ECIL Recruitment 2023: ఈసీఐఎల్ లో భారీగా అప్రెంటిస్ పోస్ట్ ల భర్తీ; ఇంజనీరింగ్ లేదా డిప్లోమా చేసి ఉండాలి..

ECIL Recruitment 2023: ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్ (ECIL) 363 గ్రాడ్యుయేట్ ఇంజనీరింగ్ అప్రెంటీస్ (GEA), డిప్లొమా/టెక్నీషియన్ అప్రెంటీస్ (TA) పోస్ట్ ల భర్తీ కోసం దరఖాస్తులను ఆహ్వానిస్తోంది. అప్లికేషన్ ఫామ్ లను ఆన్ లైన్ లో సబ్మిట్ చేయడానికి చివరి తేదీ డిసెంబర్ 15. ఆసక్తి, అర్హత ఉన్న అభ్యర్థులు ఈసీఐఎల్ (ECIL) అధికారిక వెబ్‌సైట్‌ careers.ecil.co.in ద్వారా ఆన్‌లైన్‌లో దరఖాస్తు చేసుకోవచ్చు.

వేకెన్సీ వివరాలు

ఈ రిక్రూట్మెంట్ డ్రైవ్ ద్వారా మొత్తం 363 అప్రెంటిస్ పోస్ట్ లను భర్తీ చేస్తున్నారు. వాటిలో 250 పోస్ట్ లు గ్రాడ్యుయేట్ ఇంజనీరింగ్ అప్రెంటీస్ (GEA)లకు, 113 పోస్ట్ లు డిప్లొమా/టెక్నీషియన్ అప్రెంటీస్ (TA) లకు రిజర్వ్ చేశారు. ఈ రెండు కేటగిరీల అప్రెంటిస్‌షిప్ ఒక సంవత్సరం పాటు ఉంటుంది. ఈ పోస్ట్ లకు అప్లై చేసుకునే అభ్యర్థుల వయస్సు 25 సంవత్సరాలు మించి ఉండకూడదు.

అర్హతల వివరాలు..

గ్రాడ్యుయేట్ ఇంజనీరింగ్ అప్రెంటీస్ (GEA) పోస్ట్ లకు అప్లై చేసే అభ్యర్థులు తప్పనిసరిగా AICTE-ఆమోదిత కళాశాల లేదా గుర్తింపు పొందిన భారతీయ విశ్వవిద్యాలయం నుంచి నాలుగు సంవత్సరాల బీఈ (B.E) లేదా బి.టెక్ (B.Tech) పూర్తి చేసి ఉండాలి వీరు ఏప్రిల్ 1, 2021 నాటికి ఈ డిగ్రీ పూర్తి చేసి ఉండాలి. అలాగే, డిప్లొమా/టెక్నీషియన్ అప్రెంటీస్ (TA) లకు అప్లై చేసే అభ్యర్థులు మూడేళ్ల డిప్లొమా పూర్తి చేసి ఉండాలి.

ఇలా అప్లై చేయండి..

ఈ పోస్ట్ లకు అప్లై చేయడానికి ఈ కింది స్టెప్స్ ఫాలో కావాలి.

• ECIL అధికారిక వెబ్‌సైట్‌ careers.ecil.co.in ను ఓపెన్ చేయండి.
• హోమ్‌పేజీలో, Jobs పై క్లిక్ చేయండి.
• ఆ తర్వాత, n NATS పోర్టల్ లో ఎన్ రోల్ చేసుకోండి.
• దరఖాస్తు ఫారమ్‌ను పూరించండి.
• అవసరమైన అన్ని డాక్యుమెంట్స్ ను అప్‌లోడ్ చేయండి.
• దరఖాస్తు రుసుము చెల్లించండి.
• భవిష్యత్ అవసరాల కోసం అప్లికేషన్ ఫామ్ కాపీని సేవ్ చేసి పెట్టుకోండి.
• Direct link to apply