Rahu Gochar: కుంభ రాశిలో రాహు గోచారం.. ఈ రాశి వారికి ఆనందానికి అవధులు ఉండవు

రాహు గోచారం 2024: జ్యోతిషశాస్త్రంలో రాహువును అంతుచిక్కని, పాపభరిత గ్రహంగా పరిగణిస్తారు. దుష్టగ్రహంగా చెప్పుకునే రాహు ప్రతిసారి తిరోగమనంలో సంచరిస్తుంటారు. రాహువు అశుభ, నీడ గ్రహంగా పరిగణిస్తారు. గ్రహాలలో రాహువు, కేతువులు తిరోగమన దిశలో ప్రయాణించగలరు. ఆ విధంగా రాహువు, కేతువు ఒక రాశి నుండి మరొక రాశికి మారడానికి 18 నెలలు పడుతుంది. రాహువు తన ముందున్న రాశిలోకి కాకుండా వెనకున్న రాశిలోకి తన గోచారాన్ని మారుస్తాడు. ఏడాదిన్నరకు ఒక సారి రాహువు తన రాశిని మారుస్తాడు. వచ్చే ఏడాది శని రాశిలోకి రాహువు రాబోతున్నాడు. రాహువు ప్రస్తుతం మీన రాశిలో ఉన్నాడు. వచ్చే ఏడాది అంటే 2025లో తిరిగి కుంభ రాశిలోకి ప్రవేశిస్తాడు. రాహువు మహాదశ కూడా 18 సంవత్సరాలు ఉంటుంది. రాహువు 18 నెలల పాటు అదే రాశిలో ఉంటాడు. గతంలో 2023 అక్టోబర్‌లో రాహువు మీన రాశిలోకి ప్రవేశించాడు. 2024లో రాహువు రాశిలో ఎలాంటి మార్పు లేదు. 2025 సంవత్సరంలో రాహువు కుంభ రాశిలోకి ప్రవేశిస్తాడు. రాహువు కుంభ రాశిలోకి ప్రవేశించడంతో కొన్ని రాశుల వారికి అదృష్టం కలిసివచ్చి అంతులేని ఆనందాన్ని, అదృష్టాన్ని తెచ్చిపెడుతుంది.

రాహు సంచారం సమయం:

2025 సంవత్సరంలో రాహువు మీనం నుండి మే 18 సాయంత్రం 05:08 గంటలకు బయలుదేరి కుంభ రాశిలోకి ప్రవేశిస్తాడు.

కుంభ రాశిలో రాహు సంచారం ఏ రాశి వారికి ఎలా కలిసొస్తుంది:

1. ధనుస్సు రాశి : జ్యోతిష్య శాస్త్రం ప్రకారం, ధనుస్సు రాశి వారికి రాహువు మూడవ ఇంట్లో సంచరిస్తాడు. శని సొంత రాశి అయిన కుంభ రాశిలో రాహు సంచరించడం ధనుస్సు రాశి వారికి చాలా ప్రయోజనకరంగా ఉంటుంది. ఇప్పటి వరకు కొనసాగిన ఆర్థిక ఇబ్బందులు తొలగుతాయి. ధన సంబంధ విషయాల్లో చక్కడి ఉపశమనం లభిస్తుంది. వ్యాపారులకు పురోభివృద్ధి మార్గాలు తెరుచుకుంటాయి. ఉపాధిలో పురోగతికి మార్గం సుగమం అవుతుంది. ఆత్మవిశ్వాసం పెరుగుతుంది. అదృష్టవశాత్తూ, ఆగిపోయిన పనులలో విజయం సాధిస్తారు. జీవిత భాగస్వామి నుంచి మద్దతు లభిస్తుంది. ఆరోగ్యం విషయంలో ఎలాంటి ఇబ్బందులు ఉండవు. ఆనందంగా జీవిస్తారు.

2. కన్యారాశి : కన్యారాశి మొదటి ఇంట్లో రాహువు సంచారం చేస్తాడు. కన్య రాశి వారి ఆరోగ్యానికి సంబంధించిన సమస్యలు తొలగుతాయి. సహోద్యోగుల సహాయంతో, ఏదైనా ముఖ్యమైన ప్రాజెక్టులలో విజయం సాధిస్తారు. న్యాయబద్ధమైన పనుల్లో తప్పకుండా విజయం సాధిస్తారు. ఆర్థికంగా మీరు మంచి స్థితిలో ఉంటారు. పిల్లల వైపు నుంచి కూడా పరిస్థితి మెరుగుపడుతుంది. ప్రేమ జీవితం మెరుగ్గా ఉంటుంది. వ్యాపారంలో లాభం పెరుగుతుంది. కుటుంబ సభ్యులతో ఆనందంగా గడుపుతారు. ఆరోగ్యం పరంగా ఎలాంటి సందేహాలు ఉండవు. కుటుంబంలో ఎలాంటి కలహాలు ఉండవు. అన్ని విధాలా సంతోషంగా ఉంటారు.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.