SSC MTS results : ఎస్ఎస్సీ ఎంటీఎస్ ఫలితాల వెల్లడి

స్టాఫ్ సెలెక్షన్ కమిషన్ మే, జూన్ నెలల్లో రెండు ఫేజ్ ల్లో మల్టీ టాస్కింగ్ స్టాఫ్ (నాన్ టెక్నికల్), హవల్దార్ (సీబీఐసీ, సీబీఎన్) ఉద్యోగాల భర్తీ కోసం పరీక్షలను నిర్వహించింది. మే 2 వ తేదీ నుంచి మే 19 వరకు ఫేజ్ 1, జూన్ 13 నుంచి జూన్ 20 వరకు ఫేజ్ 2 పరీక్షలను నిర్వహించింది. దేశవ్యాప్తంగా వివిధ కేంద్రాల్లో ఈ కంప్యూటర్ బేస్డ్ పరీక్షను ఎస్ఎస్సీ నిర్వహించింది.

ఫలితాల వెల్లడి..

ఎంటీఎస్, హవల్దార్ 2023 పరీక్షల ఫలితాలను శనివారం ఎస్ఎస్సీ విడుదల చేసింది. అభ్యర్థులు తమ ఫలితాలను ఎస్ఎస్సీ అధికారిక వెబ్ సైట్ ssc.nic.in. లో చెక్ చేసుకోవచ్చు. ఈ పరీక్షలో హవల్దార్ పోస్ట్ లకు మొత్తం 3015 మంది ఉత్తీర్ణులయ్యారు. వారు శారీరక ధారుడ్య పరీక్షలకు హాజరు కావాల్సి ఉంటుంది.

How to check marks: రిజల్ట్ ఇలా చెక్ చేసుకోండి

• ఎస్ఎస్సీ ఎంటీఎస్, హవల్దార్ పరీక్ష రాసిన అభ్యర్థులు తమ రిజల్ట్ ను చెక్ చేసుకోవడానికి ముందుగా..
• ఎస్ఎస్సీ అధికారిక వెబ్ సైట్ ssc.nic.in. ను ఓపెన్ చేయాలి.
• హోం పేజీలో కనిపించే రిజల్ట్ ట్యాబ్ పై క్లిక్ చేయాలి.
• SSC MTS results 2023 లింక్ పై క్లిక్ చేయాలి
• కొత్త పీడీఎఫ్ ఫైల్ ఓపెన్ అవుతుంది.
• అందులో ఉత్తీర్ణులైన వారి హాల్ టికెట్ నంబర్స్ ఉంటాయి.
• హాల్ టికెట్ నంబర్ తో రిజల్ట్ చెక్ చేసుకోండి.
• భవిష్యత్ అవసరాల కోసం రిజల్ట్ పేజీని డౌన్ లోడ్ చేసుకుని, ప్రింట్ తీసుకోండి.