Air quality: వాయు నాణ్యతలో ఎక్కడో అట్టడుగున భారత్

వాయు కాలుష్య సూచి 2022 (air pollution index 2022) లో భారత్ స్థానం ఏమంత మెరుగుపడలేదు. గత సంవత్సరం ఈ ఇండెక్స్ చివరి నుంచి 5 వ స్థానంలో ఉన్న భారత్ 2022 సూచీలో 8వ స్థానానికి మెరుగు పడింది. ఐఒఎయిర్ (IQAir) అనే స్విట్జర్లాండ్ ఎయిర్ క్వాలిటీ టెక్నాలజీ కంపెనీ ఈ వరల్డ్ ఎయిర్ క్వాలిటీ రిపోర్ట్ (world air quality report) ఇండెక్స్ ను రూపొందించింది.

వాయు కాలుష్యంలో టాప్ లాహోర్

2022లో చాడ్, ఇరాక్, పాకిస్తాన్, బహ్రైన్, బంగ్లాదేశ్ లు వాయు కాలుష్యంలో టాప్ 5 గా, అత్యంత కాలుష్యభరిత దేశాలుగా నిలిచాయి. ప్రపంచ ఆరోగ్య సంస్థ ప్రమాణాల ప్రకారం వాయు కాలుష్యం 2.5 పీఎం (PM2.5) లెవెల్ 5 µg/m3 కన్నా ఎక్కువ ఉండకూడదు. కానీ భారత్ లో ఇది 2022లో 53.3 μg/m3 గా ఉంది. అంటే సురక్షిత పరిమితి కన్నా దాదాపు 10 రెట్లు ఎక్కువ. 2021లో ఇది 58.1 µg/m3 గా ఉంది. రాజస్తాన్ లోని భివండి భారత్ లోనే అత్యంత కాలుష్యపూరిత నగరంగా ఉంది. భివండిలో వాయు కాలుష్యం 92.7 μg/m3 గా ఉంది. అలాగే, భారత్ లోని 60% నగరాల్లో వాయు కాలుష్యం డబ్ల్యూహెచ్ ఓ (WHO) ప్రమాణాల కన్నా అధికంగా ఉంది. ప్రపంచవ్యాప్తంగా ఉన్న నగరాల్లో పాకిస్తాన్ లోని లాహోర్ అత్యంత కాలుష్య భరిత నగరంగా నిలిచింది. ఇక్కడ వాయు కాలుష్యం 97.4 μg/m3 గా ఉంది.

ఇవి బెస్ట్..

డబ్ల్యూహెచ్ ఓ (WHO) ప్రమాణాల మేరకు వాయు నాణ్యత ఉన్న దేశాలు ఆస్ట్రేలియా, ఎస్టోనియా, ఫిన్లాండ్, గ్రెనడా, ఐజ్లాండ్, న్యూజీలాండ్ మాత్రమే. ఇవి మినహాయిస్తే మిగతా దేశాలన్నీ డబ్ల్యూహెచ్ ఓ (WHO) ప్రమాణాలను మించి వాయు కాలుష్యం కలిగి ఉన్నాయి.

టాప్ 8 మనవే..

ప్రపంచంలోని 10 అత్యంత కాలుష్యభరిత నగరాల్లో 8 ఆసియా ఖండంలోనే ఉన్నాయి. వాటిలో మొదటి స్థానంలో లాహోర్ (97.4 μg/m3) ఉండగా, వరుసగా రెండు మూడు స్థానాల్లో రాజస్తాన్ లోని భివండి (92.7 μg/m3), న్యూఢిల్లీ (92.6 μg/m3) నిలిచాయి. పాకిస్తాన్ లోని షెషావర్ (91.8 μg/m3), భారత్ లోని ధర్బంగ (90.3 μg/m3), అసొపూర్(90.2 μg/m3), పాాట్నా (88.9 μg/m3), ఘజియాబాద్ (88.6 μg/m3), ధరుహెరా (87.8 μg/m3), చాప్రా (85.9 μg/m3) అత్యంత వాయు కాలుష్య ప్రాంతాలుగా నిలిచాయి.