కూతురిపై అత్యాచారం.. క్లయింట్లకూ ‘ఆఫర్’ చేసిన తల్లిదండ్రులు

సమస్తిపూర్ (బీహార్), జూలై 04: ఓ మైనర్ బాలిక తన తల్లిదండ్రులపై చేసిన తీవ్ర ఆరోపణలు సంచలనం సృష్టించడంతో బీహార్‌లోని సమస్తిపూర్‌ ప్రాంతంలో పోలీసులు ఆదివారం ఓ జంటను అరెస్టు చేశారు.

తన తండ్రి, చిన్నాన్న తనను రేప్ చేశారని, తన తల్లిదండ్రులు అక్రమ లిక్కర్ చేస్తూ ఆ వ్యాపారంలో వారి క్లయింట్లకు తనను లైంగికంగా వాడుకునేందుకు ఆఫర్ చేసేవారని తీవ్రమైన ఆరోపణలు చేసింది.

జిల్లాలో సంచలనం సృష్టించిన సదరు వీడియో ఆధారంగా సుమోటోగా కేసు నమోదు చేసినట్టు రోసెరా సబ్ డివిజనల్ పోలీస్ ఆఫీసర్ షహర్యార్ ఖాన్ తెలిపారు.

ప్రస్తుతం తాను దర్భంగాలోని తన అమ్మమ్మ, తాతాయ్య ఇంట్లో ఉన్నానని ఆ వీడియోలో తెలిపింది. తనను తన తండ్రి, చిన్నాన్న రేప్ చేశారని ఆరోపించింది.

తన తల్లిదండ్రులు లిక్కర్ వ్యాపారంలో ఉన్నారని, మత్తులో ఉన్న వారి ఖాతాదారులకు తనను లైంగికంగా వాడుకునేందుకు ఆఫర్ చేసే వారని ఆరోపించింది.

ఈ లైంగిక దాడి ఘటనకు సంబంధించి దర్యాప్తు కొనసాగుతోందని, రాష్ట్రంలో మద్యపానంపై నిషేధం ఉన్నప్పటికి మద్యం అమ్మకాలు చేయడంపై విచారణ జరుగుతోందని పోలీసు అధికారి తెలిపారు.