సోషల్ మీడియాలో స్నేహం.. మెట్రో స్టేషన్‌లో కలుసుకున్నాక అత్యాచారం

న్యూఢిల్లీ, ఫిబ్రవరి 28: నైరుతి ఢిల్లీలోని సాగర్పూర్ ప్రాంతంలోని డాబ్రీ మెట్రో స్టేషన్ సమీపంలో ఓ బాలికపై ఆమె స్నేహితుడు అత్యాచారానికి పాల్పడ్డాడు.

సోషల్ మీడియా ద్వారా మైనర్‌ బాలికతో పరిచయం పెంచుకున్న నిందితుడు స్నేహం పేరిట ఈ దారుణానికి పాల్పడ్డాడు. నిందితుడిని అదుపులోకి తీసుకుని కేసు నమోదు చేసినట్లు పోలీసులు తెలిపారు.

బాధితురాలు కోచింగ్ క్లాసుకు వెళ్లిందని, ఆ తర్వాత తన స్నేహితురాలిని కలిసేందుకు వెళుతున్నట్టు ఇంట్లో చెప్పిందని పోలీసులు తెలిపారు.

‘ఆమె తన సోషల్ మీడియా ఫ్రెండ్‌ను కలవాలని నిర్ణయించుకున్నట్లు మాకు తెలిసింది. ఆ తర్వాత ఆమెపై నిందితుడు అత్యాచారానికి పాల్పడ్డాడు. మెట్రో స్టేషన్ సమీపంలో రేప్‌కు పాల్పడి కొట్టి అక్కడే పడేశాడు. తదుపరి దర్యాప్తు కొనసాగుతోంది' అని సీనియర్ పోలీసు అధికారి ఒకరు తెలిపారు.