Vice presidential election : విపక్షాల ఉపరాష్ట్రపతి అభ్యర్థి.. మార్గరేట్ అల్వా
17 July 2022, 17:14 IST
- Vice presidential election : మాజీ కేంద్రమంత్రి మార్గరేట్ అల్వాను ఉపరాష్ట్రపతి అభ్యర్థిగా నిలబెట్టాయి విపక్షాలు.
విపక్షాల ఉపరాష్ట్రపతి అభ్యర్థి.. మార్గరేట్ అల్వా
Vice presidential election : ఆగస్ట్ 6న జరగనున్న ఉపరాష్ట్రపతి ఎన్నిక కోసం తమ అభ్యర్థిని విపక్షాలు ప్రకటించాయి. మాజీ కేంద్రమంత్రి మార్గరేట్ అల్వాను ఉపరాష్ట్రపతి ఎన్నిక రేసులో నిలబెట్టాయి.
అధికార ఎన్డీఏ తరఫు నుంచి పశ్చిమ్ బెంగాల్ గవర్నర్ జగ్దీప్ ధన్ఖడ్.. ఉపరాష్ట్రపతి ఎన్నిక పోటీలో నిలబడ్డారు.
ఎన్నిక జరిగే ఆగస్ట్ 6నే ఫలితాలు వెలువడనున్నాయి. ఎన్డీఏకు మెజారిటీ ఉండటంతో.. ధన్ఖడ్ గెలుపు లాంఛనమే!
మార్గరేట్ అల్వా ప్రస్తానం..
Margaret Alva : 1942 ఏప్రిల్ 14న మంగళూరులో జన్మించారు మార్గరేట్ అల్వా. గోవా 17వ గవర్నర్గా ఆమె విధులు నిర్వర్తించారు. గుజరాత్కు 23వ గవర్నర్గా, రాజస్థాన్కు 20వ గవర్నర్గా, ఉత్తరాఖండ్కు 4వ గవర్నర్గాను బాధ్యతలు చేపట్టారు. అంతేకాకుండా.. యూపీఏ హయాంలో కేంద్రమంత్రిగానూ పనిచేశారు 80ఏళ్ల అల్వా.
ఉపరాష్ట్రపతి అభ్యర్థిని ఎంపిక చేసేందుకు ఆదివారం భేటీ అయ్యాయి విపక్షాలు. భేటీ అనంతరం.. మార్గరేట్ అల్వాను ఉపరాష్ట్రపతి అభ్యర్థిగా ఎంపిక చేసినట్టు శరద్ పవార్ ప్రకటించారు.