Lakshmi narayana yoga: లక్ష్మీ నారాయణ యోగం.. సంక్రాంతి తర్వాత ఈ రాశుల వారికి గోల్డెన్ డేస్ మొదలవుతాయి

Lakshmi narayana yoga: గ్రహాల మార్పు కారణంగా శుభ యోగాలు, అశుభ యోగాలు ఏర్పడుతూ ఉంటాయి. జనవరి నెలలో మూడు పెద్ద గ్రహాలు తమ రాశి చక్రాలని మార్చుకోబోతున్నాయి. దీని వల్ల సంక్రాంతి పండుగ తర్వాత కొన్ని రాశుల వారికి అదృష్టం పట్టబోతుంది.

జనవరి నెలలో సూర్యుడు, బుధుడు, శుక్ర గ్రహాలు తమ రాశి చక్రాలని మారుస్తున్నాయి. 2024 జనవరి 7 న బుధుడు వృశ్చిక రాశి నుంచి ధనస్సు రాశిలోకి ప్రవేశిస్తున్నాడు. అటు శుక్రుడు కూడా ఇదే రాశిలోకి రానున్నాడు. జనవరి 18 న అసురుల అధిపతి శుక్రుడు ధనస్సులోకి వస్తాడు. సంపద, విలాసం, శ్రేయస్సు, వైవాహిక సంతోషం, ఆనందం, గౌరవం వంటి వాటికి శుక్రుడు కారకుడిగా ఉంటాడు. నవ గ్రహాలలో అత్యంత ప్రకాశవంతమైన గ్రహం శుక్ర గ్రహం. గ్రహాల యువరాజు బుధుడు వ్యాపారం, తెలివితేటలు, వాక్కు, తర్కం, ఆలోచనలకి కారకుడు. సూర్యుడికి అతి దగ్గరగా ఉండే గ్రహాలలో బుధుడు ఒకడు.

బుధుడు, శుక్రుడు కలయిక వల్ల లక్ష్మీ నారాయణ యోగం ఏర్పడబోతుంది. ఈ శుభ యోగం వల్ల కొత్త సంవత్సరం కొన్ని రాశులకి అంతా శుభమే జరగనుంది. లక్ష్మీ నారాయణ యోగం వల్ల ఏయే రాశులకి ఎటువంటి ఫలితం కలుగుతుందో తెలుసుకుందాం.

మేష రాశి

లక్ష్మీ నారాయణ యోగం వల్ల మేష రాశి వాళ్ళు శుభ ఫలితాలు పొందబోతున్నారు. వృత్తిలో నూతన విజయాలు సాధిస్తారు. వీరి రొమాంటిక్ లైఫ్ అద్భుతంగా ఉంటుంది. నూతన ఆదాయ మార్గాలు లభిస్తాయి. శ్రమకి తగిన ఫలితం దక్కుతుంది. వైవాహిక జీవితంలో సంతోషకరమైన వాతావరణం నెలకొంటుంది. ఉద్యోగ, వ్యాపారాలలో పురోభివృద్ధికి నూతన అవకాశాలు లభిస్తాయి.

సింహ రాశి

జనవరి నెలలో ఏర్పడబోతున్న లక్ష్మీ నారాయణ యోగం వల్ల సింహ రాశి కలిగిన ఉద్యోగస్థులకి ఇది శుభ సమయం. ఆఫీసులో మీకు మంచి గుర్తింపు లభిస్తుంది. ఉద్యోగం కోసం ఎదురుచూస్తున్న నిరుద్యోగులకు ఉద్యోగం దొరుకుంటుంది. వ్యక్తిగత జీవితంలో ఆనందం, శాంతి ఉంటుంది. ఆర్థిక పరిస్థితి మునుపటి కంటే మెరుగ్గా ఉంటుంది. సంతోషకరమైన జీవితాన్ని గడుపుతారు.

కన్య

కన్యారాశి వారికి లక్ష్మీ నారాయణ యోగం వల్ల జనవరి నెల నుంచి మంచి రోజులు మొదలవుతాయి. ఆర్థిక విషయాల్లో మీకు అదృష్టం సహకరిస్తుంది. విజయాలు మిమ్మల్ని వరిస్తాయి. ఉద్యోగం మారాలని అనుకునే వారికి ఈ నెల సువర్ణావకాశాలు లభిస్తాయి. భాగస్వామి సహకారం మీకు ఉంటుంది. సౌకర్యవంతమైన జీవితం పొందుతారు.

తుల రాశి

శుక్రుడి అనుగ్రహంతో మీలో ఆత్మవిశ్వాసం రెట్టింపు అవుతుంది. సానుకూల దృక్పథంతో ముందుకు నడవండి అంతా మంచే జరుగుతుంది. భాగస్వామ్య వ్యాపారాల్లో మంచి లాభాలు గడిస్తారు. దీర్ఘకాలిక అనారోగ్య సమస్యల నుంచి ఉపశమనం పొందుతారు. ధార్మిక కార్యక్రమాల్లో పాల్గొంటారు.

కుంభం

శుక్ర సంచార ప్రభావం వల్ల కుంభ రాశి జాతకులు భౌతిక సంపద పెరుగుతుంది. నూతన ఆదాయ మార్గాలు మీకు లభిస్తాయి. కోర్టు కేసుల్లో విజయం సాధిస్తారు. వృత్తి జీవితంలో సరికొత్త విజయాలు చేరుకుంటారు. మీ కలలు నిజం చేసుకునేందుకు అనువైన సమయం.