Sex partners : పురుషుల కన్నా మహిళలకే ‘సెక్స్​ పార్ట్​నర్​లు' ఎక్కువ!

Sex partners for women : దేశంలోని 11 రాష్ట్రాలు/కేంద్ర పాలిత ప్రాంతాల్లో.. సగటున పురుషుల కన్నా మహిళలకే ఎక్కువ మంది సెక్స్​ పార్ట్​నర్​లు ఉన్నారు. అయితే.. భార్యలు, సహజీవనం చేస్తున్న మహిళలు కాకుండా.. ఇతరులతో శృంగారంలో పాల్గొన్న పురుషుల సంఖ్య ఎక్కువగా ఉంది. పురుషులు 4శాతంగా ఉండగా.. ఇదే విషయంలో మహిళల శాతం 0.5గా ఉంది. ఈ వివరాలను నేషనల్​ ఫ్యామిలీ హెల్త్​ సర్వే(ఎన్​ఎప్​హెచ్​ఎస్​) వెల్లడించింది.

1.1లక్షల మంది మహిళలు, 1 లక్షమంది పురుషులపై ఈ సర్వే జరిగింది. అనేక రాష్ట్రాల్లో.. పురుషుల కన్నా మహిళలకే సగటున సెక్స్​ పార్ట్​నర్​లు ఎక్కువగా ఉన్నారని తేలింది.

రాజస్థాన్​, హరియాణా, ఛండీగఢ్​, జమ్ముకశ్మీర్​, లద్దాఖ్​, మధ్యప్రదేశ్​, అసోం, కేరళ, లక్ష్యద్వీప్​, పుదుచ్చేరి, తమిళనాడులో పురుషుల కన్నా మహిళలకే సెక్స్​ పార్ట్​నర్​లు ఎక్కువగా ఉన్నారు. ఈ జాబితాలో రాజస్థాన్​ టాప్​లో ఉంది. అక్కడ సెక్స్​ పార్ట్​నర్ల ఎక్కువగా ఉన్న మహిళల సగటు 3.1గా ఉంది. అదే రాజస్థాన్​ పురుషుల్లో అది 1.8గా ఉంది.

కానీ ఇతరులతో శృంగారం విషయంలో పురుషులే టాప్​లో ఉన్నారు. భార్యలు, సహజీనం చేస్తున్న వారు కాకుండా.. ఇతరులతో శృంగారంలో పాల్గొంటున్న పురుషుల సగటు మహిళల కన్నా చాలా ఎక్కువగా ఉంది.

నేషనల్​ ఫ్యామిలీ హెల్త్​ సర్వే-5.. 2019-21 మధ్యలో జరిగింది. దేశంలోని 28 రాష్ట్రాలు, కేంద్రపాలిత ప్రాంతాల్లోని 707 జిల్లాల్లో సర్వే చేపట్టారు.