Sharad Pawar receives love letter | నాకు ల‌వ్ లెట‌ర్ వ‌చ్చింది: శ‌ర‌ద్ ప‌వార్‌

నేష‌న‌లిస్ట్ కాంగ్రెస్ పార్టీ చీఫ్ శ‌ర‌ద్ ప‌వార్‌. ఆ పార్టీ ఇన్నాళ్లు అధికారంలో ఉన్న మ‌హా వికాస్ అఘాడీ`లో భాగ‌స్వామ్య పార్టీ. ఆ కూట‌మి అధికారం కోల్పోయి, బీజేపీతో క‌లిసి శివ‌సేన తిరుగుబాటు వ‌ర్గం అధికారంలోకి వ‌చ్చిన విష‌యం తెలిసిందే. ఈ నేప‌థ్యంలో.. తాజాగా, ఎన్సీపీ చీఫ్ ప‌వార్‌కు ప్రేమ‌లేఖ వ‌చ్చింది.

ఐటీ నుంచి ల‌వ్ లెట‌ర్‌

ఆదాయ ప‌న్ను శాఖ నుంచి త‌న‌కు ల‌వ్ లెట‌ర్ వ‌చ్చింద‌ని శ‌ర‌ద్ ప‌వార్ వ్యాఖ్యానించారు. ఐటీ శాఖ నుంచి వ‌చ్చిన నోటీసు గురించి ఆయ‌న అలా వ్యంగ్యంగా వ్యాఖ్యానించారు. `నాకు ఒక ల‌వ్‌లెట‌ర్ వ‌చ్చింది. ఆదాయ ప‌న్ను శాఖ నుంచి ఆ ప్రేమ‌లేఖ వ‌చ్చింది. 2004, 2009, 2014, 2020లో నేను స‌మ‌ర్పించిన ఎన్నిక‌ల అఫిడ‌విట్‌ల‌కు సంబంధించి నోటీసు వ‌చ్చింది` అని ప‌వార్ ట్వీట్ చేశారు. కొంద‌రు ఎంపిక చేసిన‌ వ్య‌క్తుల నుంచి స‌మాచారం తీసుకునే కార్య‌క్ర‌మాన్ని ఐటీ విభాగం ప్రారంభించింద‌ని వ్యాఖ్యానించారు. `ఇన్ని సంవ‌త్స‌రాల త‌రువాత కూడా స‌మాచారం తీసుకుంటున్నారంటే, ఐటీ విభాగంలో స‌మ‌ర్థ‌త బాగా పెరిగిన‌ట్లుంది. ఐటీ ` అని ప‌వార్ వ్యంగ్యంగా ట్వీట్ చేశారు.

అది అధికార దాహం

కాంగ్రెస్‌, ఎన్సీపీల‌తో క‌లిసి హిందుత్వానికి శివ‌సేనను దూరం చేశార‌ని ఏక్‌నాథ్ షిండే చేసిన ఆరోప‌ణ‌ల‌పై ప‌వార్ స్పందించారు. వారిది సైద్ధాంతిక పోరాటం కాద‌ని, అధికార దాహ‌మ‌ని వ్యాఖ్యానించారు.