China Apps | 54 చైనా యాప్‌లపై నిషేధం

న్యూఢిల్లీ: దేశ భద్రతకు ముప్పు ఉందంటూ 54 చైనీస్‌ యాప్‌లపై నిషేధం విధించింది భారత ప్రభుత్వం. వీటిలో చైనాకు చెందిన పెద్ద కంపెనీలైన టెన్సెంట్‌, అలీబాబా, నెట్‌ఈజ్‌ల యాప్స్‌ ఉన్నట్లు బ్లూమ్‌బర్గ్‌ రిపోర్ట్‌ ఒకటి వెల్లడించింది.

2020లో భారత ప్రభుత్వం నిషేధం విధించిన యాప్స్‌నే ఇవి రీ బ్రాండ్‌ చేసి తీసుకొచ్చాయి. నిషేధం విధించబోయే యాప్స్‌లో ఈ కిందివి ఉన్నట్లు న్యూస్‌ ఏజెన్సీ ANI తెలిపింది. 

Beauty Camera: Sweet Selfie HD, Beauty Camera - Selfie Camera, Equalizer & Bass Booster, CamCard for SalesForce Ent, Isoland 2: Ashes of Time Lite, Viva Video Editor, Tencent Xriver, Onmyoji Chess, Onmyoji Arena, AppLock and Dual Space Lite వంటి యాప్స్‌ ప్రభుత్వం నిషేధించింది. కొన్నేళ్లుగా రెండు దేశాల మధ్య నెలకొన్న ఉద్రిక్త పరిస్థితుల నేపథ్యంలో ఇప్పటికే రెండుసార్లు పలు చైనా యాప్స్‌పై కేంద్రం నిషేధం విధించిన విషయం తెలిసిందే. తాజా యాప్‌లతో కలిపి ఈ మొత్తం సంఖ్య 324కు చేరింది.