Ramzan | భారత్లో నెలవంక దర్శనం.. ఆదివారం నుంచి ఉపవాస దీక్షలు
02 April 2022, 21:32 IST
Share
- ముస్లింలు పవిత్రంగా భావించే రంజాన్ మాసం .. భారత్లో ప్రారంభమైంది. దేశంలో శనివారం నెలవంక దర్శనమిచ్చింది.
ఢిల్లీలోని ఓ మసీదులో…
Ramadan 2022 Moon Sighting in India | భారత దేశంలోని అనేక ప్రాంతాల్లో.. శనివారం సాయంత్రం నెలవంక దర్శనమిచ్చింది. ఫలితంగా ఆదివారం నుంచి ముస్లింలు ఉపవాస దీక్షలు చేపట్టనున్నారు.
"పవిత్ర రంజాన్ మాసం ప్రారంభమైంది. ఈ క్రమంలో దేశంలోని ముస్లింలకు శుభాకాంక్షలు. దేశ శాంతిభద్రతల కోసం మేము ప్రార్థనలు చేస్తాము," అని ఫతేహ్పూర్ మసీదు ఇమామ్ ముఫ్తీ ముకర్రం అహ్మద్ వెల్లడించారు.
తమిళనాడు, పశ్చిమ్ బెంగాల్, ఉత్తర్ప్రదేశ్ తదితర రాష్ట్రాల్లోనూ నెలవంక దర్శనమిచ్చిందని ప్రాంతీయ ముస్లిం సంస్థలు వెల్లడించాయి.
సౌదీలో శుక్రవారమే నెలవంక దర్శనం..
Ramadan moon sighting | ప్రపంచవ్యాప్తంగా కొన్ని దేశాల్లో రంజాన్ మాసం శుక్రవారమే ప్రారంభమైంది. సౌదీ అరేబియాలో స్థానిక కాలమానం ప్రకారం.. శుక్రవారం రాత్రి నెలవంక దర్శనమిచ్చింది. ఈ క్రమంలో శనివారం ఉదయం నుంచి ముస్లింలు ఉపవాస దీక్షలు మొదలుపెట్టారు.
రంజాన్ మాసాన్ని ముస్లింలు అత్యంత పవిత్రమైనదిగా భావిస్తారు. నెలరోజుల పాటు కఠినమైన ఉపవాస దీక్షలు చేస్తుంటారు. చివరి రోజున ఈద్గా జరుపుకుంటారు. కాగా.. ప్రతియేటా రంజాన్ ప్రారంభమయ్యే రోజు.. మారుతూ ఉంటుంది. ముస్లింలు లూనార్ క్యాలెండర్ను అనుసరిస్తుండటమే ఇందుకు కారణం.
అఫ్గానిస్థాన్, అల్బేనియా, అర్మేనియా, ఆస్ట్రియా, అజర్బైజాన్, బహ్రైన్, బెల్జియం, బొలీవియా, బల్గేరియా, చేచ్నియా, డెన్మార్క్, ఫిన్ల్యాండ్, జార్జియా, హంగేరీ, ఐస్ల్యాండ్, ఇరాక్, ఇటలీ, జపాన్, జార్డన్, కజకిస్థాన్, కువైట్, కిరిగిస్థాన్, లెబెనాన్, మౌరీటనియా, నెథర్లాండ్స్, పాలెస్తీనా, ఖతార్, రొమేనియా, రష్యా, సింగపూర్, సుడాన్, స్విడెన్, స్విట్జర్లాండ్, సిరియా, తైవాన్, తజకిస్థాన్, టోగో, యూఏఈ, యూకే, ఉజ్బెకిస్థాన్, యెమెన్ తదితర దేశాలు.. సౌదీ అరేబియా ప్రకటనను ప్రామాణికంగా తీసుకుని రంజాన్ పవిత్ర మాసాన్ని మొదలుపెట్టాయి.
ఆస్ట్రేలియాలో నెలవంక శుక్రవారమే దర్శనమిచ్చింది. అందువల్ల శనివారం ఉపవాసం చేపట్టారు ముస్లింలు.