How to update Aadhaar : పెళ్లి తర్వాత.. ఆధార్లో మహిళ ఇంటి పేరు ఎలా మార్చుకోవాలి?
05 January 2024, 12:05 IST
- How to update Aadhaar : మీకు కొత్తగా పెళ్లైందా? ఆధార్ కార్డులో ఇంటి పేరును ఎలా మార్చుకోవాలి? అని చూస్తున్నారా? అయితే ఇది మీకోసమే..
పెళ్లి తర్వాత.. ఆధార్లో మహిళ ఇంటి పేరు ఎలా మార్చుకోవాలి?
How to update Aadhaar : దేశంలో 'ఆధార్' కార్డు లేకుండా ఇప్పుడు ఏ పని జరగడం లేదు. గ్యాస్ కనెక్షన్ నుంచి రైల్వే టికెట్ బుకింగ్స్ వరకు.. ప్రతి విషయంలోనూ ఆధార్ తప్పనిసరిగా మారింది. ఇంతటి విలువైన ఆధార్ కార్డులో తప్పులు ఉంటే, వెంటనే మార్చుకోవాల్సి ఉంటుంది. అయితే.. కొత్తగా పెళ్లైన మహిళలకు కొన్ని సందేహాలు వస్తుంటాయి. ఆధార్ కార్డులో ఇంటి పేరు మార్చుకోవాలా? మార్చుకోవాలి అని అనుకుంటే ఏం చేయాలి? అని ప్రశ్నలు ఉత్పన్నమవుతుంటాయి. పెళ్లి తర్వాత.. మహిళలు తమ ఆధార్ కార్డులో ఇంటి పేరును మార్చుకోవడం ఉత్తమం. ఈ నేపథ్యంలో.. ఆధార్ కార్డును ఎలా మార్చుకోవాలి? అన్న విషయాన్ని ఇక్కడ తెలుసుకుందాము.
ఆధార్ కార్డులో మహిళలు, తమ ఇంటి పేరును మార్చుకునే ముందు.. మ్యారేజ్ సర్టిఫికేట్ కచ్చితంగా ఉండాలి. ఇది వెరిఫికేషన్ డాక్యుమెంట్గా ఉపయోగపడుతుంది.
ఇదీ చూడండి:- Lock your Aadhaar biometrics: మీ ఆధార్ బయో మెట్రిక్స్ ను ఇలా లాక్ చేసుకోండి; డేటా లీక్ సమస్య నుంచి రక్షణ పొందండి..
ఆధారంలో ఇంటి పేరు మార్చుకోండి ఇలా..
How to change surname in Aadhaar : స్టెప్ 1:- మహిళలు, తమ భర్తలతో కలిసి ఆధార్ సేవా కేంద్రానికి వెళ్లాల్సి ఉంటుంది.
స్టెప్ 2:- ఆధార్ సేవా కేంద్రంలో కరెక్షన్ ఫామ్ లభిస్తుంది. అది తీసుకుని మీ వ్యక్తిగత వివరాలను సమర్పించాల్సి ఉంటుంది. పూర్తి పేరు, ఆధార్ నెంబర్, కాంటాక్ట్ నెంబర్తో పాటు ఇతర వివరాలను ఫిల్ చేయాల్సి ఉంటుంది.
స్టెప్ 3:- భర్త ఆధార్ కార్డు, మ్యారేజ్ సర్టిఫికేట్ వంటి ప్రూఫ్లను ఫామ్కు యటాచ్ చేయాల్సి ఉంటుంది. అన్ని వివరాలను మళ్లీ చెక్ చేసుకుని.. ఆధార్ కేంద్రంలో ఉన్న అధికారికి ఇవ్వాల్సి ఉంటుంది.
Married woman surname change in Aadhaar : స్టెప్ 4:- ఆ తర్వాత మీ బయోమెట్రిక్ డేటా, ఫొటోలు తీసుకుంటారు. ఆ తర్వాత వెరిఫికేషన్ ప్రక్రియ ఉంటుంది. ఆ తర్వాత నామినల్ ఫీజు చెల్లించాల్సి ఉంటుంది.
ఫామ్ని సబ్మీట్ చేసిన కొన్ని రోజులకు మీకు కొత్త ఆధార్ కార్డు వస్తుంది. అందులో మీ ఇంటి పేరు మారి ఉంటుంది. ఇతర వివరాలను కూడా ఒకసారి చెక్ చేసుకోవడం ఉత్తమం.
ఈ విధంగా.. పెళ్లి తర్వాత, మహిళలు.. ఆధార్ కార్డులో సులభంగా తమ ఇంటి పేరును మార్చుకోవచ్చు.