌభాగ్యం, సంతోషానికి ప్రతీకగా శుక్రుడు నిలుస్తాడు. జనవరి 18న శుక్రుడు ధనుస్సు రాశిలో సంచరించబోతున్నాడు. గ్రహాల రాకుమారుడు బుధుడు ఇప్పటికే ఈ రాశిలో ఉన్నాడు. ఫిబ్రవరి 12 వరకు ఈ రాశిలోనే ఈ రెండు గ్రహాలు ఉండబోతున్నాయి.

శుక్రుడు, బుధుడి కలయిక వాలల అద్భుతమైన లక్ష్మీ నారాయణ యోగం ఏర్పడబోతుంది. కొన్ని రాశుల వాళ్ళు ఈ శుభయోగం వల్ల ప్రయోజనాలు పొందబోతున్నారు. ధనుస్సులో శుక్ర సంచార ప్రభావం పన్నెండు రాశుల మీద ప్రభావం చూపనుంది. అయితే కొన్ని రాశుల మీద శుభ ప్రయోజనం కలగబోతుంటే మరికొన్ని రాశుల వారికి అశుభ ఫలితాలు ఎదురుకాబోతున్నాయి. ఏయే రాశుల వారికి ఎలాంటి ఫలితాలు ఉంటాయో చూద్దాం.

మేష రాశి

ధార్మిక కార్యక్రమాల పట్ల ఆసక్తి కనబరుస్తారు. ఆదాయానికి నూతన మార్గాలు ఏర్పడతాయి. ధన ప్రవాహం పెరుగుతుంది. ఇంట్లో శుభకార్యాలు జరుగుతాయి. వైవాహిక జీవితంలో సమస్యలు తొలగిపోతాయి. ఇంట్లో సంతోషకరమైన వాతావరణం నెలకొంటుంది.

వృషభ రాశి

శుక్రుని మార్పు వృషభ రాశి వారి జీవితంలో అనేక ఒడిదుడుకులు తీసుకొస్తుంది. సమాజంలో గౌరవం పెరుగుతుంది కానీ రాజకీయాల వల్ల మనసు ఆందోళన చెందుతుంది. మనసులో ఏదో తెలియని భయంతో కలవరపడతారు. భూమి లేదా వాహనాన్ని కొనుగోలు చేస్తారు. ఆరోగ్యం విషయంలో జాగ్రత్తగా ఉండాలి.

మిథునం

వైవాహిక జీవితం సంతోషంగా ఉంటుంది. ఉద్యోగంలో ఉన్నతాధికారుల సహకారం లభిస్తుంది. శత్రువులని ఓడిస్తారు. దీర్ఘకాలంగా పెండింగ్ లో ఉన్న పనులు విజయవంతం అవుతాయి. విద్యార్థులు పోటీ పరీక్షల్లో విజయం సాధిస్తారు.

కర్కాటకం

మీ జీవితం సుఖంగా ఉంటుంది. కానీ తెలియని భయం మనసుని కుదురుగా ఉండనివ్వదు. ఆర్థిక పరిస్థితి బలపడుతుంది. కష్టపడితే మీరు కోరుకున్న విధంగా విజయం సాధిస్తారు.

సింహ రాశి

సంతానం వైపు నుంచి శుభవార్తలు వింటారు. కెరీర్ లో విజయాలు పొందుతారు. కుటుంబ సభ్యుల మద్ధతు లభిస్తుంది. ఇంట్లో ధార్మిక కార్యక్రమాలు నిర్వహించడం వల్ల సంతోషకరమైన వాతావరణం నెలకొంటుంది. విద్యార్థులకి ఇది శుభ సమయం.

కన్య

బంధుమిత్రుల నుంచి మద్దతు లభిస్తుంది. సంపద పెరిగే అవకాశం ఉంది. వ్యాపారంలో విజయం సాధిస్తారు. వస్తు సంపద పెరుగుతుంది. శత్రువు మీద పైచేయి సాధిస్తారు.

తులా రాశి

మాటల్లో మాధుర్యం ఉంటుంది. మీరు ఇతరులని ఆకర్షిస్తారు. కుటుంబ సభ్యులతో కలిసి పుణ్యక్షేత్రాన్ని సందర్శిస్తారు. సంపదని పొందే అవకాశాలు ఎక్కువగా ఉన్నాయి. విద్యార్థులు పరీక్షల్లో మంచి ఫలితాలు సాధిస్తారు. ఎవరినీ గుడ్డిగా నమ్మొద్దు. మోసపోయే అవకాశం ఉంది.

వృశ్చికం

చాలాకాలంగా నిలిచిపోయిన డబ్బు తిరిగి వస్తుంది. పని, వ్యాపారంలో పురోగతి సాధిస్తారు. ఆరోగ్యం పట్ల అశ్రద్ధ వద్దు. అపోహలు తొలగిపోయి దాంపత్య జీవితం మధురంగా ఉంటుంది.

ధనుస్సు రాశి

జీవితంలో ఒడిదుడుకులు ఎదుర్కొంటారు. ఉద్యోగులకి పదోన్నతి అవకాశాలు ఉన్నాయి. కానీ ఒత్తిడి కూడా పెరుగుతుంది. పిల్లల వైపు నుంచి శుభవార్తలు అందుకుంటారు. మీ ఆలోచనల గురించి ఎవరితోనూ చర్చించకండి.

మకరం

ఆర్థిక విషయాల్లో ఇబ్బందులు ఎదురవుతాయి. వివాహం అలస్యమవుతుంది. అత్తమామల వైపు నుంచి సమస్యలు పెరుగుతాయి. మితిమీరిన ఖర్చుల వల్ల మనసు కలత చెందుతుంది. ఆరోగ్యం పట్ల శ్రద్ధ వహించాలి.

కుంభం

కార్యాలయంలో ఉన్నతాధికారుల నుంచి సహాయ సహకారాలు అందుతాయి. కెరీర్ లో ఆశించిన విజయం అందుకుంటారు. న్యాయపరమైన విషయాల్లో విజయం సాధిస్తారు. సంతానం వైపు నుంచి శుభవార్తలు వింటారు. విద్యార్థులకి ఇది మంచి సమయం.

మీనం

వస్తు సంపద పెరుగుతుంది. ఆఫీసులో కొత్త వ్యక్తులని కలుసుకుంటారు. ఉద్యోగ, వ్యాపారాలలో అనుకూల వాతావరణం నెలకొంటుంది. అధికారుల నుంచి పూర్తి మద్దతు ఉంటుంది. మీ పనికి ప్రశంసలు లభిస్తాయి. సమాజంలో గౌరవం పెరుగుతుంది.