Man rapes a pregnant cow : ఆవుపై అత్యాచారం; క‌ట‌క‌టాల వెన‌క్కి కామాంధుడు
31 August 2022, 16:55 IST
Share
హిందువులు ప‌విత్రంగా భావించే, గోమాతగా పూజించే ఆవుపై అత్యాచారం జ‌రిపాడో కామాంధుడు. ఈ ఘ‌ట‌న ప‌శ్చిమ‌బెంగాల్‌లోని ద‌క్షిణ 24 ప‌ర‌గ‌ణ జిల్లాలో జ‌రిగింది.
ప్ర‌తీకాత్మ‌క చిత్రం
Man rapes a pregnant cow : గ‌ర్భిణిగా ఉన్న ఆవుపై అత్యాచారం చేసిన ఆరోప‌ణ‌ల‌పై 29 ఏళ్ల యువ‌కుడిని పోలీసులు అరెస్ట్ చేశారు. అత్యాచారం అనంత‌రం తీవ్ర ర‌క్త‌స్రావంతో ఆవు చ‌నిపోయింద‌ని ఆ గోవు య‌జ‌మాని పోలీసుల‌కు తెలిపారు. ఆయ‌న ఇచ్చిన ఫిర్యాదుపై నిందితుడైన యువ‌కుడిని పోలీసులు అదుపులోకి తీసుకున్నారు.
Man rapes a pregnant cow : ప‌శ్చిమ‌బెంగాల్‌లో..
ప‌శ్చిమ‌బెంగాల్‌లోని ద‌క్షిణ 24 ప‌ర‌గ‌ణ జిల్లాలో ఈ దారుణం చోటు చేసుకుంది. ఫిర్యాదుదారైన ఆవు య‌జ‌మాని ఆర్తి భుయ్యా వెల్ల‌డించిన వివ‌రాల ప్ర‌కారం.. కొన్ని రోజుల క్రితం అర్ధ‌రాత్రి త‌మ ప‌శువుల కొట్టంలోకి వెళ్లిన 29 ఏళ్ల యువ‌కుడు ప్ర‌ద్యుత్ భుయ్యా అక్క‌డి ఒక గ‌ర్భిణి అయిన ఆవుపై దారుణంగా అత్యాచారం చేశాడు. గ‌ర్భిణిగా ఉన్న ఆ ఆవు ఆ ఘ‌ట‌న అనంత‌రం తీవ్ర ర‌క్త‌స్రావంతో చ‌నిపోయింది. ఈ ఘ‌ట‌న‌పై ఆ ఆవు య‌జ‌మాని పోలీసుల‌కు ఫిర్యాదు చేశాడు. దాంతో, కేసున‌మోదు చేసుకున్న పోలీసులు నిందితుడిని అరెస్ట్ చేశారు. అత‌డికి స్థానిక కోర్టు 14 రోజుల జ్యూడీషియల్ క‌స్ట‌డీ విధించింది. ద‌క్షిణ 24 ప‌ర‌గ‌ణ జిల్లాలోని నంఖానా బ్లాక్‌లో ఉన్న చంద‌న్‌పుడి గ్రామంలో ఈ ఘ‌ట‌న జ‌రిగింది. నిందితుడైన ప్ర‌ద్యుత్‌పై గ‌తంలోనూ చాలా ఆరోప‌ణ‌లు ఉన్నాయ‌ని గ్రామ‌స్తులు తెలిపారు. గ్రామంలో మ‌హిళ‌ల‌ను వేధించ‌డం, మేక‌లు, ఆవులను దొంగ‌లించ‌డం, పొలాల్లోని పంట‌ను దొంగ‌లించ‌డం వంటి నేరాల‌కు పాల్ప‌డేవాడ‌ని వివ‌రించారు.