Bilkis Bano case : బిల్కిస్ బానో కేసులో సుప్రీంకోర్టు కీలక తీర్పు- గుజరాత్ ప్రభుత్వానికి షాక్!
08 January 2024, 11:52 IST
Bilkis Bano case : బిల్కిస్ బానో కేసులో దోషులుగా ఉన్న 11మందిని విడుదల చేయడానికి వ్యతిరేకంగా దాఖలైన పిటిషన్లపై సుప్రీంకోర్టు కీలక తీర్పును వెలువరించింది. దోషులు జైలుకు తిరిగివెళ్లాలని తేల్చి చెప్పింది.
బిల్కిస్ బానో కేసుపై సుప్రీంకోర్టు తీర్పు..
Bilkis Bano case Supreme court verdict : బిల్కిస్ బానో కేసులో 11మంది దోషులను జైలు నుంచి విడుదల చేస్తూ గుజరాత్ ప్రభుత్వం ఇచ్చిన ఆదేశాలను సుప్రీంకోర్టు కొట్టివేసింది. ఆ చర్యలు చేపట్టే సమర్థత గుజరాత్ ప్రభుత్వానికి లేదని, ఆ విషయం.. మహారాష్ట్ర చేతుల్లో ఉందని పేర్కొంది. నిందితులకు 2 వారాల సమయాన్ని ఇస్తూ.. ఆలోగా జైలులో లొంగిపోవాలని తీర్పులో స్పష్టం చేసింది. సుప్రీంకోర్టు తాజా తీర్పుతో.. న్యాయం కోసం పోరాడుతున్న బిల్కిస్ బానోకు విజయం లభించినట్టు అయ్యింది.
Rishi Sunak net worth : కింగ్ చార్లెస్ కన్నా.. రిషి సునక్- అక్షతా మూర్తులే ధనవంతులు!
Naturals Ice Cream : నేచురల్స్ ఐస్క్రీమ్ వ్యవస్థాపకుడు రఘునందన్ కామత్ కన్నుమూత..
Thief Lawyer: కి‘‘లేడీ లాయర్’’.. కోర్టులోనే దర్జాగా దొంగతనాలు; ఎట్టకేలకు అరెస్ట్
COVID-19: మళ్లీ కోవిడ్-19 కలకలం; సింగపూర్ లో వారం రోజుల్లో 25,900 కేసులు నమోదు
"వాస్తవాలను తప్పుదో పట్టించి, క్షమాపణల కోసం దోషులు ప్రభుత్వానికి విజ్ఞప్తి చేసుకున్నారు. క్షమాపణ అంగీకరించి, దోషులను విడుదల చేయాలని సుప్రీంకోర్టు ఎప్పుడు గుజరాత్ ప్రభుత్వానికి చెప్పలేదు. ఇది నేరపూరత చర్య. ఈ విషయంలో బాధితురాలి హక్కును పరిగణలోకి తీసుకోవాలి. ఆ మహిళకు గౌరవం ఇవ్వాలి. దోషులను విడుదల చేసే ముందు గుజరాత్ ప్రభుత్వం.. నాటి తీర్పును వ్యతిరేకిస్తూ రివ్యూ పిటీషన్ని వేసుండేది. కానీ అలా చేయలేదు. దోషులను విడిచిపెట్టే సమర్థత గుజరాత్ ప్రభుత్వానికి లేదు," అని బిల్కిస్ బానో కేసుల తీర్పును వెలువరించిన జస్టిస్ బీవై నగరత్న, జస్టిస్ ఉజ్జల్ భవన్లతో కూడిన సుప్రీం ధర్మాసనం వ్యాఖ్యానించింది.
ఇదీ జరిగింది..
గోద్రా ఘటన నేపథ్యంలో చెలరేగిన అల్లర్ల సమయంలో బిల్కిస్ బానో వయస్సు 21ఏళ్లు. అప్పటికి ఆమె 5 నెలల గర్భవతి. అల్లర్లలో.. ఏడుగురు కుటుంబసభ్యులను కోల్పోయింది బిల్కిస్ బానో. వారిలో తన 3ఏళ్ల కుమార్తె కూడా ఉండి. అంతేకాకుండా.. ఆ నాడు, ఆమెపై సామూహిక అత్యాచారం జరిగింది.
Supreme court Bilkis Bano case : బిల్కిస్ బానో కేసు దర్యాప్తును గుజరాత్ నుంచి ముంబైకి తరలించారు. కేసు సీబీఐ చేతుల్లోకి వెళ్లింది. 11మంది నిందితులను జీవిత ఖైదు చేయాలని 2008లో తీర్పునిచ్చింది స్పెషల్ కోర్టు. ప్రత్యేక కోర్టు తీర్పును 2017లో బాంబే హైకోర్టు డివిజన్ బెంచ్ సమర్థించింది.
అయితే.. 2022 ఆగస్ట్ 15న.. 11మంది నిందితులకు ఉపశమనాన్ని కల్పిస్తూ, వారిని జైలు నుంచి విడుదల చేసింది గుజరాత్ హైకోర్టు. ఆ నిర్ణయాన్ని కేంద్రం కూడా సమర్థించింది! ఈ వ్యవహారంపై బిల్కిస్ బానో వేసిన పిటిషన్.. సుప్రీంకోర్టు వరకు వెళ్లింది. అదే సమయంలో.. మహిళకు మద్దతుగా.. అనేక మంది కూడా పిటిషన్లు దాఖలు చేశారు.
Bilkis Bano case Supreme court : బిల్కిస్ బానో కేసుపై విచారణ చేపట్టిన సర్వోన్నత న్యాయస్థానం.. దోషులకు ఉపశమనం కల్పించే విషయంలో ప్రభుత్వాలు సెలెక్టివ్గా (తమకు నచ్చిన వారికే) ఉండకూడదని అభిప్రాయపడింది. అన్నివైపులా వాదనలు విన్న కోర్టు.. అక్టోబర్ 12న తీర్పును రిజర్వు చేసింది. తాజాగా.. తీర్పును ప్రకటించింది.