GATE 2025 registration: రేపటి నుంచి గేట్ 2025 రిజిస్ట్రేషన్లు ప్రారంభం

GATE 2025 registration: గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (గేట్ 2025) రిజిస్ట్రేషన్ కమ్ అప్లికేషన్ ప్రక్రియ రేపటి నుంచి అంటే, ఆగస్ట్ 28వ తేదీ నుంచి ప్రారంభం కానుంది. ఈ పరీక్ష రాయాలనుకునే అర్హులైన అభ్యర్థులు గేట్ అధికారిక వెబ్ సైట్ gate2025.iitr.ac.in ద్వారా దరఖాస్తు చేసుకోవచ్చు.

నిజానికి ఆగస్ట్ 24 నుంచే.. కానీ

గేట్ 2025 (GATE 2025) కి అప్లై చేసుకోవడానికి ఆఖరు తేదీ సెప్టెంబర్ 26. కానీ, అభ్యర్థులు ఆలస్య రుసుముతో అక్టోబర్ 7 వ తేదీ వరకు దరఖాస్తు చేసుకునే అవకాశం ఉంటుంది. నిజానికి, గేట్ 2025 దరఖాస్తు ప్రక్రియ ఆగస్టు 24 వ తేదీననే ప్రారంభం కావాల్సి ఉంది, కానీ, సాంకేతిక కారణాలతో యూజీసీ దరఖాస్తు ప్రక్రియ ప్రారంభమయ్యే తేదీని వాయిదా వేశారు. అయితే, రిజిస్ట్రేషన్ ప్రారంభ తేదీ వాయిదా వేయడం వల్ల పరీక్ష షెడ్యూల్ సహా ఇతర తేదీలపై ఎలాంటి ప్రభావం ఉండదని స్పష్టం చేశారు. గేట్ 2025 పరీక్షను ఫిబ్రవరి 1, 2, 15, 16 తేదీల్లో రెండు షిఫ్టుల్లో నిర్వహిస్తారు. ఒక అభ్యర్థి గేట్ 2025 లో రెండు పేపర్ల వరకు రాయడానికి వీలుంటుంది.

గేట్ 2025: పరీక్షకు ఎలా దరఖాస్తు చేయాలి?

• గేట్ అధికారిక వెబ్సైట్ gate2025.iitr.ac.in ను ఓపెన్ చేయండి.
• హోమ్ పేజీలో అందుబాటులో ఉన్న గేట్ 2025 రిజిస్ట్రేషన్ లింక్ ను ఓపెన్ చేయండి.
• అభ్యర్థించిన సమాచారాన్ని అందించండి. అనంతరం సబ్మిట్ పై క్లిక్ చేయండి. మీ లాగిన్ వివరాలు జనరేట్ అవుతాయి.
• ఇప్పుడు, మీ ఖాతాలోకి లాగిన్ అవ్వండి. అప్లికేషన్ ఫామ్ ను నింపండి.
• మీ వివరాలు నమోదు చేయండి. అనంతరం, డాక్యుమెంట్లను అప్ లోడ్ చేయండి.
• ఆన్ లైన్ లో ఆన్ లైన్ బ్యాంకింగ్, డెబిట్ లేదా క్రెడిట్ కార్డు, ఏదైనా యూపీఐ ఐడీ ద్వారా పరీక్ష ఫీజు చెల్లించాలి.
• ఆ తర్వాత ఫామ్ సబ్మిట్ చేయాలి.
• తదుపరి అవసరాల కోసం కన్ఫర్మేషన్ పేజీ కాపీని డౌన్ లోడ్ చేసి సేవ్ చేయండి.

దరఖాస్తు ఫీజు

గేట్ 2025 దరఖాస్తు ఫీజు మహిళా, ఎస్సీ, ఎస్టీ, దివ్యాంగులకు రూ.900. ఆలస్య రుసుముతో చెల్లిస్తున్నట్లయితే, దరఖాస్తు ఫీజు రూ .1,400 అవుతుంది. మిగతా అభ్యర్థులందరికీ రెగ్యులర్ పీరియడ్ లో రూ.1,800 గా ఉంటుంది. ఆలస్య రుసుముతో చెల్లిస్తున్నట్లయితే, దరఖాస్తు ఫీజు రూ .2,300 అవుతుంది.